الموضوع: حوار من القلب للقلب - الجزء الأول

المشاركة الأصلية كتبت بواسطة معاذ الشرباصى

شيكو باشا

انا فى سؤال نفسى اساله بس متردد شوية

بس هتشجع و اقوله

دلوقت حال المرضى هنا فى مصر لا يسر عدو و لا حبيب

احنا بنشوفهم يوميا فى القصر العينى,منهم اللى حالته متردية, و منهم اللى ماديا مش قادر يكمل و اشكال و الوان مختلفة

طيب لما كل دكتور شاطر تجيله فرصة انه يسيب البلد, مين هيبقى للناس دى غير الناس اللى اقل فى الشطارة (بلاش نقول الناس الواقعة)

يعنى لما بتشوفهم كده مبتحسش تجاهم بمسئولية؟ يعنى احنا ممكن تكون عندنا الفرصة اننا نخرج, لكن هما "ما باليد حيلة و لازم يفضلوا هنا"

و هل مثلا بتفكر انك تطور من نفسك و ادائك و ترجع تانى

معلش, بس السؤال ده دايما بساله لنفسى, و نفسى اسمع راى حد غيرى

سؤال صعب يا صاحبي بس حارد عليه بصراحة تامة

أيوه إنت عليك مسئولية دينية و أخلاقية و أدبية للناس ديه ....لكن أنا جت علي أوقات كنت حاسس اني باغضب ربنا بممارستي للطب في مصر و حاديك أمثلة فعلية من غير ذكر أسامي أشخاص أو مستشفيات :

- كاطباء تخدير لازم نستخدم أجهزة لقياس الوظائف الحيوية للمريض أثناء العملية الجراحية .... بالاضافة طبعا لاجهزة كتيرة تمنع وقوع المصائب من نوعية تبديل أسطوانات الغازات الطبية إلى اخره و غيره و غيره
فيه حد أدني من الاجهزة ديه لازم تبقى موجودة و إلا التخدير يبقى مخاطرة كانت بتتاخد في القرن ال-١٩ قبل التقدم العلمي الحالي و طبعا دلوقت ما لهاش لازمة
مرة و أنا نايب الحد الأدني للأجهزة ديه ما كانش موجود في المستشفي و احنا و الجراحين قررنا إن ما نقدرش نعمل أي عملية في غياب الأجهزة ديه ....تفتكر رد أدارة المستشفي كان إيه .... لا تعملوا العملية لا نحولكم لامن الدولة بتهمة الاضراب و الأمتناع عن العمل

عمليات زرع الكلي و الكبد و ما يصاحبها من تجارة أعضاء ديه تقول عليها إيه .... الجراحين اللي بيعملوا عمليات غير ضرورية و اخطائهم بيشيلها المريض و أهله تعمل فيهم إيه ....شركات الأدوية اللي مش بتعاير المواد الفعالة في الدواء حتعمل فيهم إيه ..... سوء التعقيم و التمريض حتعمل فيهم إيه .....الادارة البيروقراطية اللي ممكن ما تجبش دواء يتوقف عليه حياة بني أدم علشان ما بيستخدمش كتير حتعمل فيهم إيه ...... تخيل بقى إن منظومة الفساد ديه مش قاصرة على الطب بس ....لا كل حته في البلد .... كل حتة .....وصلها توليفة من الفساد و الفوضي و العشوائية و الظلم و تدهور الاخلاق حتعمل إيه .....

هو ده السؤال يا صاحبي و برضه سؤال صعب

المشاركة الأصلية كتبت بواسطة MoToRiZeR

ايه يا ميزة الشغل العالي ده .. ده أمن الدولة بتهرج جنبينا يا رجالة و الله :d

المشاركة الأصلية كتبت بواسطة نور القمر

ههههههههههههه ميزا بجد مشاركة ميه ميه
مجهود جبار تنفع صحفي مش مذيع

عيب عليكم ... أنا بقعد ساكت ساكت وفجأة !! ... أكمل سكوت عشان ورايا مذاكرة و مش فاضى.


