السلام عليكم .
أخي الفاضل سعداوي .
أحب أوضح أني سُقت الأثنين ......الياريس و الأكسنت .
الياريس موتورها ممتاز ...... و علشان العربية خفيفة سحبها حلو قوي و أستهلاكها للبنزين أكثر من ممتاز ...... و لكن الثبات ....... ضايع ..... معلش لازم تجرب كذا عربية و تجرب حاجة ثباتها أعلى علشان تعرف الفرق .
الأكسنت الأرقام بتقول أنها أقوى ..... موتورها 112 حصان مقابل 84 حصان لموتور الياريس اللي موجود في مصر .
و موتور الياريس 1500 ........ برضه أقل و هو 106 حصان .
حضرتك شايف أن الياريس أحلى في الشكل ..... دي أذواق شخصية بس أغلب الناس بتقول أن الياريس شكلها مش حلو ........ ( رأي أغلبية الناس اللي أعرفهم و حتى هنا على المنتدى ) ..... أذواق شخصية ....أرجوا ان النقطة دي ما تضايقش حضرتك نهائي .
لأن موضوع الأذواق ده نسبي ...... و يمكن أنا اللي ذوقي وحش و مبعجر .
بالنسبة لتجربة الأكسنت ...... الأكسنت موتورها أشد خصوصا في السرعات العالية و سحبه ممتاز ..... يمكن الياريس تتفوق في الطلعة الأولى بسبب خفة الوزن ... بس بعد 100 ..... السحب أقل من النيو أكسنت ...... و الثبات بيقل جامد .
يمكن أنا حسيت الموضوع ده بالذات لأني متعود أسوق عربيات تقيلة و ثباتها عالي .
زي الجين 2 و الأسكودا a4 و الفورد أسكورت .... و أحب أقول ثبات النيو أكسنت أحسن من الياريس ...... و أقل من الثلاثة عربيات دول .
بالنسبة للسعر الخاص بالسيارتين .
الياريس خمسة باب .... كاملة تماما ........ 15080 دولار صهيوني .
النيو أكسنت خمسة باب ..... كاملة تماما ..... 15070 دولار صهيوني .
يعني فرق السعر 10 دولار صهيوني فقط لا غير .
و هنا بتكلم عن ياريس 1500 و ليس 1300 .
فيه معلومة اضافية
العربيات الياباني في مصر بتدخل في شريحة جمركية أعلى من السيارات الأخرى .
على الأقل شريحة الجمرك الخاصة بها أكبر من شريحة الكوري و الماليزي .
بس الفرق ان العربيات الياباني اللي بتنزل مصر بتكون متجردة من حاجات كتيرة و الكوري برضه بيتجرد من حاجات كتيرة .
فبرضه لسة العربيات الياباني غالية شوية عن السعر الطبيعي بتاعها
و أنا عايز أقول نقطة تاني .
أن ربنا يباركلك في عربيتك و أهم حاجة الرضى و حُب الشئ الذي وهبك الله أياه .
و فعلا العربية معقولة جدا و موفرة في البنزين و تحفظي كان على السعر و الشكل .
و بما ان النقطتين دول لا يشغلوك في شئ ..... يبقى زي الفل و ربنا يباركلك في العربية و يستر طريقك إن شاء الله .
المفضلات