الموضوع: حكايات البشر

المشاركة الأصلية كتبت بواسطة H.ibrahim

متابعيين جدا جدا جدا جدا جدا
بلاش تاخير و كملى بسرعة يادكتورة

من العين ديه قبل العين ديه ، انتوا بس تأمروا

المشاركة الأصلية كتبت بواسطة waled369

و الله ما قدرت أكتب ردود لحين الانتهاء من قراءة بقية الحكايات .

فعلا حكايات مؤثرة و الدنيا يا ما فيها.

لعلها تكون عبرة و عظة للجميع و جزاك الله خيرا .

اوعي تنسي بقية الحكايات

شكراً على مرورك أخ وليد و وفقنا الله و اياك الى ما فيه الخير

المشاركة الأصلية كتبت بواسطة AHMEDCAR

متابعين و بعيون مفنجله كمان

ربنا يعينك على الرساله بتاعه الماجستير

أيوة كدة ادعيلى فى رسالة الماجستير بتاعتى أصلى مذلولة للعيانين ذل

و بقيت أصحى و أنام و أنا بأحلم بالعيانيين اللى بيدونى مواعيد و مابيجوش و يبوظوا عليا الشغل.

لو عاوزه عيانين انا جاهر ده انا سنانى يتعمل فيها 12 دكتوراه من ماجيستير بس

ياه انت فين من زمان طيب خليك للدكتوراة بقى.

أصل أنا بأعمل رسالة الماجستر بتاعتى على مرضى داء السكرى النوع الثانى و ده عادة بيجى فوق سن الثلاثين ، و عشان أعقدها أكتر بأشتغل على مرضى السكر اللى مظبطينه و دول بقى عُملة نادرة فى الزمان ده.:k41:

عافانا الله و اياكم من كل سؤ.

المشاركة الأصلية كتبت بواسطة muslimah_dentist

ياه انت فين من زمان طيب خليك للدكتوراة بقى.

أصل أنا بأعمل رسالة الماجستر بتاعتى على مرضى داء السكرى النوع الثانى و ده عادة بيجى فوق سن الثلاثين ، و عشان أعقدها أكتر بأشتغل على مرضى السكر اللى مظبطينه و دول بقى عُملة نادرة فى الزمان ده.:k41:

عافانا الله و اياكم من كل سؤ.

ربنا يقويك يارب ان شاء الله

بس برضو انا مش هاسيبك و طلبك عندى و احد سنانه تعبانه و عنده السكر كمان بيحاول بقدر الامكان يظبطه يبقى مين يبقى مين

ابويا انت كده زى مابتقولى هاتلى ابوك و عمتك و باقى العيله المسكره دى ربنا يقويك يارب

:wacko:الحكاية السادسة:wacko:

الحكاية السادسة ديه حكاية تخوف و تخلينا نأخد بالنا ان فى مصر أمراض خطيرة كتير ماكنتش موجودة قبل كدة.

نبتدى الحكاية.................

كان فيه شاب جه العيادات كان فى مُقتبل العشرينات من العمر و بالرغم من هذا كانت صحة فمه سيئة للغاية و كانت كل أسنانه تقريباً بتتلخلخ و طبعاً كان مضايق من الأمر ده لأنه كان ممكن يفقد كل أسنانه بكل سهولة و هو فى السن الصغير ده.

المهم بدأت أشتغل على الشاب ده و بدأت ألاحظ تحسن فى الحالة و الحمد لله أسنانه بدأت تثبت و هو بدأ يحس بالفرق ، كدة الحالة بدأت تتحسن و الحمد لله بس كنت دايماً بألاحظ مع العلاج و التعليمات اللى بأديهاله ان فيه التهاب لسة موجود فى جزء مُعين من اللثة و أقوله بلفظه العلمى "persistent interdental gingivitis"
و ده شئ غريب و مُقلق نوعاُ ما لدرجة انى شكيت ان عنده مرض من أمراض الدم و أمرته بعمل صورة دم كاملة بس النتيجة جت سلبية و تعجبت للأمر ده فذهبت بها الى من هم أكبر منى فى القسم و سألتهم.
قال لى الدكتور: لو ماخفش و استمرت حالته بالشكل ده يبقى عنده ايدز.

