الموضوع: هو ليه ا لجواز بقي بيعه و شروه كده

المشاركة الأصلية كتبت بواسطة bRo

ببساطة نصيبك لسه مجاش

مش عارف ليه حاسس ان الموضوع ملهوش علاقه بالنصيب كنت مره قريت مقاله ان الزواج لا نصيب و لا حاجه و انت اللي بتجيبه لنفسك يا تجيب واحده تخلي حياتك جنه يا تجيب واحده تخلي حياتك جهنم انا مش متفق مع المقاله بس كانت فيها وجهات نظر تحترم
الواحد كان نفسه يتولد مكتوب علي كف ايه مثلا اسم اللي هيتجوزها و اسم ابوها كان هيبقي اريح كتير من وجع الدماغ ده

المشاركة الأصلية كتبت بواسطة engmody32

موضوع اني الاقي بنت احبها و تحبي ده بقي صعب انا 33 سنه يا باشا و متخرج من سنين طويله و مبقاش في مجال اقابل حد فيه و اتعرف عليه

أنا شخصيا متجوز جواز صالونات و أول واحدة أقابلها ،، ربنا كان ميسر الأمور :)

لكن ممكن تفكر توسع دائرة علاقاتك الإجتماعية غير الشغل

اشتغل في العمل الخدمي و الخيري ، خد كورسات تعليمية ، اشترك في حزب الخ

الحاجات دي بيبقي فيها بنات كتير و معارف و برده هتديلك فرصة تقرب أكتر من الشخصية ،،

ثانيا ،، من رأيي الشخصي أهم قاعدتين في اختيار شريكة الحياة ،،

١- يكونوا شاريين يعني حالتك دي و لا تفكر فيها ،، شقة في عمارة قديمة ايه !!! اللي بيتكلموا فيها

شوف ناس بتشتري راجل زي ما بيقولوا و عايزين يبسطوا الأمور و ربنا بيوسعها بعد كده

مع العلم إن حتي الشاريين دوول بيكون تفكيرهم مادي بس اكثر فهما يعني بيبقوا عارفين العريس ده عيلته ايه و مستقبله المهني ايه ،، فعارفين إنها مستورة بس بلاش نقرفه و نرهقه بتفاصيل سخيفة

٢- بص علي الأم ،، البنت هتبقي زي امها بالضبط حتي لو بانوا متناقضين أو حتي لو بتنتقدها ،،


و ربنا هيكرمك إن شاء الله

المشاركة الأصلية كتبت بواسطة engmody32

ازيكم يا احلي شباب الواحد مخنوق من موقف و عايز يفضفض معاكم
كنت كتب كده مش شهرين عن موضوع الجواز و البحث عن العروسه
http://www.nilemotors.net/nile/436485-a.html
و كمان عملت موضوع بطلب فيه النصيحه ازاي ادور علي عروسه بطريقه تانيه غير جواز الصالونات
http://www.nilemotors.net/nile/437502-a.html
المهم النهارده لما رجعت من الشغل لقيت الحاجه بتقولي ان في واحده من معارفها قالتها ان هي كان عندها عروستين دكاتره و انها قالت ليهم عني و مرضوش لأن شافوا ان شقتي اللي هما مشفوهاش اصلا مش هتناسبهم علشان هي في عماره قديمه مش عماره جديده مع انها شقه تمليك و علشان هي اوضتين بس
الغريب ان الناس دي لا شافتني و لا اتكلمت معايا و لا شافت شقتي و اعترضوا انهم يشوفني اصلا علشان العماره قديمه
و ان هما ناس مسترييحن ماديا و مبسوطين و مش عارف ايه و ابوهم استاذ في الجامعه و امهم مش عارف ايه
حسيت ان الموضوع بيعه و شروه و ان هو هتدفع كام و هتسكن فين حتي من قبل ما نشوف البني ادم
حسيت معلش اني رأيح اشقط واحده من الشارع و عايز تطمن اني هدفعها كويس و يجي بقي شكلي و شخصيتي بعدين
الغريبه ان والدتي اتخانقت معايا و قالتي انت حوشت شويه فلوس كمان المفروض تغير الشقه بقي و تبيعها و تجيب واحده تانيه اوسع في عماره جديده
قولتلها اصلا الشقه عمرها ما وقفت في طريق جوازي و انت عارفه ان ال 12 عروسه اللي شفناهم الموضوع مكملش من ايام المقابلات و مدخلناش بيوتهم و لا اتفقنا علي حاجه يعني الرفض كان من الرؤيه و كده
قالتلي ما شوفت اهه الناس مش عايزه تشوفك علشان العماره قديمه
انا مش عارف اول ايه و اعمل ايه
اعمل زي ما امي عايزه و ابيع الشقه اللي هي مش مشكله اصلا
و لا رأيي انا صح ان دي ناس طماعه و عايزه تبيع بنتها للي يدفع اكثر

