الموضوع: ايه هو اصعب موقف قابلك و انت سايق

انت بقي كده شجعتني احكي شويه مواقف عن الخبطات و ايام الشباب(ليت الشباب يعود يوما)
مره من المرات ايام ما كنت باخد العربيه و انا صغير من ورا بابا برضه هو عرف و بقي بيخبي المفتاح تحت المخده و هو نايم بس دماغي يا عبد الله ما وصلتنيش للي انت بتعمله .انا بقي كنت عامل حساب اليوم دا و عامل نسخه مفاتيح ليا و مخبيها
المهم مره اخدت العربيه و نزلت و بعدين و انا ماشي عربيه نقل رجعت عليا خبطتني في الكبود و الرفرف خبطه بسيطه المهم رجعت سيبت العربيه تحت البيت في مكانها بالضبط و بعدين ما قولتش اي حاجه خالص لحد ما قبل ما يقوم من النوم بربع ساعه دخلت و قولتله الحق يا بابا واحد بعربيه نص نقل بيحمل من الجراج اللي قدامنا حاجات و خبط في العربيه و هو راجع و مالحقتش اوقفه و طلعت اجري وراه ما لحقتوي
المهم نزل الشارع يشوف العربيه واحد جه و قاله (مش مشكله حازم لسه صغير برضه و قدامه كتير علي ما يتعلم!!!!) ف بابا فهم اني انا اللي كنت واخدها ما اتخبطتش مني ولا حاجه
طلع بقي و عينكم ما تشوف الا النور و من يوميها ما عدتش بكلم اتلراجل دا لمده سنه او اتنين بس برضه باخد العربيه من وراه

موقف كمان في الخبطات و ايام الشباب
كنا مره انا و ابن خالي الصغير (اصغر مني بتلات سنين) كان هو في تالته ثانوي و انا في تالته كليه و هو حب ياخد عربيه والده من وراه و انا اقوله بلاش و هو مصمم المهم نزلنا مع بعض و مشيين عادي لقي واحد جاره و عمال يسخنه و يشد معاه المهم ابن خالي دا شد معاه لحد ما جه عند مطب و العربيات ماشيه بالراحه و قام دخل في عربيه فورد سكورت (الكلام دا كان سنه 99 ولا حاجه)
ابن خالي اول مره يتعرض للموقف دا المهم نزلنا اتكلمنا مع صاحب الفورد طلع زوق و مشي و ابن خالي حيموت من باباه
قولتله و لا يهمك انا حتصرف و كنا الساعه اتنين بالليل و مفيش حد فاتح نجيب منه وش فانوس
روحت واخد العربيه و راكنها تحت بيت خالي زي ما كانت بالضبط علشان ما يخدش باله(للعلم خالي كان ضابط مباحث و دقيق جدا في الحاجات دي) المهم روحت مكان الخبطه و جبت كيس بلاستيبك و حطيط فيه بقايا الفانوس بتاعنا علي بقايا فانوس الفورد و روحت تحت البيت وزعت البقايا دي علي الاكصدام و تحت العربيه و في الجنب علشان لما خالي ينزل الصبح يفتكر ان العربيه اتخبطط و هيا واقفه و فعلا دخلت عليه الحركه و اقتنع انها مخبوطه و هيا واقفه :) فين و فين انا لسه معرفه انها اتخبطط مننا في سنتين تلاته كده