طبعاً أول ما قالى ايدز أنا ما ستوعبتش الكلام و برقت و قلتله:دكتور ايدز ايه أنا بقالى شهر بأشتغله
قالى:أنا بالرغم من خبرتى الكبيرة ماشفتش غير حالة ايدز واحدة فى مصر و كان فى شرم الشيخ و الولد كان عنده kaposi's sarcoma ده نوع من ألأنواع السرطانية التى تأتى نتيجة تعقيدات مرض الايدز
طبعاً أنا اترعبت:قلتله:انا أعمل ايه دلوقتى.
قالى:لو ماخفش على الجلسة اللى جاية يبقى أكيد عنده ايدز

طبعاً أنا كنت قاعدة على أعصابى لغاية أما جه للجلسة الجاية و الحمد لله خف و تنفست الًصُعداء.

ديه مش أول مرة أسمع فيها و أشوف حالة شاب شككنا انه عنده ايدز

كان فيه طالبة فى دفعة رابعة قالتلى فيه شاب بأشتغله علاج جذور و عنده اشتباه فى ايدز لأن الدكتور طلب منه تحليل HIV طبعا ً الطالبة كانت مرعوبة و خايفة تشتغله و قالتلى لو سمحتى تعالى اكشفى عليه ، المهم رحت معاها و كشفت عليه و بالكلام معاه اكتشفت أن الدكتور طلب منه التحليل ده لأنه شاب صغير و بيشتغل فى شرم الشيخ و كان جاى فى أجازة و حس بدوخة و تعب فالدكتور أول ما اعرف انه جاى من شرم الشيخ طلب منه تحليل HIV

أنا بأحكيلكم الحكاية ديه عشان أقولكم يا جماعة " خلوا بالكم فيه ايدز فى مصر " و للأسف مش بس الايدز موجود كل الأمراض التى تُنقل عن طريق الاتصال الجنسى عادت تظهر الى الأفق و بكثرة مثل مرض الزُهرى

ده بيخلينا ننتبه لأزمة مصر عايشاها دلوقتى و لازم تتحل قبل ما شبابنا يضيع و يمرض و يبقى مالناش أى قوة انتاجية بعد كدة ، أزمة الشباب اللى مش لاقى شغل و عايز يحصن نفسه فى ظل الفتن اللى موجودة دلوقتى و مش عارف ، أزمة البطالة اللى تجبر شاب يتغرب برة و لا جوة بلده من غير أما يكون محمى بقيم و أسس دينية و يُصاب بأمراض رهيبة نتيجة انغماسه فى الفاحشة.

فاكرين فيلم "رحلة فى طابا" الفيلم ده جسد واقع فعلى مُصابات و حاملات لمرض الايدز عمالين يأذوا فى شبابنا و يضيعوهم و احنا و لا هنا ، ربنا يلطف بينا يا رب.

حبيت بس أقولكم " خلوا بالكم"

المشاركة الأصلية كتبت بواسطة AHMEDCAR

ربنا يقويك يارب ان شاء الله

بس برضو انا مش هاسيبك و طلبك عندى و احد سنانه تعبانه و عنده السكر كمان بيحاول بقدر الامكان يظبطه يبقى مين يبقى مين

ابويا انت كده زى مابتقولى هاتلى ابوك و عمتك و باقى العيله المسكره دى ربنا يقويك يارب

ياه عز الطلب ، بس خدهم مشوار صغير للاسماعيلية عشان أشتغلهم و أعملهم الواجب.أصل أنا مش فى القاهرة أنا من الاسماعيلية .