تسمحلى ااساعدك بطريقة تانية

اعمل الكشف ده وابقى رد عليا

تصلى ركعتين لله ثم
أعوذ بكلمات الله التامه من كل شيطان وهامه ومن كل عين لامه. ثلاث مرات أعوذ بكلمات الله التامات من غضبه وعقابه ومن شر عباده ومن همزات الشياطين وأن يحضرون. ثلاث مرات


1-الفاتحة . سبع مرات 2-اية الكرسى. سبع مرات 3-ايه رقم4 . {سورة تبارك }({ثم ارجع البصر كرتين ينقلب إليك البصر خاسئا وهو حسير} سبع مرات 4-ايه رقم 51. { سورة القلم } (( وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ )) سبع مرات 5-الاخلاص. سبع مرات 6-الفلق . سبع مرات 7- سورة الناس سبع مرات 8- الصلاة على النبى 10 مراتثماللهم ابطل ماكان سحر اللهم ابطل ماكان مس اللهم ابطل ماكان عملااللهم ابطل ماكان عشق اللهم ابطل ماكان قريناللهم ابطل مكان لمساللهم ابطل ماكان نظرةاللهم ابطل ماكان حسداللهم ابطل ماكان عين كيفية الكشف يقوم الشخص الذى يريد الكشف على نفسه بقراءة السور والآيات سبع مرات مع أحساسه بالقراءة وتدبرها من بعد صلاة الفريضة او صلاة نافلة وهو على السجادة ثم بعد ذلك الصلاة على النبى صلى الله عليه وسلم عشر مرات ثم يقول كل سطر من من سطور اللهم ابطل ماكان على حده ويردده لمدة ثلاث دقائق بدون عدد فإن لم يشعر بشىء من الأعرأض مثل التثأب المتكرر أوضيق الصدر أو الصداع أو تنميل جزء من الجسم أو البكاء أودموع من العين وتسييل من الأنف أو قشعرة كأنها تسير فى الجسد أو أى شعور غير طبيعى فلينتقل إلى السطر الذى يليه وهكذا.ومن يجد أى من هذة الأعراض فليزيد فى التكرار حتى يشعر أنه صدره أنشرح وابتد ت الأعراض فى الأنسحاب ثم ينتقل إلى السطر الذى يليهملحوظة: أرى انه من شاهد أى من الأعراض التى ذكرناها عنده أسأل الله السلامة للجميع و قد أدرك ما عنده بالتحديد أن شاء الله.ومن يكون ملتزم وعنده قوة إيمان و عزيمة وإصرار فمن الممكن أن يقوم بنفسه بالعلاج وسوف يكتشف الكثير والفهم من الله سبحانه وتعالى اللهم أنى أسألك العفو والعافية فى الدنيا والاخرةاللهم أشفى كل مبتلى وأحفظ المسلمين أجمعين. اّميين. اّميين. اّميين.ونذكركم بالدعاء والسلام عليكم ورحمة الله وبركاته

المشاركة الأصلية كتبت بواسطة ahmed anwer

أنا شخصيا متجوز جواز صالونات و أول واحدة أقابلها ،، ربنا كان ميسر الأمور :)

