رد مع اقتباس
بل تؤثرون الحياة الدُنيا وَالآخِرَةُ خَيْرٌ وأبقى
النتائج 1 إلى 10 من 67
الموضوع: لو بقى معاك فلوس !!!
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 148195
تاريخ التسجيل : 06Sep2013
المشاركات : 451
النوع : ذكر
الاقامة : Nasr City
السيارة: لآ توجد
السيارة[2]: لآ توجد
الحالة :
لو بقى معاك فلوس !!! -
انشر الموضوع فى : hasad">لو بقى معاك فلوس !!
دايما من صغري بسمع جملة (الفلوس مش كل حاجة)
مكنتش مقتنع بالجملة دي أوي ف وقتها بس يمكن كنت حاسس بيها شوية لأني مكنتش شايف العالم على حقيقته !!
بس لما كبرت لقيت إن الكلمة دي مالهاش أي وجود وإن الناس اللي بتقولها بتقولها بس علشان تصبر نفسها مش أكتر
طبعا في ناس دلوقت بتقول لنفسها لآ إزاي انت بتقول إي دي راحة البال والحب ومش عارف إي كدة مبيتشروش بأي فلوس !!
------------------------
طب تعالى معايا نشوف كدة لو بقى معاك فلوس هتعمل بيها إي !!
------------------------
لو بقى معاك فلوس هتشتري شقة ف مكان جديد الرحاب التجمع الزمالك المهندسين وهتنسى عيشة إمبابة وبولاق !
هتصحى على صوت عصافير وتنسى صوت بياع الطماطم اللي بيبيع الكيلو بجنيه !
لو بقى معاك فلوس هتركب تاكسي وبدل التاكسي تجيب عربية وتنسى الميكروباصات والزحمة والأجرة ورا وفي ربع جنيه ناقص !!
لو بقى معاك فلوس هتدخل سيتي ستارز سيتي سنتر كايرو فيستيفال وتتفرج براحتك وتجيب كل اللي نفسك فيه ومش هيييجي ف بالك ايام ما كنت بتدخل التوحيد والنور تتوهم
لو بقى معاك فلوس هتجيب لبسك من نيو بورن سيفينتي كونكريت موباكو
هتجيب جزمتك من كلاركس كات تمبر
هتجيب ساعتك كاسيو إيديفيس سيتيزن رولكس
هتجيب نضارتك أصلية بدل المضروبة
لو بقى معاك فلوس هتقعد على كوستا ستاربكس سوبريم وهتنسى القهوة البلدي اللي كنت بتشرب عليها القهوة باللبن ف المناسبات بس !
لو بقى معاك فلوس هتفطر ف ماكدونالدز وتتغدى ف كنتاكي مؤمن تشيليز ستوديو مصر وسهرتك مع أصحابك الجامدين بتلعبوا ع الإكس بوكس !
لو بقى معاك فلوس هترمي تلفيزيونك القديم توشيبا ال17 بوصة اللي هتشيله بالعافية ترميه م الشباك وهتجيب مكانه سوني 4K
هترمي جهازك القديم أبو رامة 512 وتجيب لاب أبل أو آلين وير
هتغير موبايلك القديم وتجيب Note 4-Htc one-Sony Z3 !!
لو بتحب تصور هترمي كاميرتك الكروب فريم وتجيب فول فريم وتجيب عدسة كانون 70-200 اللي كان حلمك تعمل حقها بس !
لو كان معاك فلوس هتدخل فتح الله مترو كارفور تعمل أحلى شوبينج وتروح بخزين يكفيك شهر قدام
هتاخد كورساتك ف الجامعة الأمريكية والمعهد البريطاني وتفكك م الكورسات المضروبة
هتشترك فى أحلى نادي تقضي فيه وقتك
هتنزل كل يوم فيلم جديد ف سينما مختلفة
هتتجوز واحدة و2 و3 ولو واحدة داستلك على طرف تطلقها وتتجوز 2 بدالها !!
هتقعد ف البيت مرتاح وتبعت إبن البواب يجيبلك طلباتك
هتخرج رحلة سفاري مع أصحابك وتكلم أم أحمد تيجي تروقلك الشقة !!