و أنا من موقعى هذا أحب أطمنكم إن بعد ما أخلص الكلية هشتغل صحفى :k48:

شيكو باشا ... إدعيلى يا صديقى هبدأ بكرة أنف و أذن و حنجرة ENT ... و ما أدراك ما هو ال ENT و إمتحانات ال ENT .... :k25:

المشاركة الأصلية كتبت بواسطة نور القمر

لألألألألألألألألأ يا شهاب متهيألك انك مأمن نفسك
في ضيوف كتير مش مشهورين في المنتدى واتشهروا على ايدي
نجاح الحلقة مش متوقف على العضو نشيط ولا لأ
انما متوقف على اسلوب العضو في الرد والحوار ومثال على كدة ايمن 52 كان قلقان من النقطة دي وحلقته كانت في منتهى الجمال
ولعلمك الحلقات اللي عدت كدة بسرعه كانت بسبب ان الموضوع جديد ومحدش مهتم بيه
مش علشان مشهورين او لأ

أيه ده ...هو حضرتك لسه هنا...طيب مش كنت تصبرى عليا شوية لما احبطه و ابهدل معنوياته...عشان ينهار بسرعة فى المعركة...و بعدين انا مقدر دورك اللى بتقومى بيه ..و الناس اللى اشتهرت ع ايدك...بس ابوس ايديك اعفينى ...استرى عليا ربنا يستر عليكى

المشاركة الأصلية كتبت بواسطة MoToRiZeR

+ عشان نثبتلك .. إسمك مكتوب :D
نور مكتشفة النجوم هتخلي صورتك علي ستيكر نايل موتورز :D

يعنى ينفع كده ...عاجبك كده ...بعد ما كنت قربت اقضى ع معنوياته!!...ماشى..و بعدين انا لو صورتى هتتحط ع الاستيكر فانت هيتعملك استيكر خاص بيك و مش بعيد ينزلو عربيات سريون لعبة عليها صورتك :k4:..من اللى هايتعمل فيك طبعا يا عزيزى فى حلقتك :k5:

:k48::k48:
ميزا باشا ربنا يوفقك ENT مادة سهله نسبيا بس نمرها بتضيع مش عارف ازاي...ربنا يعينك يا باشا ... بس أنت طلعت حكاية و الله :)...الوقت ده كنا شغالين في نفس المستشفي و كانت مسز شيكو مش عايزة حد يعرف انها هي ....بس قال إيه بقى طلعتلي غلطة في موضوعي ..... :)

المشاركة الأصلية كتبت بواسطة Chicco

:k48::k48:
بس أنت طلعت حكاية و الله :)...الوقت ده كنا شغالين في نفس المستشفي و كانت مسز شيكو مش عايزة حد يعرف انها هي ....بس قال إيه بقى طلعتلي غلطة في موضوعي ..... :)

غلطة في الموضوع وغلطة في المطبخ وغلطة في العجة وغلطة في تاريخ كأس العالم وما خفي كان اعظم هههههههههههههه ان شاء الله نعرف كل ما خفي في حلقة مسز شيكو قريب

المشاركة الأصلية كتبت بواسطة Chicco

سؤال صعب يا صاحبي بس حارد عليه بصراحة تامة

أيوه إنت عليك مسئولية دينية و أخلاقية و أدبية للناس ديه ....لكن أنا جت علي أوقات كنت حاسس اني باغضب ربنا بممارستي للطب في مصر

عمليات زرع الكلي و الكبد و ما يصاحبها من تجارة أعضاء ديه تقول عليها إيه .... الجراحين اللي بيعملوا عمليات غير ضرورية و اخطائهم بيشيلها المريض و أهله تعمل فيهم إيه ....شركات الأدوية اللي مش بتعاير المواد الفعالة في الدواء حتعمل فيهم إيه ..... سوء التعقيم و التمريض حتعمل فيهم إيه .....الادارة البيروقراطية اللي ممكن ما تجبش دواء يتوقف عليه حياة بني أدم علشان ما بيستخدمش كتير حتعمل فيهم إيه ...... تخيل بقى إن منظومة الفساد ديه مش قاصرة على الطب بس ....لا كل حته في البلد .... كل حتة .....وصلها توليفة من الفساد و الفوضي و العشوائية و الظلم و تدهور الاخلاق حتعمل إيه .....

هو ده السؤال يا صاحبي و برضه سؤال صعب

يا لهوى...كل ده ...ده على كده الواحد معرض انه يمر باى حاجة من دول..ربنا يتولانا برحمته..مش عارف اقولك انت اديتنى شحنة امل و تفاؤل اد ايه يا دكترة..منه لله اللى سأل...بقولك ايه شيكو باشا ...مش محتاجين انت و ميسز شيكو يريحكو من الاعمال المنزلية ..غسيل طبيخ...الخ..حتى غسيل العربيات مش هيمانع ؟؟؟ :k44:..و هيشتغل بلقمته بس!

بقولكم ايه يا جماعه انا كنت بنام الساعه 10 زي الكتاكيت والبرنامج ده علمني السهر دلوقت 3 ونص
وياريت في اوفر تايم
انا هقوم انام وشيكو باشا امانه في عنقكم لحد ما يومه يخلص على حسب توقيت اخر دولة
مش هاوصيكم بقه متضيعوش ولا ثانيه من يومه
تصبحوا على خير