الموضوع: ان شاء الله راجع لمساعدة كل رجالة البيجو

المشاركة الأصلية كتبت بواسطة Ahmed Amin

أنا زيك لما باجي أحط P لما بركن أو لما باجي أطلع بالعربية
لازم أخد العصاية خطف لفوق مرة واحدة لو بركن, أو من ال P لل D مرة واحدة لو هطلع بالعربية.

مش معني كدا أني باخدها أسرع من الطبيعي, اللي مش صح أنك تحرك العصاية براحة أوووي لأنها ساعتها هتلقط الغيار R وأنت بتحرك العصاية براحة
وهتحس بالدبة بتاعته اللي بتبقي مزعجة لو عندك مشكلة في البلوف.

أزاي سبت الاستبر يعمل Self learning لوحده ؟

وفعلاً مفيش غوايش ولا بوش زي ما نور وضح.
الحاجات دي بتكون في الفتيس المانيوال مش الأوتو.

يعنى الدبة عندك كدة برضه فى ال r و لا ال p؟

الدبة ليست سوى صوت قوى مسموع بس ما توصلش انها ترج العربية

بخصوص ال self learning:

the fuel injection ECU is of the self learning type , meaning that as it operates , it also monitors and stores the settings which give optimum engine performance under all operating conditions. when the battery is disconnected ,these settings are lost and the ECU reverts to the base settings programmed into its memory at the factory .On restarting, this may lead to the engine running/idling roughly for a short while,untill the ECU has relearned the optimum settings. This process is best accomplished by taking the vechile on a road test (for approximatelt 15 minutes covering all engine speeds and loads concentrating mainly in the 2500 to 3500 rpm region)

الجزء دا انا ناقله من كتالوج الصيانة بخصوص شرح ال self learining امتى و ازاى تتعمل

لما ركبت كل حاجة تانى بعد التنظيف من غير ما ادور الكونتاكت و اقفل و افتح و الكلام دا ، او اقرص على الموتور ......

دورت الموتور و كان صوته عالى و ال rpm عالى جدا لدرجة انى قلقت اكون بوظت حاجة
بس بعد لفة الربع ساعة الامور هديت تانى و تحس ان العربية بقت فاهمة الغيارات عن الاول بكتير

دكتور نور.. سؤال مهم جداً.. انا مقبل على شراء ٣٠٧ sw 2008 أعلى فئه

ف كلمه ونص.. ايه عيوب العربيه دي؟؟
علماً بأني راكب هيونداي بعد لما الأوبل طلع @@&£&&@&٪#^ أهلي معاه.. وشكرا.. :) :)

من الآخر يعني هطلع عيني زي الأوروبي عموماً والأوبل خصوصاً ولا عربيه Daily Use.. ؟؟

المشاركة الأصلية كتبت بواسطة lord of the flies

نور باشا حمد لله على السلامه
ارجو مساعدتك بخصوص ال407 ديزل مميزات و عيوب و توافر قطع غيار و ميكايكية و هل ينفع فيما بعد تغير الموتور و الفتيس ببنزين و شكرا

انا عارف انها عربيه مش منتشره بس كنت متوقع الاقى اى رد من حد جربها

أولا : حمد لله على السلامة وعودا حميدا

عندى مشكلة فى السحب للعربية 406 موتور 1800 سى سى الاسمر
ايه الخطوات اللى مفترض اعملها ؟؟؟
وبخصوص البوجيهات غيرتها قريب نظرا لانه العربية كانت بتغيب فى الدوارة ولكن (فى كلام على تظبيط خلوصات البوجيه بالفلر هل ده لازم ولا لا لانى طبعا معنديش فلر فى البيت علما بانى غيرت البوجيهات فى البيت )

وبخصوص ارتفاع العربية (انا عليت العربية بعلايات تحت السوست من الخلف لكن مش مستريح لشكل العربية حاسس انها مكفية لقدام مع انها الحمد لله كعمليا ف المشى والتحميل لو راكب ناس والشنطة ملايان مش بتحك فى مطبات على عكس قبل كده كانت بتحك لو مركب اتنين فى الكنبة ورا فتنصحنى بأيه انا عايز اشيل العلايات عشان ابقى مستريح لشكل العربية ولكن مش عايزها تحك فى المطبات :( )

واخر استفسار بخصوص افضل تاجر اتعامل معاه فى قطع الغيار مين وفين ؟؟؟

المشاركة الأصلية كتبت بواسطة nour_peugeot

انا معا والدي 407 بنزين 2200 سي سي بصراحه ماشاء الله و لا كلمة بس الديزل

الديزل اليجيلك منه الريح سده و استريح متسواش فلوس

بصراحه مقتنع بالعربيه جدا جدا و سعر الديزل مناسب لعمرها لانى مش هدفع 100 الف للبنزين فى عربيه موديل قديم اكتر من خمس سنوات مع انى عارف انها تساوى... بس على ما اعرف ان مشكله الديزل بتكون ان سواقين الملاكى مش بيعرفوا يعملوا السرفيس بتاعه صح عندك التيوتا الميكروباص و الكوستر و كل العربيات الجيب الديزل ما شاء الله خدمه شاقه و مواتير مبتشتكيش فعشمان ان موتور البيجو الديزل يكون على قد اسمها العالمى كشركه رائده