هترشق ف كل الإيفنتات والرحلات وتلف مصر وتطلع بره مصر براحتك
هتحضر ندوات مؤتمرات مسرحيات حفلات
هتلاقي كل الناس حواليك بتحبك لله ف لله والكل بيقربلك والبنات ملمومة حواليك وأي حد بيعملك حساب
لو بقى معاك فلوس هتستفيد ببنزين ومياه وغاز وكهرباء مدعمين للفقراء وهتدفع فيهم ملاليم ف نظرك !
هتجيب محول نضيف هتعمل إنفرتر ومش هتحس إن الكهرباء بتقطع !
هتقضي صيفك ف الساحل شرم الغردقة السخنة وهتنسى أيام جمصة وبلطيم !!
------------------------
طب لو ممعكش !!
------------------------
مش هتعرف تمشي ف مكان راقي لأنك هتلاقي نظرة إحتقار من الكل حتى محدثين النعمة !
مش هتعرف تتجوز البنت اللي عشت عمرك تتمناها لأن أبوها مش موافق وهيجوزها لواحد هيشيل !!
هتموت من المرض ف المستشفيات الحكومية ولو ممتش من المرض هتموت من الشلل !!
هتفضل تتعلم ف مدارس وجامعات حكومية وبعد ما تخلص مش هتلاقي شغل إلا بكورسات خارجية
هتضطر تتنازل عن كرامتك ف أي وظيفة تشتغلها علشان تقبض ملاليم آخر الشهر !
مش هيبقى ليك ضهر يحميك وأي مشكلة هتعملها بمزاجك غصب عنك هتلبس إسود حتى لو معملتهاش !!
------------------------
للأسف كل حاجة دلوقت بقى أي حد يقدر يشتريها بفلوسه (الراحة – الحب – السعادة – الإستجمام -......)
حتى حقوقك اللي المفروض تاخدها من غير ما تدفع حاجة من صحة وتعليم ووظيفة وعيشة كويسة مش بتلاقيها فى مصر إلا بالفلوس !
الهجرة هي الحل
لأن فى مصر Power is Money
------------------------
Mahmoud NaguibReal Estate Broker & Agent
New Cairo & Rehab City
01111156170 - 01000046107
-
رقم العضوية : 8581
تاريخ التسجيل : 07Apr2008
المشاركات : 779
النوع : ذكر
الاقامة : Cairo
السيارة: Verna
السيارة[2]: Fiat 128
دراجة بخارية: no
الحالة :
-
ما بين ميلاد رسول الله موسى وهلاك فرعون عشرات السنين . . يُمهل ولا يُهمل !!
-
رقم العضوية : 146733
تاريخ التسجيل : 30Jul2013
المشاركات : 248
النوع : ذكر
الاقامة : nowhere
السيارة: لا يوجد
السيارة[2]: لا يوجد
الحالة :
-
فى مصر الفلوس كل حاجه و كل فقير حقير لسبب بسيط ان الحد الادنى فى مصر لا يكفل حياه ادميه و لا حتى حيوانيه ( الحد الادنى فى التعليم و الصحه و المواصلات و السكن غير ادمى و اعتقد فيه حيوانات كتير عايشه احسن منه) الفلوس ما بتغيرش شخصيه حد بس بتخلى واحد عايش عيشه ادميه و واحد الفرق بينه و بين اى حيوان ضال مش كبير فيه ناس كتير فى مصر بتعيش عيشه اسوء منها كمان و الكلام ده مش من قريب ده من قديم الازل التفاوت الطبقى فى مصر و الطبقيه من الاعلى فى العالم و ده لأن الشعب المصرى خانع من ايام فرعون و موسى
المشاركة الأصلية كتبت بواسطة mahmoud naguib
-
رقم العضوية : 33348
تاريخ التسجيل : 18Feb2009
المشاركات : 1,869
النوع : ذكر
الاقامة : alexandria
السيارة: ........
السيارة[2]: bmw 318I e46
دراجة بخارية: ........
