الموضوع: حكايات البشر

فعلا يجب على الجميع السعى خلف الرزق مش ضرورى فى الاول نوع المهنه ايه اهم حاجه تاكل من تعبك بيكون ليه اثر كبير جدا جدا فى نفس الانسان

انا تعليقا على كلامك يا دكتور احب اقول ان احنا لسه والله فينا الخير الناس زى ما هيه من جوه لو دورت فى كل واحد من جواه هتلاقيه طيب بس الناس محتاجه اوى اللى يطبطب عليها ويقولها كلمه حلوه
حاجات بسيطه اوى بس مفعولها كبير

فعلا الشعب المصرى شعب طيب جدا جدا لكن ظروف الحياه هيه اللى مخليه الواحد مش عارف حتى يكلم نفسه

المشاركة الأصلية كتبت بواسطة gade2

لو دورت فى كل واحد من جواه هتلاقيه طيب بس الناس محتاجه اوى اللى يطبطب عليها ويقولها كلمه حلوه

صدقت أخى بل أنا من المؤمنين أن أى انسان فيه الخير لأن الله سبحانه و تعالى لم يخلق انسان عبارة عن شر مُطلق

المشاركة الأصلية كتبت بواسطة AHMEDCAR

فعلا الشعب المصرى شعب طيب جدا جدا لكن ظروف الحياه هيه اللى مخليه الواحد مش عارف حتى يكلم نفسه

و أكبر دليل على ان الشعب ده طيب جداً أما بتحصلنا أزمة بنتكاتف مع بعض ، ممكن تكون الدنيا و همومها و مشاكلها أخدانه بس وقت الأزمات كلنا بنبقى ايد واحدة و ده مش كلام انشا و لا كلام مقالات يعنى مثلاً مين اللى بنى مستشفى الأورام للأطفال مش بتبرعات الشعب الجميل ده.

الحكاية الحادية و الثلاثون

ممكن أكلمكم اليوم عن شئ دائماً ما يُثير حفيظتى و أتعجب له تعجباً شديدا.

أعلم رجل كبير فى السن أعطاه الله سبحانه و تعالى المال و الذرية و المركز الاجتماعى و كل شئ و لكنه اخذ منه اهم شئ و هو معرفته سبحانه فهذا الشخص بالرغم من كبر سنه و لكنه يعصى الله سبحانه و تعالى و مُفتون دائماً بفتنة النساء بالرغم من سنه.

كثيراً ما جلست و أتأمل حال هذا الرجل و أقول: يا سبحان الله ألا يخاف هذا الرجل الله سبحانه و تعالى
ألا يتخذ المشيب فى شعره نذيراً بدنو الأجل
ألا يرتدع و قد بلغ الستين من عمره
ما هذا الأمل الذى فى قلبه و ممكن ألا يتقبى من حياته الكثير

و لكننى فى وسط هذه التأملات أدركت شئ هو أن هذا الرجل كان عاصياً لله فى صغره فلما كبر كبرت معه المعصية

فاياكم اخوانى و المعصية فانها تنكت فى القلب نكتة سوداء و اذا دخلت الظلمة الى القلب فانها تُطفئ نور الايمان

أسأل الله العظيم أن يُعيننا على طاعته و أن يهدى العصاة المُذنبين الى الطريق المستقيم

ازيك يا اخت مسلمه انا لقيت ان الموضوع نام شويه حبيت اصحصحه
.
و بالنسبه للحكايات عندى حايه قريبه شويه للحكايه الاخيره بتاعتك

فى واحد اعرفه ربنا رزقه بالمال و الاولاد و الزوجه و هو فعلا كويس لكن بيعمل حاجه غريبه كل ما يروح الحج تلاقيه قاعد عادى على اى قهوه بيشيش اه والله بيشيش و لما تقوليله كده غلط يقولك ان شء الله اجى السنه الجايه احج تانى

طيب ياراجل انت ضامن انك تقوم من على الكرسى بتاعك ده اصلا

المشاركة الأصلية كتبت بواسطة AHMEDCAR

ازيك يا اخت مسلمه انا لقيت ان الموضوع نام شويه حبيت اصحصحه

أولاً جزاك الله خيراً على اهتمامك و فعلاً أنا نمت شوية عن الموضوع بس ان شاء الله أرجعلكم قريب.