لكن ممكن تفكر توسع دائرة علاقاتك الإجتماعية غير الشغل

اشتغل في العمل الخدمي و الخيري ، خد كورسات تعليمية ، اشترك في حزب الخ

الحاجات دي بيبقي فيها بنات كتير و معارف و برده هتديلك فرصة تقرب أكتر من الشخصية ،،

ثانيا ،، من رأيي الشخصي أهم قاعدتين في اختيار شريكة الحياة ،،

١- يكونوا شاريين يعني حالتك دي و لا تفكر فيها ،، شقة في عمارة قديمة ايه !!! اللي بيتكلموا فيها

شوف ناس بتشتري راجل زي ما بيقولوا و عايزين يبسطوا الأمور و ربنا بيوسعها بعد كده

مع العلم إن حتي الشاريين دوول بيكون تفكيرهم مادي بس اكثر فهما يعني بيبقوا عارفين العريس ده عيلته ايه و مستقبله المهني ايه ،، فعارفين إنها مستورة بس بلاش نقرفه و نرهقه بتفاصيل سخيفة

٢- بص علي الأم ،، البنت هتبقي زي امها بالضبط حتي لو بانوا متناقضين أو حتي لو بتنتقدها ،،


و ربنا هيكرمك إن شاء الله

المشاركة الأصلية كتبت بواسطة ahmed4000

بص لو حاولت 20 مرة حتى وطلعوا طماعين ولا تافهين ولا ماديين
ده مش معناه ان كل البنات كده
لو عندك اخت هل لو جالها واحد شقته قديمة حتقوله لا؟

اكيد لا ...حتشوفه الاول ....اكيد فى عائلات زيك كتير كده

بس عايزة تدوير اكتر

دانت اكيد لما كنت بتشترى الشقة بصيت على 100 عمارة الاول

فمبالك بزوجة

متياسش ومتزهقش وكمل ومتدبسش نفسك فى اى حاجة من زن اللى حواليك

اخيرا لقيت حد متفهم وجهه نظري و مش ماسك في نقطه مستوي اجتماعي اللي ناس كتير اتكلمت عليها مع ان اهل العروسه لا يعرفوا المستوي الاجتماعي بتاعي و لا شافوني و لا يعرفوني و لا يعرفوا امكانياتي و لاحظوا النقطه بتاعه البيعه اللي لازم تتم بأحدث موديل من الشقق :)

المشاركة الأصلية كتبت بواسطة maka

فعلا فى ايامنا هذه فى ازمة فى مواضيع الجواز عن ما سبقنا من اجيال قريبة

بدء ذى بدء فى انعدام ثقة بين الطرفين بيوصل ان كل شخص بيبقى عاوز يضمن حقه او حق طرفه وقت حدوث مشاكل وتلاقى لذلك طلبات غريبة زى كاتبة دهب البنات منذ ميلادها انتقالنا لبيت عريسها فى القايمة او كتابة القايمة ككمبيالة او عدم كتابة تماما انكارا للحقوق

ثانيا بعض الاسر تضع طلبات مادية اذا تجوزتها تبدء المقابلة , البعض يضع طلبات تتجاوز مستوه هو شخصيا

ثالثا الاغلب يدور على الشكل فقط وينسون ان الشخصية و المعاملة الحسنة خيرا و ابقى

رابعا مبدا تستير البنات مبقاش عند كل الناس , لا البنت تفضل قاعدة مش مهم . احد المعارف معيار السن لا يشكل له اهمية فتقدم لاسرة تكافىء اسرته اجتماعيا وماليا فرق بسيط و العروسة تكابره بسنة واحدة . ابو العروسة فضل يبيع و يشترى فيه علشان معندهوش شقة تمليك حاليا بل هيستلمها بعد فترة . الولد لما راح و مرجعش الراجل بيكلمه و يقوله انا عندى عمارة ملك هديكم فيها شقة !!! محدش يقولى بيختبره , يختبره بعد ما يقدره و يحترمه

خامسا ضعف العلاقات الاجتماعية سبب مباشر كذلك

اخيرا فيه ناس فعلا تيسر لهم الامور من اول شخص سواء ولد او بنت لكن الصعوبات فعلا زادت بشكل ملحوظ فى ايامنا والله المستعان