الحالة :
-
ا/محمود انا متفق معاك ان الموضوع ظاهره كده ودى الصوره العامه للوضع بس خللى بالك من الجمله اللى قولتهالك فى الموضوع اللى فات ان كل حاجه بتختارها بتضحى بحاجات تانيه كتير ازاى خلينى اقولك
مبدأيا لو معاك فلوس "بعيدا عن الفلوس السهله "ورث او شئ شمال عمرك محتعيش بالصوره اللى انت بتقولها فبالفعل حيبقى عندك تليفزيون 4kوفيلا فى كومباوند بس مش حتتفرج على التليفزيون ولا حتقعد فى الفيلا الفيلا حتكون للنوم وساعتها مش حتكون فارقه انت بتنام فين والتليفزيون من الديكور بالظبط اكنه مش بتاعك والعربيه المرسيدس عمرك محتستمتع بركوبها لان دماغك مش حتبقى فيها ولا فى الطريق داغك فى شغلك اللى انت خايف تخسره بعد متعبت فيه ومراتك واولادك حتقابلهم فى الاجازات فقط لا غير وعمرك محتبقى دماغك فاضيه كده علشان تشوف ولادك وهم بيلعبوا حتبقى مستنى تليفون يقولك اخبار شغلك ايه ومشاكل الشغل اخبارها ايه وانسي فكره انك تعمل شوبينج انت بتلبس اى حاجه موجوده عندك لان مظهرك مش حيبقي اول اولوياتك فى حاجات حتبقى اهم .
طيب هى العيشه دى حلوه اقولك حلوه للى حابب يعيشها واختار انه يتنازل عن راحه دماغه فى نظير انه يخلينا نبصله بالنظره اللى انت ذكرتها فى الموضوع
بص بقى للشخص اللى اختار انه يتنازل عن العيشه اللى فى الفقره اللى فاتت فى مقابل حاجات تانيه حتقوللى زى ايه اقولك هو اختار انه يشتغل 8 ساعات ويروح بيته اللى هو شاريه بالقسط يلاقى زوجه وشويه عيال يقضى معاهم باقى نهاره وعنده اختيار انه يخرج يروح سيتى ستارز "مش حيشترى " بس خارج مع اسره فى جو من المرح وممكن يشترى حاجه ساقعه "اخينا اللى فوق مبيشربهاش علشان هو بيشرب قهوه بس علشان يعرف يركز " وضامن انه فى اخر الشهر حيقبض مرتب ثابت بغض النظر الشركه ولعت صاحبها خسر موظف زميله سرق ولا فى دماغه حاجه وكل صيف بياخد اجازه غصب عن عين صاحب الشركه "اخونا فى الجزء الاول" ويطلع يأجر شاليه فى السخنه او فى الساحل وينسي كل همومه فى فتره اجازته ولو زنقت اوى معاه يقفل موبايله وتولع الدنيا "هو فى اجازه " ولما بيحب يشترى بنطلون جديد ممكن يفضل يلف اسبوعين اسبوع مع اسرته واسبوع مع اصحابه ويشترى احلى بنطلون عجبه فى السوق فى مقابل انه بيضحى بانه يغير شقته او موبايله او يسكن فى كومباوند وهكذا
بص مش كل حاجه بنشوفها ظاهرها لطيف يبقى باطنها لطيف او العكس الموضوع ببساطه ان الغنى ميقدرش يطلع فى التلفزيون يقولك هو تعبان من ايه لانه مش طالع فى التليفزيون يشتكى ولا صاحبك فى الشغل حيقولك انه حياته فيها حاجات حلوه لانه برضه لو قالك كده حيبقى غريب عن المحيط بتاعه فانت بيوصلك صوره عن نموذجين بس صوره مش كامله للاسف
علشان كده اللى مش مبسوط فى العالم هو اللى مش عايز يختار هو عايز يبقى ايه وسايب نفسه للظروف فغالبا بيبقى النموذج اللى هو مش حابه يعنى بيبقى موظف وعنده اسره بس مش قادر يحس انه سعيد باللى عنده علشان هو مختاروش او غنى ومش عارف يستمتع باللى عنده علشان برضه هو ماختارش ده فبيبتدى يبص للاخر على انه النموذج الاحسن
الوضع هو انك لو حتختار حتعيش مبسوط وراضى بتضحياتك انما لو حتكمل مع القطيع"واسف على التشبيه" مش حتكون مبسوط ولا راضى او حتكون راضى بس مش سعيد
الموضوع مقدمات ونتائج خليك عارف النتائج وعلى اساسها اختار المقدمات حتبقي مبسوط .
ودايما اعرف ان محدش مرتاح ولا الغنى ولا الفقير والمتجوز ولا العازب ولا المصري ولا الاجنبي انما فى سعداء فى كل التصنيفات دى والسعاده بتاعتهم انهم اختاروا
وبرضه حقولك ان فى فكره فى الكتاب اللى ذكرته فى الموضوع اللى فات لو وصلت لها واخترت الاختيار الاول حتعرف تعمل اللى انت عايزه
انا بعتلك الرساله .
