الموضوع: المحرك الفاشلgdi

المشاركة الأصلية كتبت بواسطة Mecha

بتقول ال gdi من سنين في مصر ولا يعلي عليه مع بنزين مصر وتراب مصر وفضيحة المرسيدس و95 من كام شهر في مصر يبا الناس دي في امريكا ترميات وافاقين وجهله وغلط الغلط وييجوا يتعلموا من سيادتك في مصر .

اجابة حضرتك تؤكد ان حضرتك متعرفش الفرق ما بين تراكم الكربون و مشاكل ال boost اللى محتاجة بنزين 95
اللى بيكلمك مالك لباسات fsi و بعدها مرسيدس c250 وحاليا bmw 328i
فبلاش تتكلم عن حاجة حضرتك ما تعرفهاش
انا مكنتش حرد على حضرتك غير اني لاقيت اعضاء ابتدوا ياخدوا كلام حضرتك او كلام الفديوهات اللى بتحطها انها عن علم
عموم لو عاوز تتعلم عن تنظيف الكربون داخل المحرك ده شيء بيحصل فاي محرك بغض النظر عن وسيلة الحقن و مابيتعملش فى العربيات اللى بنركبها ومش بيكون باستخدام المنظفات اللى موجوده فى الفديوهات اللى بتحطها علشان دي فديوهات دعاية لمنتجات هدفها اخد فلوس العميل. تنظيف الكربون ملهوش غير ميعاد واحد فقط وهوه ميعاد العمرة

المشاركة الأصلية كتبت بواسطة Mecha

كلامك اللي غلط في غلط ,انا اضمن انك عمرك ماحليت مكنه في حياتك ولا شفت بعينك ومسكت بايدك مكنه gdi او تعرف المشكله المطروحه اصلا.لو عاوز تتعلم اقرا الموضوع من اولو وشوف الفيديوهات .لكن غاوي تبلبل عقول الناس باكاذيب مش هيكون.
دا منتدي مفتوح تطرح رايك بحريه لكن تكذب وتشكك في اراء الاخرين لا

انا كل اللى قلتة ان كلامك غلط. لكن لم امس شخصك او ان اقول انك كاذب او جاهل زي ما انت قلت فى ردك
انا كل اللى قلته ان المواتير دي موجوده فى مصر ومحدش اشتكي منها اما انك تقول انها فاشله فهوه ده الجهل بعينه
اتحداك انت انك عمرك فكيت مكنة direct injection
او انك تعرف الفرق بينها و بين مكنة mpi injection او حتى كربراتير عادى
انت كلامك كله نظري من فيديوهات وليس عن علم ومش كل حد له فى الميكانيكا يفتي الناس
اما انا فكلامي عن خبرة مالك عنده تلات عربيات direct injection
للمرة الاخيرة قلة الادب دليل الجهل.
دي اخر مره ارد عليك واترك لك حرية المجال تشتم براحتك

المشاركة الأصلية كتبت بواسطة borio1704

أعتقد من الأفضل إن حضرتك تقول تحديدا إيه في كلامه حضرتك مش موافق عليه.

أنا متابع ردود أستاذ Mecha من فترة.. والحقيقة كلامه مبني على علم وتجربة على مستوى عالي.. وبالتالي لا يمكن يكون كل اللي قاله غلط.


ياريت حضرتك توضح شوية علشان يكون النقاش بناء ومُجدي.



...

با فندم موضوع ترسيب الكربون ده شيء بيحصل فى اي عربيه وملهوش دعوه بوسيلة الحقن.
الكربون بيترسب داخل السلندر ومفيش اي علاقة بين المانيفولد و البنزين فى محركات direct
لان فى محركات direct المانيفولد جواه هوا بس اما البنزين فيضخ مباشرة داخل السلندر
اما محركات الانجكشن العادي فيتم رش البنزين داخل المانيفولد ويخلط مع الهوا فى المانفولد قبل ما يدخل السلندر
بالعكس ال direct injection بيستخدم ضغط طلمبة بنزين عالى جدا وده بيحول البنزين لذرات دقيقة جدا وده يعنى احتراق احسن و ترسيب كربون اقل. علشان كده غلط جدا ان حد يقول لازم ننظف المانيفولد لان بكل بساطه مفيش بنزين جواه
ولازم نفرق بين مشكلة بنزين 95 وموضوع ترسيب الكربون
ال 95 ده له علاقة بمعامل الانضغاط وقدرة التربو
علشان كده محركات الfsi مفيهاش مشكلة 95 عشان كده الباسات 1600 ممكن تشتغل بنزين 92
اما محركات tfsi يعنى فيها تربو فلازم بنزين 95 عشان كده الباسات 1400 لازم 95
اتمنى انى اكون افدت حضرتك

المشاركة الأصلية كتبت بواسطة Mecha

بتعمل كوبي للصورة اللي عاوزها ,بعدين تضغط علي الايقونة الموضحه في قائمة نايل موتورز وتنزلها

و ممكن كمان تقف على الصوره نفسها ( و ليس الرابط ) و تعمل Copy image و بعدين تيجى فى المكان الذى تختاره داخل الرد و تعمل Paste مباشره بدون الاحتياج لايقونه الصور اعلى الرد