الموضوع: مساعده في حوار جواز

أخي الكريم


أولاً: هل فكرت في التوجه إلى الله؟ قم توضأ وصلي صلاة الحاجة، واسأل الله أن يشرح صدرك وأن ييسرك لك أمرك. لا تنسى أيضاً صدقة السر بنيّة التوفيق في الارتباط بالزوجة الصالحة.


ثانياً: سبب ترددك هو كثرة مقابلاتك للبنات بدون معايير حاسمة في رأسك. أصبحت محتار لأنك لم تدرك أن النساء - مثلهم مثلنا - كل واحدة فيهن ميزها الله عن غيرها بميزة.

ثالثاً: من خلال قراءتي لمشاركاتك الأخيرة، نصيحتي لك ارتبط بالفتاة ذات ال 27 ربيعاً، فهي – حسب ما يبدو من كلامك - مناسبة لك في السن وأنت مرتاح لها شكلاً وشخصية وتديناً وأهلاً. وقد لمست من كلامها أيضاً إعجاباً واضحاً بك وإصراراً على تطييب خاطرك والفوز برضاك.


انطباعي أنها طيبة القلب وتناسبك، لذلك توكل على الله واتخذ خطوة رسمية

المشاركة الأصلية كتبت بواسطة عبدالحكيم

ثالثاً: من خلال قراءتي لمشاركاتك الأخيرة، نصيحتي لك ارتبط بالفتاة ذات ال 27 ربيعاً، فهي – حسب ما يبدو من كلامك - مناسبة لك في السن وأنت مرتاح لها شكلاً وشخصية وتديناً وأهلاً. وقد لمست من كلامها أيضاً إعجاباً واضحاً بك وإصراراً على تطييب خاطرك والفوز برضاك.


انطباعي أنها طيبة القلب وتناسبك، لذلك توكل على الله واتخذ خطوة رسمية

اللى بينتله انها بتراضيه فتاه الصيدله ذات ال 23

المشاركة الأصلية كتبت بواسطة mody1982

الصيدله سمرا و ا لتجاره بيضا
الصيدله 23 سنه و التجاره 27
و طبعا المستوي المادي اريح شويه للبنت بتاعه التجاره
لما قابلت البنت بتاعه صيدله النهارده كان كل كلامها بيوصلي رساله اني عاجبها و موافقه بيا لدرجه اني لما اختلف معاها في حاجه في الحوار ترجع و تقوم تقولي هو انت زعلت علشان اختلفت معاك هو ده ضايقك هو ده مخليك مش مبسوط
ممكن ده يبقي اعجاب او ممكن يبقي انها عاليزه تقنعني بيها اكتر علشان مقولش عليها لا
و البنت بتاعه التجاره برضه بنت ناس و محترمه و في واحد صاحبي يعرف ابن خالتها
بس انا معرفش هو في قبول مبدئي منها و لا لأ

واحده بيضا وواحده سمرا

اقولك الموكا موضه اليومين دول

يا باشمهندس دول بني آدمين مش عربيات ، يعني فيه اسلوب احسن من كده

شوف يا بشمهندس انا عمرى 34 سنة ومش متجوز ولا حتى سبقلى انى خطبت قبل كده بس اللى اقدر اقوله انك عمرك ما هتقدر تقييم انسان خلال مقابلة او اثنين او ثلاثة - فى حاجات كتير مش بتبان إلا فى المواقف الصعبة وموضوع انها متدينة علشان مش بتسلم على رجالة اسمحلى ده مش مقياس ولكن الامور دى بتبان اكتر بالعشرة والمعاملات هنا بيبان التدين والاخلاق - مش معنى كلامى انى اذم فى البنت او ازود حيرتك - لكن دى قناعتى من اللى انا بشوفه .

وموضوع انك تقارن بين اثنين ده بصراحة انا مش معاه وبعدين حضرتك بتفاضل بينهم على اساس لون البشرة !! والله ممكن تكونواحدة سمرا بس روحها وطبعها احسن بكتير من بنات بشرتهم بيضا وبعدين يا صديقى الطباع بتحلى (مش انت ممكن تشوف واحدة عادية مش شديدة الجمال بس لما تتعامل معاها تعجب بيها - مع انها مش جميلة - دا اللى اسمه حلاوة الروح)
بص علشان مزودش حيرتك انا شايف انك انت ادرى واحد بظروفك ومدى تقبل اهلك للبنتين استخير ربنا وربنا يوفقك للخير