تحياتى .http://store2.up-00.com/2015-11/1448722430351.jpeg
my new car
-
رقم العضوية : 147527
تاريخ التسجيل : 20Aug2013
المشاركات : 2,008
النوع : ذكر
الاقامة : Hurghada
السيارة: None
السيارة[2]: Scoda Fantasia 2010 (Sold
دراجة بخارية: None
الحالة :
-
فعلا الفلوس كل حاجه في البلد دي
-
رقم العضوية : 129815
تاريخ التسجيل : 29Sep2012
المشاركات : 3,491
النوع : ذكر
الاقامة : Earth
السيارة: Just one car
السيارة[2]: Renault Logan 2013 Auto
الحالة :
-
اللهم إن العيش عيش الآخرة
مهما اتمتعت في الدنيا فكلها ساعات وتسيب كل حاجة وراك ومش هتاخد معاك غير عملكFreelancer Web Designer & E-marketer
( --- جــمــيــــع مــوضــوعـــاتـي --- )
-
رقم العضوية : 157068
تاريخ التسجيل : 08Mar2014
المشاركات : 442
النوع : ذكر
الاقامة : المحلة الكبرى
السيارة: لايوجد
السيارة[2]: لايوجد
الحالة :
-
كل انسان عنده مشكلة شايف انه محروم من سعاده الدنيا ..
لو مريض بمرض خطير وعنده ملايين يتمنى يستريح من الالام ويدفع فلوسه كلها
لو بيحب بنت وهتروح منه يتمنى يدفع كل اللى عنده وتفضل هيا ..
لو معندوش اولاد يتمنى يبيع حياته مش فلوسه وبس ويبقى عنده ولد .
حتى لو جاتلك الفلوس هتظهر حاجه تانيه ناقصة .. ومش بتشتريها الفلوس ..
الخلاصة انها ( القناعه ) لو فيه قناعه هاتشوف اللى عندك ومش عند غيرك كتير ونعمه من ربنا وترضى وبالتالى هاترتاح ..
طب ولو مافيش ( قناعه ) هاتتعب وتعيش شايف اللى ناقصك بس .. وانشغالك بيه يحرمك انك تشوف نعم ربك اللى ادهالك وبنفسك تحرم نفسك منها ..
-
رقم العضوية : 169868
تاريخ التسجيل : 24Dec2014
المشاركات : 130
النوع : ذكر
الاقامة : القاهرة
السيارة: لا يوجد
السيارة[2]: لا يوجد
الحالة :
-
مشكلتنا في الاعلام القذر والافلام اللي صورت للناس ان السعادة في انك تشتري عربية احدث حاجة وتسكن فى فيلا وانك تبقي محاط بالمعجبات
كل دا عمل عند الشباب طموح ان هي دي السعادة الحقيقية وبقي هو دا المثل اللي المفروض الشباب يوصله علشان يبقي انسان ناجح وسعيد
وطبعا علشان توصل للعربية والفيلا لازم تجيب فلوس ومش مشكلة بقي الاخلاق ولا المبادئ ولا اي الاحترام ولا اي حاجة اهم حاجة انك تبقي محط انظار الناس اللي اتعملهم غسيل مخ من الافلام والاعلام وبقوا يقيموا البني الادم علي اساس لبسه ونوع عربيته ومكان سكنه ونوع موبايله .
-
رقم العضوية : 140160
تاريخ التسجيل : 10Apr2013
المشاركات : 976
النوع : ذكر
الاقامة : مصر
السيارة: لانسر شارك
السيارة[2]: دايو لانوس
الحالة :
-
انت كام سنة؟
-
رقم العضوية : 148195
تاريخ التسجيل : 06Sep2013
المشاركات : 451
النوع : ذكر
الاقامة : Nasr City
السيارة: لآ توجد
السيارة[2]: لآ توجد
الحالة :
-
hasad">eslamrace طيب حضرتك هنا لي اتكلمت على الناس اللي هي ف الأساس غناها فاحش !!
لو اتكلمنا على حد مثلا بياخد 8000 جنيه ف الشهر هتلاقيه يقدر يعمل كل ده وأكتر !
وبرضه هيبقى شغال ف شركة 8 ساعات مثلا وبيتبقاله وقت يعمل فيه اللي هو عايزه مع أسرته وعيلته
ومعاه يحوش ويعمل مشروع خاص ممكن يجيب محل ويأجره ويريح دماغه من أي مشاكل وهياخد فلوس حلوة من غير ما يتعب !!
