الموضوع: مخصص للرد على أسئلة الأعضاء في مجال التوظيف و سوق العمل

المشاركة الأصلية كتبت بواسطة Mohamed-Saoud

-الCV تتكتب word ولا pdf أفضل؟

word أفضل طبعا.

- في ناس بتبتدي بالبيانات الشخصية الأول قبل بيانات خبرة العمل و في العكس !! أيهما أفضل؟

الترتيب الأفضل هو كالتالي:

Identification Data (Name, address, tel. numbers & email address)

Objective

Education

Professional experience / Training (for fresh grads)

Training courses

Skills (Language & computer & interpersonal)

References

المشاركة الأصلية كتبت بواسطة Mohamed-Saoud

ليه "طبعا" ؟ و منكم نستفيد

1- عشان مافيش شركة معندهاش وورد، ومافيش حد مايعرفش يفتح سي في وورد إنما ممكن يكون فيه شركة انت باعت لها، مستوى اللي بيستلم السي في أيا كان يكون مش أد كده (ممكن تكون سكرتيرة خريجة حديثا معلوماتها في الكمبيوتر لسه ضعيفة) و ما تعرفش يعني ايه تفتح فايل ببرنامج مختلف عن اللي هي متعودة عليه فما تتعبش نفسها انها تحاول تفتح السي في، خصوصا لو فيه عندها 1000 سي في تانية بتفتحهم، فيكون مصير السي في بتاعتك التجاهل و ما تاخدش فرصتها زي اللي على الوورد (احتمال مش كبير، بس قائم، و لو حصل هايكلفنا كتير).

2- أحيانا بعض شركات التوظيف بتحب تحط اللوجو بتاعهم watermark على السي فيهات اللي بيبعتوها للعميل عشان ما تتوهش في زحمة السي فيهات اللي بتتبعت من شركات توظيف تانية لنفس العميل، نوع من حفظ الحق يعني، و طبعا ال pdf بيكون عائق شديد امام الشركات دي انها تعمل كده و بيضطروا يبعتوا لصاحب السي في يطلبوا منه انه يحولها لوورد و يبعتها تاني، فليه تضييع الوقت، نعملها وورد من الأول و خلاص.

3- غالبا بيكون حجم ملف البي دي إف أكبر بكتير من الوورد، خصوصا لو فيها صورة كمان بيبقى صعب إرسال السي في للعميل ضمن سي فيهات تانية و بيكون الميل حجمه كبير اوي و بالتالي العميل ممكن يلاقي صعوبة انه يستقبل الميل ده أو يبص يلاقي إيميل واحد ملاله المساحة المتاحة ليه على السيرفر فبتسبب مشكلة.

المشاركة الأصلية كتبت بواسطة elbaz45

الواحد مش لاقى كلام يشكر حضرتك بيه

لا شكر على واجب.. و شكرا على الثانكس اللي ب 5 دولار بحالهم دي :D

المشاركة الأصلية كتبت بواسطة etrawy

شكراً ليكِ يا أ/عُلا وجزاك الله خيراً

و جزاك كل الخير :)

المشاركة الأصلية كتبت بواسطة Ayman_52

بجد ربنا يجازيك كل خير...ويجعله فى ميزان حساناتك يارب..

ومتابع لكى استفاد من خبراتك.

و جزاك كل الخير على دعواتك و يا رب يتقبل :)

المشاركة الأصلية كتبت بواسطة AHMEDCAR

الف شكر على الموضوع و متابع باهتمام

شكرا على متابعتك :)

المشاركة الأصلية كتبت بواسطة douha_wise

فعلا يا علا مواضيعك دائما متميزة و لا تبخلى ابدا بما تستطيعين بة خدمة اخوتك و اخواتك بالمنتدى
لن يوفيك الكلام حقك و لكن احتسبى ما تفعلية لله
و جزاك الله كل خير

جزاك الله خيرا على التشجيع و يا رب أكون عند حسن ظن الجميع، بس كان نفسي موضوع تعالوا نفيد بعض يثمر أكتر من كده و الاقي في الاجتماعي اكتر من موضوع فقط للإفادة.

المشاركة الأصلية كتبت بواسطة ahmed1981

موضوع ممتاز
هجهز أسئلتي وأرجع بإذن الله

في انتظار الأسئلة :)

ربنا يكرمك ياعلا على المجهود والافادة دي بجد.
فعلا ناس كتير اوي ممكن يكون عندها مؤهلات كويسة وخبرات في مجال العمل لكن ممكن متكونش تعرف بورتوكولات التوظيف ماشية ازاي وكمان صيغ ال C.V. المفروض تكون شكلها ايه ولا ازاي يعمل Presentation كويس عن نفسه في الإنترفيو وده ممكن ميخليش فرصهم في السوق تكون كتيرة.

انا عملت كمية انترفيوهات فظيعة وفي شركات كتيرة وكبيرة ولحد دلوقتي كل فترة شركة تتصل بيا تطلب مني اروح اعمل انترفيو وبصراحة كنت كل مرة بكتشف حاجة جديدة واحس اني بطور نفسي اكتر ولما بعدي من المقابلة الأولى واترشح للمقابلة التانية او التالتة بنبسط اوي حتى لو متعينتش في الوظيفة بس كفاية اني عرفت ان مستوايا متقدم واني عديت اكتر من مرحلة في ال filtration اللي بيعملوها وده بيخليني اثق في نفسي اكتر واطور من نفسي اكتر.
موضوعك فعلا مميز وكلنا بنستفيد منه بجد