الموضوع: مخصص للرد على أسئلة الأعضاء في مجال التوظيف و سوق العمل

المشاركة الأصلية كتبت بواسطة OlaOsman

اما بالنسبة للسي في فابعتها لي ع الخاص زي ما elbaz45 عمل، هو انا بافتح رسالته ع الخاص لقيت السي في بتاعته في وشي، معرفش عمل كده ازاي

ممكن elbaz45 تقول لى ازاى ابعت ال cv كملف ورد على الخاص

المشاركة الأصلية كتبت بواسطة michohat

ممكن elbaz45 تقول لى ازاى ابعت ال cv كملف ورد على الخاص

هو الحل الاسهل ان حضرتك ترفع ملف الورد على النت وبعدين تبعت اللنك فى رسالة على الخاص للاستاذة علا وبكده هى مش هتتخض زى ما حصل فى رسالتى اللى بعتها

فى حل اخر لو حضرتك شغال وورد2007 ممكن تسيف كصور وتبعتها عادى بس انا شغال 2003 لذا معنديش الخاصية دى

لو حضرتك شغال على وورد 2003 ممكن تسيف على هيئة pdf بس الحكاية دى هتتطلب منك انك يكون عندك برنامج Adobe Acrobat Professional ودى عايزة تفصيل فى شرحها شوية

وممكن لو حضرتك عندك البرنامج اللى بيحول من وورد الى pdf وبعدين تاخد صورة لل سى فى من ال pdf

وممكن حضرتك تستخدم خاصية print screen ببرنامج زى snagit لتصوير السى فى من على الوورد ومن ثم تسييفها عادى

وانا بيتهيقلى ان احسن واسهل حل هوا الاولانى خالص لان الملف هيبقى بسيط فى رفعه على النت ومن ثم حضرتك تبعت اللينك فى رسالة على الخاص وبعدين الاستاذة علا هتنزل الملف من على اللينك

المشاركة الأصلية كتبت بواسطة michohat

الحمد لله الثقة متوافرة ومفيش من ناحيتى اى تأثر سلبى بالنسبة لانى بتلعثم و الانترفيو بيبقى ماشى عادى ولو حصل تلعثم بوضح للى امامى الموقف
فقصدى من السؤال ان معظم اللى بيعملوا معايا الانترفيو بيبقوا فاكرين انى مثلا بنهج او عندى برد فبوضح ليهم انى مش بنهج وان ده سببه التلعثم (لاتمثل ادنى مشكله عندى) فهل كده تصرف صح ولا اسيبهم يعتقدوا بانه السبب التانى
وكنت حكيت موقفين حصلوا معايا قبل كده فى الانترفيو ع الرابط ده
http://www.nilemotors.net/Nile/showp...2&postcount=34

مش نافع ارسل ال cv ع الخاص وهوا بهيئة ملف word هحاول اخليه صورة

لو حصل و حد سألك إذا كنت بتنهج مثلا أو متوتر ابقى قول له لا أبدا انا طريقة كلامي كده و اقطم على كده و كمل كلامك عادي.

اما عن التصرف الأول من المديرة بتاعة شركة بي.تك فلا تعليق الصراحة.

اما الموقف التاني بتاع أوراسكوم ففعلا، بغض النظر عن النتيجة كفاية انك تحس انك بتتعامل مع بني آدمين.

بالنسبة للسي في بتاعتك فممكن تبعتهولي على إيميل الشركة olao@paulinedarcy.com