استفسار فى مواتير المياه

**Mecha** · 20-05-2015 04:18 PM

الفلوماك عباره عن توماتيك الكتروني زائد حمايه للدوران الجاف ,عن نفسي مشفتش شبيهه - لان الفلوماك اسم المركه- في ارتفاعات لكن خطوط ارضيه .المهم هو بيلغي البالونه اللي بتريح المتور و التوماتيك العادي .مواصفات المركه دي -فلوماك الايطالي- بتقول يستحمل ضغط حتي 10 بار يعني عرق ميه بارتفاع 100 متر ودا ضغط عالي .فكدا هيشيل افضل من الاتوماتيك العادي لكن المتور هيشتغل اكتر.

**friendship7897** · 20-05-2015 04:18 PM

المشاركة الأصلية كتبت بواسطة friendship7897

بعد إذن صاحب الموضوع أيه الفلوماك دا ؟

أنا عرفت الفلوماك من أحد المشاركات السابقة
ودي مشاركته للإفادة للي كان ميعرفش زي

المشاركة الأصلية كتبت بواسطة m.farouk

الفلوماك اسموا BRIO 2000-M سعروا 280 جنية وبعد الفصال 270 من شركة الاكرمين
وده الرابط : Italtecnica srl - BRIO 2000-M

وده مميزاتة:
1-بيشتغل اول متفتح الحنفية بعدها ب10 ثوانى
2-وبيفصل بعد متقفل الحنفية بعدها ب 30 ثانية تقريبا
3-لو المياه قطعت بيفصل كهرباء عن المتور بعدها ب7 ثوانى
4-بيعيد تشغيل المتور كل 15 دقيقة فى حالة ولم المياة قطعت لوحده لحد مترجع ويشتغل ولو مرجعتش بيفصل تانى لمده 15 دقيقة ودى ميزه مش موجوده فى الموديل الى قبلة كان لو فصل علشان المياه قطعت لازم تنزل وتدوس على زرار reset بنفسك
5-ضغط المياه بتاعوا قوى جدا مشاء الله

عيوبة:
1-مفيش تحضير مياه زى البلونة بس اول لم تفتح الحنفية مفيش ثوانى وتلقى المياه جت بقوه
2-لازم يكون كل الحنفيات الى فى البت سلمية وحنفيات السيفون لانى لو فى تسريب هيفضل شغال على طول

**friendship7897** · 20-05-2015 04:21 PM

المشاركة الأصلية كتبت بواسطة mecha

الفلوماك عباره عن توماتيك الكتروني زائد حمايه للدوران الجاف .

شكراً للمعلومة - كنت بكتب المشاركة السابقة وقت ما حضرتك كتبت هذه المشاركة
شكراً جزيلاً

**engmero** · 20-05-2015 04:54 PM

اشكركم جميعا علي المعلومات القيمة سأحاول بنفسي واشاركم الجديد

شكرا

**engmero** · 20-05-2015 05:20 PM

سؤال طيب علشان ابقي فاهم
كده اظبط ضغط التشغيل علي كام وضغط الفصل علي كام علشان ميبقاش الموتور شغال عمال علي بطال علشان مش عارف يحقق

**engmero** · 20-05-2015 05:22 PM

سؤال طيب علشان ابقي فاهم
كده اظبط ضغط التشغيل علي كام وضغط الفصل علي كام علشان ميبقاش الموتور شغال عمال علي بطال علشان مش عارف يحقق

مع العلم انا المياة العمومي ضعيفة مش قوية كفاية

**Mecha** · 20-05-2015 05:27 PM

المشاركة الأصلية كتبت بواسطة engmero

سؤال طيب علشان ابقي فاهم
كده اظبط ضغط التشغيل علي كام وضغط الفصل علي كام علشان ميبقاش الموتور شغال عمال علي بطال علشان مش عارف يحقق

حسب اللي اتقال هتظبط ,ضغط الفصل 40-45 psi ,ضغط التدوير اتومتيك من غير ظبط اقل من ضغط الفصل بقيمة 20 psi ايا كان بشرط الضبط من الصمولة الكبيرة.

**engmero** · 20-05-2015 07:26 PM

يا باشمندس ميكا انا الموضوع معايا في اختلاف عن اللي خضرتك قلتلي عليه لان الضغط علشان يوصل 20 انا مش بيجيلي ميه خالص فوق بتقطع خالص انا دلوقتي مظبطة يشتغل عند 50 ويفصل عند 65 الكلام ده مظبوط ولا اية الغلط اللي عندي

**Abo_Mazen** · 20-05-2015 10:06 PM

المشاركة الأصلية كتبت بواسطة engmero

يا باشمندس ميكا انا الموضوع معايا في اختلاف عن اللي خضرتك قلتلي عليه لان الضغط علشان يوصل 20 انا مش بيجيلي ميه خالص فوق بتقطع خالص انا دلوقتي مظبطة يشتغل عند 50 ويفصل عند 65 الكلام ده مظبوط ولا اية الغلط اللي عندي

يا باشا بالبلدي العامي كده ..حضرتك هتضبط الضغط عندك لغاية ما تلاقي المياه عندك بقت منتظمه وضغطها حلو ..بس ما تخليش الموتور يضغط قوي عشان الكاوتشه ما تضربش ..سيبك من الأرقام على كام ..أهم حاجه أضبط ضغط المياه وخلاص

**Mecha** · 21-05-2015 02:16 PM

المشاركة الأصلية كتبت بواسطة engmero

يا باشمندس ميكا انا الموضوع معايا في اختلاف عن اللي خضرتك قلتلي عليه لان الضغط علشان يوصل 20 انا مش بيجيلي ميه خالص فوق بتقطع خالص انا دلوقتي مظبطة يشتغل عند 50 ويفصل عند 65 الكلام ده مظبوط ولا اية الغلط اللي عندي

حضرتك زي مقلنا ,متعديش 60 psi باي حال ,هيتلف الاتوماتيك والبالونه .جربت تضبط الفصل علي 45 psi وهيبقي التدوير علي 25 psi .واضح انك رجلشت في الصموله الصغيره فارتباط الضغطين اتغير.

الموضوع: استفسار فى مواتير المياه

LinkBack

أدوات الموضوع

عرض

-

-

-

-

-

-

المواضيع المتشابهه

نصيحة بخصوص مواتير المياه

استفسارات عن مواتير المياه

استفسار فى مواتير المياه

استفسار بخصوص مواتير المياه

سؤال مهم بالنسبة لى عن مواتير المياه

الكلمات الدلالية لهذا الموضوع

المفضلات

المفضلات

ضوابط المشاركة