الموضوع: مشاكل وحلول فتيس ال al4 فتيس ال 206 ، 306 ، 307 ، 406 و نظرائهم من الستروين

المشاركة الأصلية كتبت بواسطة hondacrx500

م احمد شاكرين علي مجهودك حضرتك انا فعلا عملت من فترة مروحة داخليه بتاع نوبيرا وركبت تريموستات عادي 70-80 لان عربيتي موديل 99 والرداتير القديم فيه مكان ترموستات كبير وشغلته علي البطارية وكانت النتيجة :
ان مراوح الصدر مبتلحقش تشتغل ااساسا والفتيس كان مع الحرق زمان بياخر ودلوقتي اختفي تماما والكلام ده انا طبقته من شهر سبعة والحمد لله مفيد جدا واكتر حاجة انبسط منها اني لما افتح الكبوت بلاقي الحرارة عادية زمان كان كانك فتحت باب فرن
بس عندي استفسار من حضرتك انا جبت عربية تقطيع استيراد بعتهالي احد اصدقائي والعربية 406 موديل 99 بس طبعا مواصفات تانية خالص موتور v6 والكلام ده كان قبل البنزين ما يغلي والفتيس اللي راكب علي الموتور ده لما شفته لقيته الالماني zf 4hp20 اللي بينزل في ال 607&605&407 فهل الفتيس يختلف في اداءه عن ال al4 كتير وحد جرب يتاعمل مع الموتور ده لاني بفكر ابيع السيستم او اني ابيع الموتور واخد الفتيس محل ال al4 واسف للاطاله

فتيس ال 4hp20 تبريده بكولر ضخم على راس الفتيس فى مسار تيارات هوائية غير بتاع ال al4 اللى حجمه صغير جدا و محطوط فى ضهر الفتيس و غير معرض لتيارات هوائية محترمة تبرده غير ان حجمه صغير بطريقة غريبة...كمان فتيس ال zf فى مقاس لقياس الزيت يعنى جسم الفتيس مش مقفول تماما و دا احسن انه مش مضغوط خالص غير ال al4....برضه الفتيس للعربيات ذات العزم العالى اللى انت قلتهم و ال 406 الستة سلندر يعنى تصميم اقوى و كمان ست سرعات يعنى مريح و موفر فى البنزين فى السرعات العالية

فى ميزة كبيرة اوى هقولها ان شاء الله لما اعمل تعديل فى البوست و انزله فى المشاركة التانية بتاعة" للتحديث".... اللى هى نوعية الزيت اللى تقدر تستخدمه مع ال zf 4hp20 و اللى ارخص بكتير من بتاع ال Al4

لو هتبدل لازم بضفيرة الكهربا بتاعته بالكونترول

و يا ريت رقم تليفون حضرتك

المشاركة الأصلية كتبت بواسطة محمد محمد مدين

م / احمد
شرح رائع ودراسة فنية شاملة لتوضيح جميع الخصائص لمشاكل وحلول فتيس ال al4 فتيس ال 206 ، 306 ، 307 ، 406 وكذا الستروين مجهود رائع ودائما بعلم مستنير وعايز اعرف رآى حضرتك فى بيجو 308 وهل الفتيس فيه مشاكل والكلام صحيح أن موتورها مثل مينى كوبر فعلا ،،، ولحضرتك كل الشكر والتقدير

أهلا و سهلا بحضرتك أستاذ محمد
بصراحة ما عنديش علم بفتيس ال 308 بس هقول لحضرتك اللى اعرفه
هى فى منها طرازين واحد بموتور تربو و دا اللى بيقولو فيه المشاكل و التانى موتور عادى ، وإجمالا ما سمعتش عن مشكلة فتيس فيها
موتور المينى كوبر هو موتور البى ام الفئة التالة (4 سلندر) هو موتور ال 3008 هو موتور ال 508 انتاج مشترك مع بى ام دبليو و دا موتور تربو.... هل هو بتاع ال 308 و لا لأ ...الله أعلم