المشكلة الكبيرة هنا ف التضخم اللي احنا عايشينه استهلاك عالي بأسعار عالية مع مرتبات ضعيفة جدا ولآمبالاة من الحكومة !!
ياريت منربطش بين شخص عايش عيشة كريمة وانه مريض ومش مرتاح ولآ مبسوط وطول الوقت مهموم ومريض وحياته كئيبة !!
الواحد نفسه يوصل ولو لأقل درجة من الحياة الكريمة يلاقي شقة كويسة ومواصلات حلوة عيشة هادية شوارع نضيفة مستشفيات حلوة مدارس كويسة تعليم جيد !!
بحار ..... القناعة دي أجيبها منين وأنا مش عارف أوصل لأقل حقوقي !!
مش هي دي الحياة اللي اتمنيتها أو اللي كان نفسي أعيشها أو حتى اللي تخليني أبقى راضي !!
أوقات كتيرة ف عز ما الدنيا مقفلة معايا تلاقيني مش متضايق خالص وعادي وبستغرب من الرضا اللي ربنا حاطه ف قلبي برغم الخسارة اللي حصلتلي !!
أنا عارف ان في قناعة بس مش عارف أوصلها يعني ازاي أبقى انسان قنوع زي بقية الناس !!
أنا كتيييييييييييييير أوي بشوف الناس اللي عايشة عيشة بسيطة انها مهمومة وحزينة وحياتهم صعبة وفيها مشاكل !
مبشوفش الجانب التاني وانهم ممكن يبقوا راضيين !!
ولما بعدي مثلا على أماكن فقيرة بتضايق جدا مش من الناس بس بحس بقبضة كدة جوايا واني مش مرتاح
بالرغم من اني والله غالبا يعني من اني بيبقى مش معايا كتير وبدي أي ست كبيرة أو حد محتاج أوي بشوفهم ف الشارع حتى لو انا مهموم جدا !!
ممكن تيجي عليا أيام أواظب على الصلاة ف المسجد وتكون أيام صعبة أو مش صعبة
وممكن برضه أكسل واصلي ف البيت ف الحالتين !!!
لما بشوف مثلا اني هكسب رقم معين من حاجة معينة بفرح بس بعد كدة فرحتي بتبدأ تقل لما أشوف ناس تانية معاها أرقام أكتر بكتير وبقول لنفسي مالهمش لآزمة أصلا اللي هاخدهم دول مع انهم بالنسبة لناس تانية كنز !!
وف الآخر غالبا ومش بإيدي المكسب اللي شايفه حتى قليل ده مبيجيش !!
يمكن المشكلة فيا انا !!
طب ازاي أبقى قنوع وراضي !!
ازاي أفكر بس ف بكرة وبإني آخد السلم خطوة خطوة ومفكرش ف قمة السلم لأني لما بفكر فيها بستتقل الخطوات !
أنا نفسي أعمل كدة بس مش عارف !!Real Estate Broker & Agent
New Cairo & Rehab City
01111156170 - 01000046107
المواضيع المتشابهه
-
$ $ $ $ طالما معاك عربيه يبقى انت اكيد غني ومعاك فلوس كتير $ $ $ $
بواسطة DODGE2013 في المنتدى المنتــــــدى الاجتمــاعىمشاركات: 8آخر مشاركة: 13-05-2014, 01:05 PM -
لو معاك عربيه ومحتاج فلوس اقرا الاعلان ده
بواسطة samyamar في المنتدى بيـــع و شــــراءمشاركات: 55آخر مشاركة: 03-10-2011, 03:30 PM -
لو معاك فلوس هتشتري من نفس الشركه ولا هتنوع؟
بواسطة shaddadfalcon1 في المنتدى المنتــــــدى الاجتمــاعىمشاركات: 7آخر مشاركة: 22-09-2010, 01:26 PM -
لو معاك فلوس تشتري شقه في مكان راقي ولا فيلا في مكان اقل؟
بواسطة shaddadfalcon1 في المنتدى المنتــــــدى الاجتمــاعىمشاركات: 39آخر مشاركة: 17-03-2010, 07:14 AM
الكلمات الدلالية لهذا الموضوع
ضوابط المشاركة
Content Relevant URLs by vBSEO 3.6.0 PL2
المفضلات