الموضوع: عصام صفا وعدم المهنيه !! وعدم احترام العميل

المشاركة الأصلية كتبت بواسطة elhosieny

بعيدا عن الكلام الكتير ::

الاستقبال الاستاذ احمد وعبد الله الاتنين قمه فى الاحترام والتعامل والمهنيه ..

** فى شهر رمضان مركز عصام واصفا كان مقفول لاسباب عندهم
روحت مره اصبح الساعه 9 وكانوا قافلين
تانى مره بردوا وانا باجى سفر من طنطا بعدها باسبوع طلعوا قافلين
المره التالته روحت وواخد ميعاد يوم السبت الصبح ومرتب وحاجز وقالوا فاتحين

روحت يوم السبت دخوا اسيارات بالترتيب وعربيتى دخلت واترفعت بعدها ب شويه الاستاذ عصام جه وقال طلعوا العربيه دى برا النهارده صيانه بس (يعنى عربيات المشاكل مش وقتها ) بمعنى عربيات الصيانات الى بتجيب فلوس تخيها والى بتتصلح فيها حاجه تتطلع برا لحد ما نفوووق ليها

قولتله انا واخد ميعاد و تالت مره اجى المهم ربنا سهل وساب العربيه مرفوعه
المهم الشخص الى شغال فيها متوتر لان كل شويه عصام يجى يقوله خلص بقه كل ده وقت فى العربيه وجو الرعب ده يعنى طلسق خلص بسرعه ..
المهم انا كنت مدخل العربيه عفشه اغير ليها كاوتش ميزااااان .. جه قالك المقص بايظ ازاااى قالك كده وخلاص
المهم ركبنا مقص وكاوتش ميزان بردوا
تانى نقطه استهلاك البنزين والبوابه والانشجكشن المهم نظفوا البوابه حتى مكنش فيه منظف وقتها وشويه وقت شغل فى الكابوووت تنظيف حساس وبوابه وخلاص
بعدها بربع ساعه بيدور العربيه مش بتدووووووووووووور قعد شويه اكتشف العطل قالك ( طلمبه البنزين باااظت ) طب ازاى يا عم باظت وانا مالى العربيه ماشى بيها وجيت مره واتنين وعمرها ما حتى علقت او وقفت قالك كده وخلاص طلمبتك تلاقيها كانت ضعيفه
بكام الطلمبه ب 700 ج واكتشف بعد كده 150 ج تركيب طلمبه ( عرفتها متاخر )
طبعا حطك ف خانه اليك اما تركب الطلمبه اما تنزل العربيه وتطلعها برا وتشوف حد يجى يسحبك وانت جاى من سفر وف رمضان والساعه بقت 2 ظهرا
المهم ركبنا الطلمبه الجديده وبدروا بقولهم انا جاى عشان استهلاك وبوابه .. الكلام ده اتعمل يقولك عربيتك تمام ومظبوطه والكمبيوتر بيقول انها كويسه
اخدت العربيه ومشيت ::
1/ نفس الصوت الى كان ف العفشه والمقص القديم اخدته ل كذا عفشجى قالك سليم
2/ نتشه البوابه زى ما هى
3/ الاستهلاك مش عاجبنى

اه صحيح دفعت ف طلمبه البنزين والمقص ( فاتوره ب 1850 ج وعمل خصم بقت 1700 والله راجل كريم واصيل )
والعيب الاساسى الى جاى عشانه ما اتعملش خااااااااااالص
اتصلت بيهم وعرفتهم ان المشاكل زى ما هى اخدت ميعاد روورحت تانى
بردوا ما فيش جديد اى اشتغالات محدش فاهم حاجه اى واحد عندده خبره قليله ف عربيته يبقى اقوى منهم تماما
نفس صوت العشفه ما تعملش والمقص كان سليم والاستهلاك والبوابه الجيدده معملتش اى جديد
والنتشه لسه زى ما هى
طبعا زهقت تماما مش عارف يفيدك ولا يعملك اى حاجه ف العربيه


المهم خلاصه القول بعيدا عن النصب او الاشتغالات

المركز ده فقط مركز عمل صيانااااااااات 1000 /100000/20000 وهكذا ولكن انه يحل مشكله ف عربيه .. انساااااااااااااااااااااه

واستعوضت ربنا وخلاص

ربنا يعوض عليك يا باشا .. للاسف المركز سيئ جداً حتى في الصيانات انا اخر مره عملت عندهم صيانه كانت صيانة ال90 الف وانا قاعد فوق شايف كل اللي بيتعمل .. كل الل يهمهم يبيعوا قطع غيار سواء استيراد او كوبي وفي الاخر يحط مصنعيه زي التوكيل ويخفض في الاخر 100 جنيه واسمه عمل معاك واجب وبيبقى مزودهم في الاول .. انا مش فاهم دا ازاي مركز معتمد لبروتون ... عموماً ان حقدم شكوى رسميه لعز العرب .. وفي الاخر منهم لله

المشاركة الأصلية كتبت بواسطة Elhosieny

لو هتقدم انا جاهز معاك
وعندى فاتوره بكدا وعندى القطع لاى اتغيرت

باشا انا فعلاً تواصلت مع الاداره في ابو رواش عن طريق الصفخه الرسميه بتاعتهم ع الفيس ودا اللينك بتاعهم https://www.facebook.com/proton.egypt وقالولي انهم عرضوا مشكلتي على الاداره وعاوزين يحددوا معايا ميعاد مع مدير الصيانه بس لازم يبقى معايا فاتوره بالصيانه .. بس للاسف انا مأخدتش منهم فاتوره .. علشان كده مش عارف ارد عليهم اقولهم ايه

المشاركة الأصلية كتبت بواسطة ahmed_h_g

ايه اللي بيحصل ده ؟؟؟؟
معلش يا أستاذ ساري محدش بيتعلم ببلاش

الف شكر يا احمد باشا .. الحمد لله .. قدر الله وما شاء فعل
انا حبيت اعمل الموضوع المره دي علشان كده .. لأن حصل معايا موقف مشابه بردوا عند عصام صفا وقولت المره دي لازم احذر الناس علشان محدش يحصله زي اللي حصللي لأن المواقف ومراكز الصيانه اللي زي دي بتكره الواحد في العربيه رغم ان العربيه جميله وانا بعشقها .. بس الحمد لله على كل حال