الموضوع: بتسقط نقلة وآلا بتدوس فرامل ؟؟

المشاركة الأصلية كتبت بواسطة mo7a_mo7a

محمد باشا كلامك صح طبعا بس اكيد انت مزرتش اسكندرية في الشتا كتييير
وخليني اشرح حاجة :
في اسكندرية الشوارع تم تصميمها علي شكل ((بمومبيه)) علشان صرف المطر علي الجانبين والتصميم ده في رايي غبي جدا جدا لان له عيوب
اولا بيخلي الطريق من اعلي نقطه فيه يتشبع بزيت والسولار والبنزين وبواقي الكاوتش طول الصيف ويبتدي يدوب مع المطر وفي وحود المطر الغزير مع الاتربة ورزاز البحر ((المشبع بالاملاح)) بيكون طبقة من الصابون... ايوة صابون فعلا ودي فكرة تكوين الصابون((املاح +زيت في وجود مادة قلوية)) وبالتالي بيقي كانك ماشي علي ساحة للتزحلق علي الجليد واسوا
ثانيا شكل البومبيه مبيخليش العربية متزنة خاصة في المنحنيات لما بتكون الاجزاء العالية في اتجاه محور الطرد المركزي للملف ((وليس العكس كما هو مفترض)) وده بيقلل ثيات العربية
الطرق دي بتبقي فيها اجزاء خشنة كتير قرب الاماكن المعتاد الفرملة فيها ورغم خشونتها الا انه اثناء المطر بتفقد السيارة تماسكها لقلة مساحة تلامس الاطارات مع الارض..
واخيرا قليل جدا من سكان اسكندرية اللي عندهم طقم كاوتش احتياطي خاص بالمطر

وبالتالي النتيجة ان اي محاولة لاغلاق العجل حتكون نتيجته حجز طبقة من الماء بين الكاوتش والطريق وفي وجود الشكل البومبيه للطريق وانعدام التماسك مع ملف حلو ..... توقع انت الباقي

وهنا الحل ان العجل يستمر في الدوران لكن بعجلة سرعة متناقصة وبالتالي يسمح للسائق بتوجيه العربية وطرد الماء من تحت الكاوتش في نفس الوقت مع الاحتفاظ بمركز ثقل في مستوي قريب من سطح الاسفلت

تصدق بقى انى عمرى ما سوقت عربية فى اسكندرية؟؟

عموما اللى انت وصفتة دة صح جدا و هى الطريقة المثلى للقيادة فى الطرق الزلقة... بس فى الاحوال دى بيبقى تماسك الكاوتش مع الطريق قليل اوى و بالتالى اى حمل زائد حيزحلق الكاوتش قبل ما يحمل على بلى الفتيس و بالتالى مفيش خطورة من الموضوع دة على الطرق الزلقة

MMamdouh