الوضع الافضل للفتيس الاوتوماتيك اثناء الوقوف

**attaa11** · 18-10-2014 02:30 AM

مساء الخير جميعا ..
انا كل العربيات اللي ركبتها كانت اتوماتيك .. وطول عمري ونا سايق لو وقفت في اشارة او الطريق زحمه تلقائي تلاقيني حطيت علي ال n
ولو تلاحظ انك اما تحط الفتيس علي n هتحس ان العربيه صوتها وطي شويه .. وهتريح رجلك .. وهتلاقي ال rbm نزل سنه صغيره ..
انا معرفش ان كان ده صح ولا لاء ... بس انا اتعودت علي كده وبعمل كده وهفضل اعمل كده .. هيا مسأله تعود مش اكتر ... ويمكن كمان عشان رجلي بتتعبني لو فضلت دايس فرامل .. بحب اريحها لان السواقه عندنا بتخليك عصبي طول الوقت .. وربنا يستر طريقنا جميعا :)
وعلي فكره .. انا لو علي وضع ال d .. ولقيت ان الطريق قدام واقف او في مطب علي بعد 100 متر مثلا .. اروح مخلي الفتيس علي n .. واشيل رجلي من علي البنزين ومن علي الفرامل واالعربيه تكمل لوحدها .. هههههه
توفير بئا .. اصل انا دمياطي :)

**mpop** · 18-10-2014 02:38 AM

العربية وهي على ال d وانت مش دايس على البنزين بتبقى على السلانسيه يعني في حالة الفيرنا مثلا بيبقى الار بي ام اقل من الواحد ما بيدوسش بنزين زيادة
وممكن تتعمل في المانيوال برده لو الطريق ماشي براحة هات الاول وسيب ديبرياج وبنزين هتلاقي العربية ماشية عادي بس لو هتقف طبعا تدوس على الديبرياج عشان متفصلش

**Mahmoud_Yassin** · 18-10-2014 05:53 AM

طيب استكمالا للموضوع دة اللى طرحة استاذ تامر
بالنسبة لركن العربية انا قريت فى المنتدى رأيين .
واحد بيقول على ال n عشان لو فى عربية ريحت عليها ماتكسرش التروس .
و الراى التانى بيقول على الp
اية رايى حضراتكم

**bebo12125** · 18-10-2014 02:39 PM

انا كنت بنقل على n فى الاشارات بس لاحظت مع الوقت فى صوت تزييق عندما انقل من n الى D ففضلت من سعتها ان اخلى نفسى على D معظم الوقت وقلت ان اكيد فى فصل اتوماتيك اثناء الضغط على الفرامل فى الاشارات وهو مصمم لان لومفيش فصل اتوماتيك حيصل تلف فى اقل من دقيقة لكده فضلت ان هى تيجى على تيل الفرامل احسن ما تيجى فى الفتيس وعندنا فى مصر مينفعش النقل الكتير من Nالى D والعكس

**تامر راغب** · 18-10-2014 08:59 PM

ولو تلاحظ انك اما تحط الفتيس علي n هتحس ان العربيه صوتها وطي شويه .. وهتريح رجلك .. وهتلاقي ال rbm نزل سنه صغيره ..

ده كلام سليم جدا أ/ عطا

السواقه عندنا بتخليك عصبي طول الوقت .. وربنا يستر طريقنا جميعا :)

ههههههههههه عصبى بس ؟؟
ده الواحد بيتحول لمتشرد هههههه

**تامر راغب** · 18-10-2014 09:01 PM

وعلي فكره .. انا لو علي وضع ال d .. ولقيت ان الطريق قدام واقف او في مطب علي بعد 100 متر مثلا .. اروح مخلي الفتيس علي n .. واشيل رجلي من علي البنزين ومن علي الفرامل واالعربيه تكمل لوحدها .. هههههه
توفير بئا .. اصل انا دمياطي :)

ههههههههههههههههههههههههه ههه ياباشا على راسنا من فوق
انت وكل الدمايطة حبايبنا

**تامر راغب** · 18-10-2014 09:02 PM

[QUOTE] العربية وهي على ال d وانت مش دايس على البنزين بتبقى على السلانسيه يعني في حالة الفيرنا مثلا بيبقى الار بي ام اقل من الواحد ما بيدوسش بنزين زيادة
وممكن تتعمل في المانيوال برده لو الطريق ماشي براحة هات الاول وسيب ديبرياج وبنزين هتلاقي العربية ماشية عادي بس لو هتقف طبعا تدوس على الديبرياج عشان متفصلش/QUOTE]

دى أنا جربتها وفعلا كدة

**تامر راغب** · 18-10-2014 09:04 PM

طيب استكمالا للموضوع دة اللى طرحة استاذ تامر
بالنسبة لركن العربية انا قريت فى المنتدى رأيين .
واحد بيقول على ال n عشان لو فى عربية ريحت عليها ماتكسرش التروس .
و الراى التانى بيقول على الp
اية رايى حضراتكم

لو هتركن فترة طويلة يبقى هاتها على الp أحسن كتير
لكن لو الموضوع 5 دقايق ممكن تخليك على ال n

**تامر راغب** · 18-10-2014 09:08 PM

انا كنت بنقل على n فى الاشارات بس لاحظت مع الوقت فى صوت تزييق عندما انقل من n الى d ففضلت من سعتها ان اخلى نفسى على d معظم الوقت وقلت ان اكيد فى فصل اتوماتيك اثناء الضغط على الفرامل فى الاشارات وهو مصمم لان لومفيش فصل اتوماتيك حيصل تلف فى اقل من دقيقة لكده فضلت ان هى تيجى على تيل الفرامل احسن ما تيجى فى الفتيس وعندنا فى مصر مينفعش النقل الكتير من nالى d والعكس

ماهى دى من ضمن الأراء اللى محيرانا ومشتتة تفكيرنا
علشان كدة نفسنا حد من المهندسين يقولنا الرأى الصواب

**تامر راغب** · 19-10-2014 02:05 AM

لو تسمح لى إدارة الموقع المحترم بتثبيت الموضوع إن أمكن
لأنه من الواضح ان الآراء فيه هتفضل متنوعة ومفتوحة .....
ولكم جزيل الشكر

الموضوع: الوضع الافضل للفتيس الاوتوماتيك اثناء الوقوف

LinkBack

أدوات الموضوع

عرض

-

-

-

-

-

-

-

المواضيع المتشابهه

افضل معاملة للفتيس الاوتوماتيك

عن حدوث خضخضه و رجه اثناء طلوع السياره من الوقوف

بالنسبة للفتيس الاوتوماتيك

الماتور بيقطع اثناء الوقوف و السبر ؟؟

اهمية عدم شرب الماء اثناء الوقوف

الكلمات الدلالية لهذا الموضوع

المفضلات

المفضلات

ضوابط المشاركة