و بالنسبه للحكايات عندى حايه قريبه شويه للحكايه الاخيره بتاعتك

فى واحد اعرفه ربنا رزقه بالمال و الاولاد و الزوجه و هو فعلا كويس لكن بيعمل حاجه غريبه كل ما يروح الحج تلاقيه قاعد عادى على اى قهوه بيشيش اه والله بيشيش و لما تقوليله كده غلط يقولك ان شء الله اجى السنه الجايه احج تانى

طيب ياراجل انت ضامن انك تقوم من على الكرسى بتاعك ده اصلا


سبحان الله هناك من الناس من يتمنى على الله الأمانى دون أن يُقدم بين يدى الله أى عمل صالح و اذا قيل له(اتق الله) وجدته يقول لك(ربنا رب قلوب) ألا يعى هؤلاء أن (ربنا رب قلوب و أعمال) و القلب النقى الذى يخالجه حب الله هو الذى يُصدقه العمل الصالح و جزاك الله خيراً على هذه الحكاية و المشاركة

و بما انك صحصحتنى و فقت خلاص هأجيلكم بالحكاية الجاية

فاصل و نـعــــود..........

الحكاية الثانية و و الثلاثون

قصة أخى أحمد عن الرجل الذى يذهب الى الحج كأنه يذهب لنُزهة ذكرتنى بالعمرة التى قمت بها مع والدى و كان اغلب من فى الرحلة من كبار السن ، هأحكيلكم على مواقف غريبة حصلت معايا فى العمرة ديه.

الأول رحنا المدينة و قعدنا فيها ثلاثة أيام ثم أحرمنا و توجهنا الى مكة ، المفترض فى كل الطريق الى مكة أن نُلبى و طبعاُ كل الأتوبيس كان نايم و خخخخخخخخخخخخ و و طبعاُ انا كنت مستغربة جداً أما قربنا على مكة قعدنا نصحى فيهم و لكن هل من مُجيب و قعدنا نقول: يا جماعة قوموا لبوا ، يا جماعة احنا على مشارف مكة .يقوم واحد يصحى و يقول(لبيك اللهم لبيك وخخخخخخخخخخخخخخ) طبعاً بصراحة كانت حاجة عجيبة....المهم و أنا فى الطريق لقيت راجل كبير بيقول : الواحد بيروح يعمل عمرة و يطوف حوالين الكعبة بصراحة ديه عادة جاهلية قديمة( طبعاً أنا برقت من الجملة و قلت : يا سبحان الله ده انت رايح بيت ربنا و بتقول كدة و قلتله: احنا مش بنطوف حوالين حجر انه حجر لا يضر و لا ينفع و لكن هذا بيت الله فى الأرض و هذا امتثالاً لأمر الله فى الأمور التعبدية الشرعية)

و غير كدة فى طريقنا لمكة أول ما طلعنا من الميقات لقيت راجل من اللى كانوا معانا طلع السيجارة و قاعد يدخن كل الناس قالوله : انت بتدخن و انت مُحرم
قلت فى نفسى : يا سبحان الله ده حتى مش صابر عن المعصية لغاية اما يثم عمرته.

طبعاُ قعدنا فى مكة أسبوع و كنا فى شهر شعبان و كنت علطول مع والدتى و كنا نجتهد فى العبادة و ممكن نتقابل قدراً مع حد من الفوج السياحى اللى معانا فيقعدوا يقولولنا:احنا مش بنشوفكم ليه فنقولهم : بنبقى علطول فى الحرم
فيقولوا:احنا بنصلى الصلوات فى المسجد القريب من الفندققلت فى نفسى: يا سبحان الله يضيعوا أجر ألف صلاة و يصلوا فى الزاوية أو المُصلى الصغير بجوار الفندق

فى هذه الرحلة لهذه الأراضى المُقدسة أدركت شئ أن هناك أُناس يدعوهم الله لبيته و لكن حب الدنيا و اتباع هوى النفس قد أعمى قلوبهم قبل أعينهم فلم يعد القلب يخشع و يخضع و لم تعد العين تدمع و تخنع و لكن بالرغم من الوجود فى هذه الديار المُقدسة لم يعد شئ يؤثر فى القلب.

أسأل الله سبحانه و تعالى ان يُثبتنا على دينه.

المشاركة الأصلية كتبت بواسطة نور القمر

عرفتي ليه بقه انا بحبك اوي مع اني معرفكيش على الحقيقه

و أنا كمان أحبك فى الله يا نور

أسأل الله العظيم رب العرش العظيم الذى جمعنا فى الدنيا على محبته أن يجمعنا يوم القيامة فى جنته (آمين)