مش عارف ليه الناس متخيله انس بفاضل عن طريق لون البشرة
انا مذكرتش موضوع اللون بسبب المفاضله بس بسبب اني عايز ادي الناس تفاصيل اكتر علشان محدش يقولي دي شكلها ايه و دي شكلها ايه
انا ليا معايير طبعا في الاختيار و هي الدين و الاخلاق و الشكل المقبول و التعليم العالي و الاسره الطيبه
للاسف انا معنديش مرجع بالنسبه للبنتين عن اخلاقهم و عن اخلاق اسرتهم لأني معرفش حد يعرفهم معرفه شخصيه
فبالتالي انا بختار سمك في ميه
تخيل انك مطلوب منك تعرف حد في خلال ساعه او اثنين و تقرر ترتبط بيه و لا لأ و انت متعرفش عنه و عن اهله اي معلومات غير اللي هو بيقولوها
هي هتعرف تاخد قرار بسهوله
الطبيعي في الحاله بتاعتي اني بدور علي حاجه تشجعني اني اختار البنت او حاجه تخليني ارجع و اخاف و اسيبني منها علشان معنديش حل تاني يطمني لاختياري
و بالنسبه للاخوه اللي داخلين يتريقوا يا تقولوا خير يا تسكتوا كما وصي الرسول

استغفر الله العظيم انا حاسس اني ربنا غضبان عليا البنت التانيه ذات ال 27 عاما موافقه انها تشوفني مره تانيه
انا محتار يا جماعه انا عارف اني انا الغلطان و انا اللي بدفع التمن ده دلوقت من اعصابي و من قله نومي بقالي 3 ايام مش بنام
عايزه طريقه للمفاضله يا جماعه مش عايز افضل ظالم حد فيهم
انا و الله عارف ربنا كويس و كان هدفي من اني شوفتهم سوا هو نصيحه صديق انه كده كده انت ممكن ترفض كل واحده فيهم علي حده طيب متقارن يمكن تلاقي نفسك مرتاح لحد اكتر من التاني و يبقي ده اللي يناسبك
للأسف محصلش كده و للأٍسف انا في حيره
و خايف يا جماعه اني اكون بعمل حاجه تغضب بأني عمال اختار من الاثنين في نفس الوقت
رغم اني راجعت فتواي قالت ان مفيش حرج مادام لم اقدم علي خطوه رسميه و هي خطبه و مادام الموضوع مقتصر علي رؤيه شرعيه
بس انا تعبان و مضغوط
ما بين ضمير و ما بين فكر في الاختبار
افيدوني افادكم الله

المشاركة الأصلية كتبت بواسطة hugan

ياباشا مفيش حد يقدر يفيدك
انت اللي تقدر تحكم بنفسك
القبول والارتياح الشيء الاهم
انت متقبل ومرتاح ونقدر نقول حابب لاءي منهما
بالبلدي يعني من الاخر والخلاصه
ايهما انت شايف نفسك مقتنع بيها ومتقبلها ومش قرفان منها
وان دي هي الست اللي هتنام جنبك علي السرير
معلش انا اسف
بس هو ده الحل الوحيد لمشكلتك

و الله يا استاذ هوجان انا الموضوع بالنسبه ليا مش كده خالص
انا نفسي في واحده بنت حلال تتقي ربنا فيا زي ما هتقي ربنا فيها
تبقي فعلا زوجه بالمعني الحقيقي و تبقي سكن زي ما ربنا قال في كتابه
ابقي عندها انا و اولادها رقم 1 مش رقم 2 بعد امها و ابوها
شكل مين ينام جنبك في السرير ده صعب يبقي مقياس لأن الحياه مش كده و بس
انا مش هقول لحضرتك اني وصلت لمرحله الندم اني شوفت 2
عارف انك ممكن تقولي ما انت ممكن كنت تشوف كل واحده لوحدها و ترفضها
اقولك اه
لكن كوني دلوقت بفاضل بينهم محسسني بذنب ناحيه اللي هقول ليها مفيش نصيب
لأني كنت بقارنها بحد
ساعات اقعد اقول اخد الكبيره علشان دي فرصها بتصعب في الجواز مع الوقت و التانيه لسه اصغر و العمر قدامها
بس ارجع و اقول انا مش عامل مؤسسه اجتماعيه علشان يبقي ده المقياس و المعيار
ساعات اقول اخد اللي قعدت معاه مرتين السمرا خريه الصيدله
ارجع و اقول من حق التانيه تاخد نفس الفرصه اللي خدتها الاولي انها تقعد معايا اكتر يمكن تقنعني بيها اكتر
موال يا استاذ هوجان
الواحد حاسس ان ربنا مش راضي عنه فبيحيره زياده بدل ما بيهديه للقرار الصحيح
ادعيلي ربنا يوفقني للخيار و يساعدني اني اختار الاصلح و الاحسن
انا عارف ان اكيد ربنا كاتبلي نصيب و ممكن ميبقاش مع واحده فيهم
بس الوضع اللي انا فيه لا احسد ليه