ولا يهمك.....وربنا يسلم طريقك
رقم العضوية : 28754
تاريخ التسجيل : 29Dec2008
المشاركات : 279
النوع : ذكر
الاقامة : cairo
السيارة: GEN2
السيارة[2]: gen2
الحالة :
(((البوست ده مش هدفه التشهير بحد .. لكن انا ححكي واقعه حصلت معايا ولتاني مره عند عصام صفا))) .. عملت حادثه بالجين 2 .. الحمد لله .. قدر الله وماشاء فعل .. اللي مدايقني اني خدت العربيه على ونش علشان الخبطه جات في الباب الشمال امامي والرفرف والعجله الشمال اتكسر الشمعدان والمساعد والمقص فالعربيه مكنتش بتمشي .. المهم روحت بيها على " عصام صفا " ( للاسف ) .. لحقتهم قبل ميقفلوا واديتهم مفتاح العربيه وقالولي الصبح حنديك تقرير ونقولك ايه اللي محتاج يتغير بالظبط فقولتلهم بلغوني بالمطلوب علشان فيه قطع غيار ممكن اجيبها من بره (زي الشمعدان اللي عندهم استيراد وانا كنت عاوز اركبه جديد افضل ) .. تاني يوم كلمتهم على الساعه 11 قالولي لسه مدخلتش رغم المفروض تدخل اول عربيه لكن كل شويه يقولوا حندخلها .. اتصلت اكتر من 4 او 5 مرات والعربيه مدخلتش وكل مره يقولولي العربيه حتخلص النهارده لحد مكلموني الساعه 5 وانا في الطريق ليهم .. بقطع الغيار اللي حتتغير فقولتلهم فيه قطع غيار حجيبها والباقي من عندكوا وبعد نص ساعه كنت عندهم .. قابلت المهندس عصام قاللي العريبه حنشتغل فيها بكره .. قولتلوا انتوا اتفقتوا معايا انكم حتبلغوني بالتقرير الصبح والعربيه حتخلص النهارده .. فوجئت باسلوب في منتهى قلة اللياقه والاحترام لدرجة انه وجه كلامه لحسين (مسئول قطع الغيار ) وقالو طلعلوا العربيه بره لحد منشوف حنصلحها امتى (مع العلم ان العربيه كانت مرفوعه جوه المركز ) انا مسكت اعصابي واتكلمت معاه بهدوء وقولتلوا اظن عيب تقول طلعلوا العربيه بره والكلام ده وانك بتنتهز ان العربيه مش بتمشي واني حضطر اخدها بونش تاني ولو العربيه بتمشي مكنتش قولت الكلام ده .. المهم للامانه الراجل اعتذر وحسين قاللي انا حسلمك العربيه بكر الساعه 12 الضهر قولتلوا ماشي وجيت تاني يوم لحد ما العربيه خلصت على الساعه 4 او 5 تقريباً وجيت احاسبه فوجئت ان المهندس عصام عامل مصنعيه 1000 جنيه علشان تغيير شمعدان ومساعد وبارات وبطاحه ومقص !!! ودي عادته دايماً انه يزود قوي في المصنعيه ويرجع يخفض شويه واسمه انه جامل في الصيانه (ودا اسلوب غير مهني وليس فيه شيئ من المصداقيه بالمره) المهم خفض المصنعيه ل 500 جنيه !!!! حاسبت وقولتلوا كده كلوا تمام قاللي تمام بس لازم تعمل ظبط زوايا وخدت العربيه ومشيت .. وبعد تقريباً 3 دقايق مشي بالعربيه فوجئت ان العربيه بتبطل ومولعه من السخونيه وببص على مؤشر الحراره لقيته على الشرطه الحمرا .. بطلت العربيه لحد مبردت والمؤشر رجع لطبيعته ودورت الماتور وحطيت ميه للريداتير لقيت الريداتير مفيهوش ولا نقطه ميه .. بردت العربيه وكلمتوا قاللي تعالالي ورجعت فعلاً عليه .. طبعاً كنت شايط لأني اتبهدلت علشان الاقي عربيه توقفلي علشان مش معايا ميه لكن الحمد لله ربنا سهلها .. وبتكلم معاه بكل هدوء بقولوا ينفع الشغل ده .. وازاي اخرج من عندك والريداتير مفيهوش ولا نقطة ميه ؟؟!! فوجئت باسلوب في منتهى قلة الذوق من علو الصوت والزعيق وكلام غريب انه ملوش دعوه لأن محدش اشتغل في الريداتير .. قولتلوا لأ اشتغلوا في الريداتير فنده على الاخ اللي كان شغال في العربيه وقالوا اه انا اشتغلت في الريداتير .. ورغم كده استمر في الكلام الغريب وانه كان شغال في الميكانيكا بس ومالوش دعوه وفوجئت باسلوب اكتر من قلة الذوق وقالهم ارمولوا العربيه بره وخد عربيتك وامشي ومتجيش هنا تاني .. طبعاً انا كمان معرفتش امسك نفسي وزعقت معاه