حاول تطلع صدقة دائمة بنية تيسير امورك فى مواضيع الزواج وربنا يرزقك الزوجة الصالحة

و الله حضرتك انا بسمع من القصص دي كتير و في نفس الوقت بعرف ناس شخصيا حصل معاهم مواقف محترمه جدا من اهل زوجاتهم لما اتقدمولهم لكن للأسف الناس دي قليله جدا و الباقي كله شايفها صفقه و فلوس و امكانيات رغم انا انا لو غني ممكن فلوسي تروح في لحظه او يجيلي مرض و متنفعش فلوسي تعالجني منه معرفش الناس جرا ليها ايه و بقي ماديين كده ليه و ماديه الناس خلت كل حاجه بقت ماديه سواء المقاولين اللي بييبيعوا باسعار هلاميه او بتوع صالات الافراح و بتوع الذهب و غيرهم تلاقي دول مستنين علشان يمصوا دمك لأنك لازم تديهم فلوسك و انت راضي و الا مش هتتجوز
المشكله الرئيسيه بقي انا الاهل مبقوش يعملوا اعتبار للشاب المكافح يعني لو في واحد ايوه جابله كل حاجه و كل اللي هو هيعمله في الجوازه انه يشارك بمجهوده الذاتي بيتساوي عندهم من اللي تعب و طفح الكوته و اتمرمط لحد ما كون نفسه و بقي قادر يتجوز و ده فعلا بيحزن الواحد ان مبدء العصاميه ده راح و مبقاش موجود بالعكس بقي في بعض الناس تتكسف تقوله علشان يبقي عيب ان اهله مساعدهوش يبقوا ناس فقرا و اخيه عليهم

المشاركة الأصلية كتبت بواسطة engmody32

و الله حضرتك انا بسمع من القصص دي كتير و في نفس الوقت بعرف ناس شخصيا حصل معاهم مواقف محترمه جدا من اهل زوجاتهم لما اتقدمولهم لكن للأسف الناس دي قليله جدا و الباقي كله شايفها صفقه و فلوس و امكانيات رغم انا انا لو غني ممكن فلوسي تروح في لحظه او يجيلي مرض و متنفعش فلوسي تعالجني منه معرفش الناس جرا ليها ايه و بقي ماديين كده ليه و ماديه الناس خلت كل حاجه بقت ماديه سواء المقاولين اللي بييبيعوا باسعار هلاميه او بتوع صالات الافراح و بتوع الذهب و غيرهم تلاقي دول مستنين علشان يمصوا دمك لأنك لازم تديهم فلوسك و انت راضي و الا مش هتتجوز
المشكله الرئيسيه بقي انا الاهل مبقوش يعملوا اعتبار للشاب المكافح يعني لو في واحد ايوه جابله كل حاجه و كل اللي هو هيعمله في الجوازه انه يشارك بمجهوده الذاتي بيتساوي عندهم من اللي تعب و طفح الكوته و اتمرمط لحد ما كون نفسه و بقي قادر يتجوز و ده فعلا بيحزن الواحد ان مبدء العصاميه ده راح و مبقاش موجود بالعكس بقي في بعض الناس تتكسف تقوله علشان يبقي عيب ان اهله مساعدهوش يبقوا ناس فقرا و اخيه عليهم

انا واقع فى نفس مشكلتك بس اسوء و ده مخلينى معتقد دلوقتى ان فكره الزواج مش قابله للتطبيق على كل الناس فى الزمن الحالى

اه فيه نصوص قرئانية و احاديث و خطب دينيه بتأكد اهميته بس على ارض الواقع هو فعلا مش صالح لكل الناس هو ضرورى و مهم بس برضه مش اى حد مواضيعه بتتسهل فى الطريق ده و فيه ناس زى حالتى كده خلاص اقتنعت ان نصيبها ماجاش و مش هيجى ههههه و خلاص بتحاول تشوف نمط حياه يأقلمها على الوضع الجديد