بتسقط نقلة وآلا بتدوس فرامل ؟؟

**abou_ruqi** · 17-11-2008 08:22 PM

أنا اللي باسألكوا وأتريكوا مش عارفينه

بصوا
التسقيط down shifting ده زيه زي الفرامل بالظبط
لوعاوز تقف بسرعة وأنت بتجري بسرعة في الحالات التالية

1- مش عاوز العربية تعوم لو عربيتك خفيفة
2- العربية متتزحلقش لو الأرض مبلولة ومعندكش اي بي اس
3- ماتفقدتش عدد لفات الموتور في حالة لو حتشد بعد الفرملة على طول
4- لو مشاوريك طويلة و فراملها كتير ويهمك أن التيل ميسخنش (علشان الفرامل بتضعف لو سخن قوي)
5- لوالفرامل راحت منك

في الخمس حالات دول حلك الوحيد أنك تنزل بالجيربوكس واحد غيار أو اتنين على حسب مقدار الفرامل المطلوبة

وهناك مدرستين (ابحثوا في جوجل عن down shifting)
مدرسة ان التسقيط أفضل و نتيجته أحسن و غير خطر
والتانية اللي بتقول ان تيل الفرامل رخيص , خللي الناس تدوس براحتها

وعلى فكرة كل عربيات السباق السواقين ما بيلمسوش الفرامل خالص لأنهم لو لمسوها حيروحوا في داهية في الكلفات , كلهم بيعملوا بيهدوا في الملفات

جرب وأنت ماشي في حتة فاضية - لحد ماتتعود- تكون ماشي على 80 وهات تاني و أرفع رجليك من على الدبرياج وشوف

ملحوظة هامة لو جيت اسكندرية بعد المطر أوعى تدوس فرامل
أعمل الطريقة دي

**r0xer** · 17-11-2008 08:28 PM

!!!!!!

انتو عايزين تحرقو عربياتكم ولا أيه مش فاهم؟

لو جايب 100 و سقطت وجبت التاني الأر بي ام هيعلى عن ال6000 لفة او حسب سعة موتورك و ساعتها باي باي موتور...!!

الحاجات دي للناس المحترفة اللي عارفة قدرات عربيتها وعارفة هي بتعمل أيه !!

وكمان في كل الاحوال التيل ارخض فعلاً...وتسقيط النقلة دا لو عايز العربية تتنطر بيك لقدام. وفي حل سخيف مبحبش اعمله إلا في حالات الموت يعني خلاص...وهو ضغط دبرياج ثم ضغط بنزين في نفس الوقت بقوة وبعدها هتلاقي العربية طارت من على الأرض في كسر من الثانية وزودت مثلا 20 كيلو متر سرعة!! " متجربوش الموضوع ومش مسؤول ومعرفش دا غلط ولالا بس غالبا هو غلط".

خلاصة الكلام....تسقيط النقلات مش كويس و الجري مش كويس اصلا وربنا يحفظنا ويحفظكم.

**eng/muhamad** · 17-11-2008 08:31 PM

جرب وأنت ماشي في حتة فاضية - لحد ماتتعود- تكون ماشي على 80 وهات تاني و أرفع رجليك من على الدبرياج وشوف

ارفع رجلى من على الدبرياج واحده واحده زى ما اكون طالع على الاول لسه
و لا ارفعها فجاه
و استخدم معاها فرامل و لا لأ
؟

**abou_ruqi** · 17-11-2008 09:14 PM

المشاركة الأصلية كتبت بواسطة eng/muhamad

ارفع رجلى من على الدبرياج واحده واحده زى ما اكون طالع على الاول لسه
و لا ارفعها فجاه
و استخدم معاها فرامل و لا لأ
؟

فجأة حتلزق في الإزاز , أربط الحزام كويس علشان حتقف جامد

**abou_ruqi** · 17-11-2008 09:17 PM

المشاركة الأصلية كتبت بواسطة r0xer

!!!!!!

انتو عايزين تحرقو عربياتكم ولا أيه مش فاهم؟

لو جايب 100 و سقطت وجبت التاني الأر بي ام هيعلى عن ال6000 لفة او حسب سعة موتورك و ساعتها باي باي موتور...!!

الحاجات دي للناس المحترفة اللي عارفة قدرات عربيتها وعارفة هي بتعمل أيه !!

اعمل بحث في جوجل وشوف الناس بتقول علي الطريقة دي ايه برة

**mrghost** · 17-11-2008 09:19 PM

المشاركة الأصلية كتبت بواسطة ouba2

انا بستخدم الستقيط للجري مش للفرملة

وانا كمان زى حضرتك

**M.Osman** · 17-11-2008 09:53 PM

ااااااااااااااااااااه انا كدا فهمت .....

دي كانت بتحصل معايا بالغلط لما كنت بتعلم السواقة ... اكون ماشي عالثالث و بدل ما اجيب الرابع اروح جايب التانى .... تلاقى العربية راحت كعلية صوتها و "مشفوطة" ...هههه

يعنى ممكن الواحد يفرمل كدا ... طب قشطة ...:)

**nasr-eldeen** · 17-11-2008 10:06 PM

أنا كنت بعمل كده نادر جداً زمان الآن مش ممكن أعمل الحركة دي
والسبب ؟؟؟؟

**abou_ruqi** · 18-11-2008 01:12 AM

المشاركة الأصلية كتبت بواسطة nasr-eldeen

أنا كنت بعمل كده نادر جداً زمان الآن مش ممكن أعمل الحركة دي
والسبب ؟؟؟؟

إن أنت راكب أوتوماتيك :k18:

**mo7a_mo7a** · 18-11-2008 02:19 AM

المشاركة الأصلية كتبت بواسطة ruqi

أنا اللي باسألكوا وأتريكوا مش عارفينه

ملحوظة هامة لو جيت اسكندرية بعد المطر أوعى تدوس فرامل
أعمل الطريقة دي

تخيل انا في بداية الموضوع مكنتش مستوعب يعني ايه تسقيط (( المصطلح غريب )) لكن بعد ما قريت الشرح فهمت علي طول ...........
انا من اسكندرية وفعلا طول الشتا بنستخدم الطريقة دي 100 يوم في السنة يا معلم!!!!!!!!!!!!!!!!!!!!!!!!!!!!!!!!!!!!!!!
لدرجة انها بقت من بديهيات السواقة ... مبقتش حاجة غريبة......... شئ اساسي ملهوش اسم.
عادي خالص انك والدك وهو بيعلمك السواقة في المطر انه يقولك انزل غيار ودوس فرامل..
في اسكندرية ده الطبيعي واللي يدوس دبرياج وفرامل ...
يبقي الله يعوض عليه ... حيعوم طبعا وننزلو نجيبوه من البحر بقي

وطبعا العبد لله وزيه كتير ميعرفش ان ده تسقيط