لحد ما " عبد الله " مهندس الاستقبال هداني وقاللي العربيه حنظبطها بس محتاجه نغير الريداتير قولتلوا ماشي وحاسبت على الريداتير وخدت العربيه ومشيت ... السؤال ... يعني ايه مركز خدمه معتمد من بروتون تجيلوا عربيه على ونش وعامله حادثه وميشيكش على كل حاجه في العربيه ؟!! وازاي يسلمني العربيه ويقوللي كله تمام والعربيه مفيهاش ولا نقطة ميه ؟!! بس انا اللي غلطان لأنه بردوا كان له موقف مشابه لده معايا وللاسف رجعت اعمل صيانه عنده تاني .. عموماً انا مفوض امري لربنا .. وحسبي الله ونعم الوكيل
سبحان الله وبحمده سبحان الله العظيم
رقم العضوية : 50048
تاريخ التسجيل : 16Oct2009
المشاركات : 241
النوع : ذكر
الاقامة : mansoura
السيارة: corolla...007
السيارة[2]: gen 2....2007
دراجة بخارية: no
الحالة :
ولا يهمك.....وربنا يسلم طريقك
mansoura faculty of medicine
رقم العضوية : 17584
تاريخ التسجيل : 31Aug2008
المشاركات : 1,485
النوع : ذكر
الاقامة : cairo
السيارة: FIAT PUNTO DUAL LOGIC
السيارة[2]: Persona 2009
دراجة بخارية: no
الحالة :
ايه قلة الأدب دي وفين عز العرب من هذه التصرفات من المتعاقدين معاه للصيانه
(( ومن يتق الله يجعل له مخرجا ويرزقه من حيث لا يحتسب ))
رقم العضوية : 161989
تاريخ التسجيل : 26Jun2014
المشاركات : 617
النوع : ذكر
الاقامة : Planet Earth
السيارة: Speranza Envy 2014
السيارة[2]: Mazda 929(81) - Altima 92
الحالة :
مهندسين مين صباح الفل . الناس دي ............................ بس كدا .
ولا يهمك يا كبيير وربنا يكيفك شر الطريق ومش تحتاج للناس دي تاني .
رقم العضوية : 28754
تاريخ التسجيل : 29Dec2008
المشاركات : 279
النوع : ذكر
الاقامة : cairo
السيارة: GEN2
السيارة[2]: gen2
الحالة :
رقم العضوية : 28754
تاريخ التسجيل : 29Dec2008
المشاركات : 279
النوع : ذكر
الاقامة : cairo
السيارة: GEN2
السيارة[2]: gen2
الحالة :
رقم العضوية : 28754
تاريخ التسجيل : 29Dec2008
المشاركات : 279
النوع : ذكر
الاقامة : cairo
السيارة: GEN2
السيارة[2]: gen2
الحالة :
رقم العضوية : 151662
تاريخ التسجيل : 15Nov2013
المشاركات : 2,021
النوع : ذكر
الاقامة : الجيزة
السيارة: Proton Gen-2 2010 a/t
السيارة[2]: Opel Vectra 1999 1.6 m/t
دراجة بخارية: لا يوجد
الحالة :
قدر الله و ما شاء فعل و إن شاء الله متحتجمهش تاني
دي مش اول مرة اسمع شكوي عن عصام صفا ده انا كنت ناوي اروح اعمل صيانات عندهم
نصيحة علشان يبطلوا اللي بيحصل ده حط الموضوع علي صفحة proton club egypt علي فيسبوك لإن اللي حصل ده إستهبال رسمي
Omar El-Gezeiry
رقم العضوية : 28754
تاريخ التسجيل : 29Dec2008
المشاركات : 279
النوع : ذكر
الاقامة : cairo
السيارة: GEN2
السيارة[2]: gen2
الحالة :
الف شكر يا باشا >> بس على فكره في بعض الصفحات على الفيس الادمنز بتوعهم علاقتهم كويسه بعصام صفا علشان لما بيروحولوا بعربياتهم بيهتم وبيعملهم خصم كبير مقابل انهم بيظبطولوا الدعايه وكده وعملت فعلاً الموضوع ولقيت هجوم رهيب رغم ان عصام نفسه دخل وعمل كومنت وقال انه اشتغل عفشه بس يعني معملش تشيك على العربيه كلها ورغم كده قعدوا يقفلوا ع الموضوع لدرجة انهم عملولي بلوك علشان معرفش ارد عليهم
سبحان الله وبحمده سبحان الله العظيم
رقم العضوية : 161400
تاريخ التسجيل : 12Jun2014
المشاركات : 40
النوع : ذكر
الاقامة : مصر
السيارة: جين 20102
السيارة[2]: اوبترا 2008
الحالة :
انا بقه ليا موضوع مشااااااااابه
وكنت متردد مره والف احكيه بس هقوله بردوا للجميع ...
هرجع البيت واكتب مشاركه فىيها الموضوع كامل
المفضلات