هو ليه ا لجواز بقي بيعه و شروه كده

**drcobra** · 18-09-2014 10:27 AM

الناس خلاص اتقلبت الا من رحم ربى
المفروض اى اب وام يبحثوا عن الرجل الصالح اللى هيحافظ على بنتهم مش اللى معاه فلوس
طيب ما انا لو معايا ملايين هتجوز واحدة وبعدين هدور على غيرها وكل بيع وشراء

**prof2013** · 18-09-2014 01:50 PM

كنت لسه متقدم من حوالي اسبوعين كده لواحده امها زميلتي في الشغل وفيه علاقه وطيده بيننا
يعني تقديري للموقف اني لما اتقدم هيوافقوا
ولما اتقدمت اتغيرت المعامله 360 درجه واصبح كل واحد مستقل بذاته lol
نصيحه مني ابعد عن الجواز وفكر في اي حاجه تانيه مفيده
لو حالتك الماديه كويسه ممكن تجيب خدامه فليبينيه او هنديه او خدام يقضيلك مصلحتك وبالنسبه للهرمونات صوم
ولو عايز تخلف اجرلك عيل هههههه سيبك العيال وجع قلب
وبس كده يادكترة

**engmody32** · 18-09-2014 05:30 PM

هو اصلا الربايه للبنت بقت بتربيها علي كده انا اللي هيتجوزها هيدفع فيها كتير و كمان بعد ما يتجوزها يجبلها كل حاجه عايزها و نفسها فيها اهلها رفضوا او مقدروش يجبوها ليها زمان يعني تلاقي دلوقت الاب و الام يقولوا لبنتهم لما تطلب حاجه و هما مش عايزين يجبوها لما تتجوزي يا حبيبتي جوزك يجبهالك يعني في الاخر تدفع دم قلبك و تتجوز واحده شايفه انك جاي علشان تبقي وظيفتك في الحياه انك تجبلها اللي عايزه بغض النظر عن سعره و لازمته للأٍسف الواحد حاسس فعلا ان في حاجه غلط في الناس و في نفس الوقت مينفعش منتجوزش تحس انك رايح برجلك للنار للكن لازم تروح هتعمل ايه

**Bassem Youssef** · 18-09-2014 05:37 PM

و الله بقول الزواج من خارج مصر للحفاظ علي اموالك و كرامتك و برضه في ناس مش مصدقه

**Khaled Online** · 18-09-2014 06:08 PM

المشاركة الأصلية كتبت بواسطة باسم يوسف

و الله بقول الزواج من خارج مصر للحفاظ علي اموالك و كرامتك و برضه في ناس مش مصدقه

أيوه ازاي؟ وبلاش حلول ذات خطوط عريضة من نوع: سافر ودور هناك. مهو مش عارفين نسيبها أساسا. ماسكه فينا مسكة موت! وشكرا

**prof2013** · 18-09-2014 08:23 PM

المشاركة الأصلية كتبت بواسطة باسم يوسف

و الله بقول الزواج من خارج مصر للحفاظ علي اموالك و كرامتك و برضه في ناس مش مصدقه

هو حل بس بردو بتقع مشاكل اكبر
يعني الجواز في الاول سهل جدا لكن هتقع مشاكل زي الاختلاف على الاقامه لو هي اقامت هنا صعب تتكيف وتعيش هنا طيب هتروح انت بلدها طيب وشغلك ؟؟
دا غير اختلاف العادات والتقاليد والدين .... الخ
يعني اوله سهل واخره صعب
لكن عندنا اوله ووسطه واخره وما بعد الاخرة كللله زفت

**engmody32** · 19-09-2014 02:40 AM

بص الجواز من خارج مصر مش هيريحك ابدا انت اتعودت علي المصريه بقرفها و شكلها و اسلوبها للأٍسف الشديد زي نظام فيلم الكيف قعدوا يورونوا البنات ام نشاره لحد ما ذوقنا فسد و لما نشوف بنات بجد خاليه من نشاره الخشب نقول عليها مغشوشه و الله حاجه بقت تجنن

**Bassem Youssef** · 19-09-2014 03:16 AM

المشاركة الأصلية كتبت بواسطة khaled online

أيوه ازاي؟ وبلاش حلول ذات خطوط عريضة من نوع: سافر ودور هناك. مهو مش عارفين نسيبها أساسا. ماسكه فينا مسكة موت! وشكرا

موضوع السفر علي حسب فلوسك و مهاراتك العلميه و توجهاتك الشخصيه

فمقدرش اديك نصيحه معينه في الموضوع ده

علي نفسي انا ببيع كل ما املك هنا عشان اسافر تنزانيا و افتح مشروع هناك (استوديو تصوير)

البلد هناك في اجانب كتير فربنا يساهل و الواحد يتلاقي نصيبه هناك

المشاركة الأصلية كتبت بواسطة prof2013

هو حل بس بردو بتقع مشاكل اكبر
يعني الجواز في الاول سهل جدا لكن هتقع مشاكل زي الاختلاف على الاقامه لو هي اقامت هنا صعب تتكيف وتعيش هنا طيب هتروح انت بلدها طيب وشغلك ؟؟
دا غير اختلاف العادات والتقاليد والدين .... الخ
يعني اوله سهل واخره صعب
لكن عندنا اوله ووسطه واخره وما بعد الاخرة كللله زفت

انا بقول تتجوز من بره مصر عشان يبقي اتفاديت اسوأ زوجه في العالم (الزوجه المصريه) و خلعت من هنا

مش عشان تتجوز هنا و كل واحد حر طبعا في رأيه

المشاركة الأصلية كتبت بواسطة engmody32

بص الجواز من خارج مصر مش هيريحك ابدا انت اتعودت علي المصريه بقرفها و شكلها و اسلوبها للأٍسف الشديد زي نظام فيلم الكيف قعدوا يورونوا البنات ام نشاره لحد ما ذوقنا فسد و لما نشوف بنات بجد خاليه من نشاره الخشب نقول عليها مغشوشه و الله حاجه بقت تجنن

ههههههههههههههه فعلا تشبيه مناسب

المشكله ان الشباب مستسلمين للامر الواقع

مسيريين و كأنهم غير مخيريين

مع ان ربنا ادانا نعمه العقل عشان نفكر بيه

**engmody32** · 19-09-2014 07:07 PM

اللي الواحد مستغرب له ان نفس الاهل دول بعد سنتين 3 يجيلهم واحد عريس اقل في كل حاجه من اللي سبقوه ماديا و اجتماعيا و يوافقوا بيه و يساعدوه لأن ساعتها بيبقي البنت سنها كبر و فرص جوازها قلت يعني اسلوب مزاد انا رافع السعر طول ما البضاعه عليها الطلب و لما تبقي بضاعه راكده الحق اي بيعه و السلام قبل ما تعفن عندي في المخزن

**mr_vampire** · 19-09-2014 07:40 PM

ايه كمية الاحباط اللي فالموضوع ده يارجالة ؟؟؟؟

من الاخر كدة : لسة في بنات ولاد ناس واهاليهم بيشترو رجالة ومش بيبيعو بناتهم.

عيش حياتك ونصيبك هيصيبك وهتاخده لما ربنا ياذن وافتكرو ان اللي بيدور علي حاجة بمنكاش مش بيلاقيها واللي بيستني حاجة بيطول انتظاره.

عيش حياتك وركز في مستقبلك لانه الاهم ونصيبك هيجيلك ...

ربنا يوفق الجميع.