الصعايدة وصلوا !!!

**dr.nemo** · 27-12-2008 04:51 AM

انا لي جذور صعيدية برده تحديدا من المنيا - مركزمغاغة
عمري مرحت الصعيد ولا حد من العيله حتى الجد السابع
مامتي بس اللي راحت قضت نص فترة تكليفها في وحدة صحية اظن في بني سويف والنص التاني في اسكندرية
بس من اللي سمعته منكم ومن بعض اصدقائي اللي درسوا هناك
نفسي اروح استجم هناك شوية
انا اصلي بفكر اعمل جولة حول الوطن في الاجازة
وان اشاء الله تكون الصعيد في الاول

**نور القمر** · 28-12-2008 11:23 PM

اهلا بيك استاذ نيمو
منور الموضوع وبكون سعيدة بجد كل ما الاقي حد بلدياتي خصوصا ان حضرتك اول واحد تكون من مغاغة
فعلا يا ريت تحاول تعمل جولة في المنيا اكيد هاتلاقي قرايب حتى لو من بعيد شوية
وانا واثقه انهم هيكونوا سعدا لما يلاقوا قريب لهم بيوصلهم
في انتظار اخبارك عن زيارة المنيا

**totaa** · 29-12-2008 02:52 AM

الأخت الغااااااالية ...نور القمر

جميع موضوعاتك خفيفة وتتسم بالبساطة والمصداقية وايضا العمق ..أحب أن اسجل هنا مرورى بإعتراف

وهو ..أنني لم اتعاااااامل فى حياتي مع اى انسان من الصعيد حتى التقيت بصديقة من إلمنيا ووجدتها طيبة بالفعل
ووفية الى ابعد حد ولكن كانت تمثل تلك الصورة التي اشاهدها عبر شاشات التلفاز من اللهجة والملبس والتقاليد

ومرت السنون وانطبعت تلك الصورة بذهني حتى التقيت منذ سنة بمن محي تلك الصورة من ذهني
فوجدت التلقائية ..الذكاء ..المرح ..الأناقة ..الرقة ..الذوق المتناهي .. وأحسستُ كانني أعرف الوجه القبلي لاول مرة
متجسد فى ابهى صوره..ومن يومها ربط بينى وبين الصعيد واهله علاقة أخوة ومحبة واحترام وصداقة

لذا فأنا أحترمهم جدا ولكن ليا كلمة أخيرة بس من غير ضرب هههههههههههه أنا بقول أهوه

آآآآآآآآآآآآآآآآه لو تبطلوا العصبية والتسرع فى الحكم على الأمور !!!! هههههههههههههه

تقبلوااااااااااا تحياتي وفاااائق احترامي

**نور القمر** · 29-12-2008 06:52 PM

عزيزتي توتا ميرسي اوي لمرورك الكريم بموضوعي
وميرسي اكتر على زوقك ومجاملتك الرقيقه زيك
والحمد لله انك قدرتي تتعرفي على واحدة صعيدية وشوفتي بنفسك ان اللي بيجي في التليفزيون ده غير الواقع بالمرة
زي ما قلت قبل كدة نادر لو في واحدة مش متعلمة ونسبة كبيرة منهم خريجات جامعة
ويسعدني جدا لو لقيت فرصة في امستقبل اتعرف عليكي شخصيا
بس بالنسبة لموضوع العصبية ده انسي نه يتغير دي حاجة في الجينات عمرها ما تتغير
ولعلمك اغلب الشعب المصري عصبي
اما التسرع في الحكم على الامور ده موضوع نسبي بيختلف من شخص لاخر ومالوش علاقة بكون الشخص صعيدي او لأ
ميرسي يا جميل ومنورة مواضيعي ديما

**eng.octooo** · 22-01-2009 02:02 AM

انا من الصعيد ومن سوهاج ومن البلينا بالذات وبحب بلدىىىىىى وباحاول انى اوضح للناس كلها انى صعيدى معرفش لية
مع انى ساكن وعايش طول عملرى فى اكتوبر

**د./اليشع ثابت** · 22-01-2009 02:51 AM

المشاركة الأصلية كتبت بواسطة octooo

انا من الصعيد ومن سوهاج ومن البلينا بالذات وبحب بلدىىىىىى وباحاول انى اوضح للناس كلها انى صعيدى معرفش لية
مع انى ساكن وعايش طول عملرى فى اكتوبر

طلعت من شلتنا يا اوكتووووووووو
تبقى حبيبى على طول الخطططططط
نورت الشلة يا باشا و اجدع ناس بتوع البلينا
ولك تحية الصعايدة يا باشا :10D5C8~1107::10D5C8~1107::10D5C8~1107:

**eng.octooo** · 22-01-2009 03:04 AM

هههههههههههههه والله انت تمممممممام
وادى التحية

:k10:

09-05-2009 01:56 AM

أخوكم من سوهاج مركز الصوامعة (صوامعة قبلي)
الوالد ربنا يدّيله الصحة و أنا للأسف مش مولودين هناك
(مواليد عروس البحر الأبيض) معشوقة الملايين و أنا أولهم (الأسكندرية)
و بقالي سنتين بس مقيم بقاهرة المعز مع أولادي و زوجتي لظروف العمل (زوجتي و أنا) خاصةً بعد أن من الله عليّ بنعمة التقاعد بعد (20) سنة خدمة بقواتنا المسلحة لأستمتع بما تبقى من عمري بأسرتي (أولادي و زوجتي) التي قلما أقمت معها لظروف عملي
أتمنى من كل قلبي عمل مقابلة للصعايدة

**نور القمر** · 09-05-2009 02:14 AM

المشاركة الأصلية كتبت بواسطة Terrible_DaRsH

علشان ذكرتى الصعايدة فقط ...

فانا مش هحكى حاجة

...

كدة يا تريبل

لسه واخده بالي من مشاركتك دي
معلش غلطة مطبعية
مستنية مشاركات الجميله

**نور القمر** · 09-05-2009 02:17 AM

المشاركة الأصلية كتبت بواسطة khaled lanos

أخوكم من سوهاج مركز الصوامعة (صوامعة قبلي)
الوالد ربنا يدّيله الصحة و أنا للأسف مش مولودين هناك
(مواليد عروس البحر الأبيض) معشوقة الملايين و أنا أولهم (الأسكندرية)
و بقالي سنتين بس مقيم بقاهرة المعز مع أولادي و زوجتي لظروف العمل (زوجتي و أنا) خاصةً بعد أن من الله عليّ بنعمة التقاعد بعد (20) سنة خدمة بقواتنا المسلحة لأستمتع بما تبقى من عمري بأسرتي (أولادي و زوجتي) التي قلما أقمت معها لظروف عملي
أتمنى من كل قلبي عمل مقابلة للصعايدة

منور تجمع الصعايدة استاذ خالد
بس ياترى لسه في تواصل بينك وبين الصعيد ولا خلاص العلاقة مقطوعه نهائي؟؟
فكرة تجمع الصعايدة فكرة رائعه اتمنى تتحقق