الموضوع: هل يجوز كتابة شيك على الزوج بدلا من قائمة المنقولات الزوجية ؟؟؟

المشاركة الأصلية كتبت بواسطة أحمد كمال

لا هاكتبه شيك و لا قايمة ..... انا مش مأجر له عربية .....

و لو شاكك واحد في المليون انه هيهينها مش هاديهاله .......


و لو هانها ...... لا شيك و لا قايمة هيبردوا ناري و لا يعوضوني عن بهدلة بنتي


و الاهم ..... لو عايز يطلقها ...... مش هابقى فرحان ان بنتي عايشة مع واحد مش طايقها بس قاعد معاها عشان مامعاهوش قرشين يرميهم لي في وشي .......

مقلتليش برضه هتعمل إيه

إيه ؟؟؟

إيه الخطوات
هتجوزهاله بإيه ؟

الكلام العام ده مبينفعش وقت التنفيذ

زي الكلام العام اللي كان هنا من خمس سنين ومردتش عليا برضه :ـ

http://www.nilemotors.net/Nile/3872909387-post82.html


ـ

المشاركة الأصلية كتبت بواسطة ahmed1981

الأمر هنا يتوقف على قيمة الشبكة وهل متفق على كونها كامل المهر
إذا أتفق على كونها كامل المهر
فلا حاجة لأي شيء آخر
فقد تم إستيفاء شروط الزواج

ـ

في حال كونها شبكة رمزية لا تقوم مقام مهر المثل

أو لم يتفق على كونها كامل المهر لرمزيتها وبساطتها

وقتها يتم عمل قائمة بجزء من العفش فقط

هذا الجزء يماثل مهر المثل

وفي هذه الحالة تدخل الشبكة في القائمة
أو
يكتب في عقد الزواج قيمة تلك الشبكة مهراً ومن ثم لا تكتب في القائمة

=

مهر المثل

هو ما يطلق على المهر السائد لمماثلة تلك الفتاه من مجتمعها القريب
بمعنى أنه في بلدة كذا المهر سواء كان قائمة منقولات أو كاش هو في حدود 30 ألف جنيه
عندها يسمى مهر المثل 30 ألف جنيه

ـ

اعتقد ان تقدير مهر المثل في المدن الكبيرة امر صعب .. و خصوصا مع تفاوت الوضع الاقتصادي و الاجتماعي حتى بين ابناء العائلة الواحدة .. طيب .. لو حققت الشبكة حد مهر المثل .. و لم تعتقد فيه عائلة العروس بأنه كامل المهر .. بل تم اعتباره مثلا بأنه ربع المهر .. هل يتم ضم الشبكة + ما تغطيه منقولات المنزل ل 3/4 الباقية .. الى القائمة ؟

المشاركة الأصلية كتبت بواسطة forever.leo

اعتقد ان تقدير مهر المثل في المدن الكبيرة امر صعب .. و خصوصا مع تفاوت الوضع الاقتصادي و الاجتماعي حتى بين ابناء العائلة الواحدة .. طيب .. لو حققت الشبكة حد مهر المثل .. و لم تعتقد فيه عائلة العروس بأنه كامل المهر .. بل تم اعتباره مثلا بأنه ربع المهر .. هل يتم ضم الشبكة + ما تغطيه منقولات المنزل ل 3/4 الباقية .. الى القائمة ؟

مهر المثل هو في الفقه مسألة استرشاديه لمن لم يتفق لها على مهر
أما من أتفق لها على مهر
فمهرها هو ما أتفق عليه ديناراً كان أو قنطاراً
بمعنى انه ليس قاعدة أو فرض
هو يستخدم في حالات نادرة عند الضرورة فقط
-
أتفق معك أن التفاوت الآن أصبح في العمارة الواحدة, في القرية, في البيت, في الحي, ...
لذلك أختير لفظ المثل في الفقه بما يعني المثل المقارب في كل شيء , إجتماعي, إقتصادي, شكلي , تعليمي , ............
يحصر ويأخذ بالمتوسط
ورغم ذلك يصعب تحديده لكن لا يستحيل
ويغني عن ذلك الإتفاق
=
لو حددت الشبكة حد مهر المثل ورفض أهل العروس ذلك
الحل
سددوا وقاربوا
المسألة إسترشادية
-
سيدنا عمر بن الخطاب رضي الله عنه حاول تقنين وتحديد المهر فردت عليه امرأة بآية من القرآن فصعد إلى المنبر وتراجع عن قراره فوراً لأنه يخالف شرع الله ولم يكن يتذكر الآية قبل القرار.
-
بمعنى
لو باقيين على بعض هيقربوا المسائل
لو مرتبطين ببعض على حرف
هتبقى دي القشة وكل واحد يروح لحاله
ـ
لو توافقوا على ضم الشبكة للمنقولات أو لبعض المنقولات لتكون في النهاية مكملة لقيمة يرونها هي المهر وتكتب كلها في القائمة
عادي
ما المانع
لو عايزين يوصلوا لحل هيوصلوا

-

المشاركة الأصلية كتبت بواسطة 4fun14

انا مش عارف ازاى مفهمتنيش!
اختى وجوزها مسافرين من يوم ما اتجوزوا من 4 سنين..وقت ما اتجوزوا كان دافع مقدم بس..وحتى هذه اللحظه لا الشقه اتشطبت ولا طبعا اتفرشت يعنى مدفعش نص العفش والكلام ده..ونص الفرح بس اللى دفعه "هو فاهم انه دفه النص انما الحقيقه هو دافع تقريبا الثلث"...والحمدلله سواء اختى او جوزها مستواهم كويس يستعيبوا يتكلموا فى الكلام الفارغ بتاع الشيكات والكمبيالات ده
وحتى لو لا قدر الله جوزها طلع وحش...هنرضى باللى كتبه ربنا..
الجواز مشروع الاتنين بيستثمروا فيه..ويا الاتنين يكسبوا يا الاتنين يخسروا
مينفعش واحد يأمن خسايره والتانى يشيل الليله

لامؤاخذة يا باشا
الآن فهمتك بالظبط
=
أنا قصدي أنه مسألة الشيك أو الدهب أو أي شيء يحل محل المهر
هو أمر ليس حرام وليس عيب
في أماكن ينفع وفي أماكن مينفعش
بس منقدرش نعتبره أمر مرفوض ونحاول منعه
وانا مش بعمله دعاية ولا عملته قبل كده ولا بفكر بالطريقة دي
أنا شايف إنه موجود وبيحل مواضيع فمينفعش نعتبره منكر

وأنتم يسرتوا على جوز بنتكم
ربنا يباركلكم ويجعله أهلاً لهذا الكرم منكم

لكن صدقني كل جوازه بلد لوحدها مش هينفع تبقى على نمط واحد

ـ

حاجه كمان

المشاركة الأصلية كتبت بواسطة 4fun14

مينفعش واحد يأمن خسايره والتانى يشيل الليله

ربنا شرع وفرض على الرجل تجهيز منزل الزوجية ودفع مهر للزوجة
دي فروض ودين مش خساير
لو بتعتبر التكاليف دي خساير
يبقى أيوه ربنا فرض الخساير دي على الراجل لوحده

الزوجة اللي تتنازل عنها هي حرة مش عيب ولا حرام

والزوجة اللي تتمسك بيها هي حرة مش عيب ولا حرام

=

دي نقطة نظام

=

المهر بقى في أي صورة مش فارقه

ـ