مبروك على انضماملى لعائلة الرينو .. اشتريت السينيك أخيراً

**megane_man** · 23-11-2008 10:10 PM

ألف مبروك ونورت الوحوش بالنسبة للسينيك متقرنهاش بالبيجو لأنها عربية عائلية جدا يعني مش بتاعت جري وشد هي عربية رزينة وفخمة وقعدتها مريحة جدا وواسعة جدا والي قالي علي موضوع السحب ده مندوب في رينو كانت معاه وكان راكب قبليها الميجان فكان بيقولي انه عاوز يبيعها علشان مش زي الميجان في السحب

**ringoo84** · 23-11-2008 10:24 PM

الف الف مبروك يباشا وربنا يباركلك فيها ويحفظهالك ويكفيها شر الطرق بتاعتنا وسواقين الميكروباص والتاكسيات...............

**Mohd_Adel_Amin** · 24-11-2008 08:19 AM

ألف مبروك ليك يا باشا وربنا يديلك خيرها ويكفيك شرها , وبإذن الله زيارة للتوكيل هتحل المشاكل اللي حضرتك شايفها ..
انا عايزك طول ما انتا راكبها تستمتع بروعة رينو وتحس بيها جواها .. ساعتها هتعرف ان كل قرش دفعته على العربية دهية كان في مكانه الصحيح , واعتقد ان مقارنتها مع 307 مش متكافئة نظرا لاختلاف الفئتين بس انا شايف انك هتستمتع اكثر مع السينيك .. واتمنى نشوفك في المقابلات القادمة .

**abdoweb** · 25-11-2008 02:02 PM

شكراً يا جماعة على الردود
والله انا حاسس انى بين اخواتى
وبجد اول مرة استفيد من منتدى على الانترنت
مع انى شغلى كله فى مجال ( تصميم مواقع الويب )

بس انا كنت بسال عن التوكيل بتاع رينو او مركز الخدمة اللى جنب السندباد فى طريق المطار
حد يعرفة او جربه ؟
لأنه قريب منى وفى طريقى وكشفت فيه عن العربية وحسيت انهم ناس محترمين

**abohafs** · 25-11-2008 05:49 PM

انا ايضا يا صاحبي معي سينيك 2005 والحمد لله انا مبسوط منها وان كان موضوع السحب ده انا مش حاسس بيه مع اني بطلع القطم كل يوم .. لكن ممكن يكون البنزين سبب في اللي بيحصل معاك حاول ترجع لموضوع محطات البنزين في المنتدى علشان تستقرب بنزينة كويسة تمون منها .. والف مبروك

**Ahmed Selim** · 25-11-2008 07:24 PM

المشاركة الأصلية كتبت بواسطة abdoweb

شكراً يا جماعة على الردود
والله انا حاسس انى بين اخواتى
وبجد اول مرة استفيد من منتدى على الانترنت
مع انى شغلى كله فى مجال ( تصميم مواقع الويب )

بس انا كنت بسال عن التوكيل بتاع رينو او مركز الخدمة اللى جنب السندباد فى طريق المطار
حد يعرفة او جربه ؟
لأنه قريب منى وفى طريقى وكشفت فيه عن العربية وحسيت انهم ناس محترمين

دول الميكانيكيون العرب.............مركز خدمة معتمد مش التوكيل

هما كويسين بس برضه لو فى حاجة فى الموتور أو الكهرباء يبقى يستحسن تروح التوكيل نفسه.....فرع المقطم أو العبور

**abdoweb** · 03-12-2008 02:08 PM

والله ردودكم بتفرحنى
وبجد انا هتابع معاكم علطول ان شاء الله
انا صاحب شركة تصميم وبرمجة مواقع نت واتمنى اقدر اشارك أو افيد فى المنتدى ده
وانا عملت صيانة للعربية من اسبوع وبعدها لقيت الموضوع بقى افضل وغيرت زيت وفلاتر وقالوا لى المشكلة كانت فى فلتر الهواء
وعلى فكرة دى صورة عربيتى
انا لقيتها على موقع car100100.com