الموضوع: إمتى تغير زيت الموتور؟؟؟

مهندس احمد

تحياتي وارجو ان تكون بصحه وعافية تخمينك في محله ، وتاريخ المشاركه كان سابق لحديثنا او في نفس الوقت على ما اتذكر ، ولا اخفي عليك ان بعد حيثنا اجريت بحث مطول عن انواع الزيوت ومواصفاتها حسب الداتا شيت المتوفره لكل زيت ، وفي نفس الوقت كان في بحث اخر موازي عن تفاصيل عربيتي في المواقع الصينيه وطبعا كما توقعت عربيتي ليها اسم تاني خالص في المواقع الصينيه ، ولم استدل عليه الا من خلال رقم الموتور ، الموتور هو
4a91s
وهو نفسه موتور الانسر شارك ، والفتيس نفسه اللي موجود في هيونداي النترا اتش دي او الكيا سيراتو ، وبالتالي عرفت مواصفات زيت الموتور وزيت الفتيس ، وكنت ناو امسح المشاركه لأني حسيت ان مالهاش معني

بس شاء رب العالمين اني انسي الموضوع علشان تشرفنا بردك الكريم
المواصفات هي فعلا كما تفضلت وده بالرجوع لصانع العربيه ، والغريبه ان التفاصيل الموجوده مش مذكوره في كتالوج العربيه

، النقطه اللي اعغتقد انها تهمك في الموضوع هو بحثي في انواع الزيوت واللي شمل شيل ، موبيل ، موتول ، ليكوي مولي ، مصر للبترول ، امسويل ، وتوتال وفالفولين

وزادو
مع ملاحظه ان شيل وموبيل ومصر لبترول و توتال نفس المصدر و تختلف الأضافات


من شركه لأخري

الزيت الوحيد التخليفي " المجموعه الخامسه" هو زيت امسويل ، ويتوافق مع عربيتي نوعين واحد يمشيني 10000 كيلو ، والأخر 20000 كلم حسب داتا الداتا شيت بتاعه الزيت ، وطبعا في فرق كبير في السعر بين النوعين

بقية الزيوت بلا استثناء هو شبه تخليقيه وكلها ضمن " المجموعه 3 " ، وطبعا انا اخدت بالي من المسميات على سبيل المثال زيت تخليقي كامل او زيت بتكنولوجيا الهيدروكراكينج

فضلت بقيه خواص الزيوت اللي هي اللزوجه الحركيه عند درجه 40 ، وعند درجه 100 ، درجه التجمد ، درجه التبخر ، درجه الحريق و اخيرا
tbn
واضافات الزنك والفوسفور


خلاصة المقارنات كانت لصالح فالفولين انجن ارمور 5- 40 ، وان شاء الله هاجربه ، ولا اخفي عليك بقية المنتجات زي زيت الفتيس الأوتوماتيك و ماء التبريد حازت على رضائي بالكامل ، وحتى لما راجعت الداتا شيت حسيت نوعا ما ان الناس عارفه هي بتتكلم عن ايه وايه المنتجات التانيه اللي في السوق الي جانب مراجعاتي لبعض المنتديات الأجنبيه

طبعا ده اجتهاد شخصي مني في حدود علمي المتواضع بس حبيت اشاركه مع حضرتك ومع بقيه الأعضاء الكرام

تحياتي لك ولمرورك الكريم وردك على المشاركه

خلاصة المقارنات كانت لصالح فالفولين انجن ارمور 5- 40 ، وان شاء الله هاجربه

بلاش انجن ارمر 5- 40 الاوروبى ( تصنيعى بالكامل مجموعه 3 .. انا جربته من سنتين ..

و شكله لما نزل ميه .. و رائحته كانت سيئه ( انا اتأخرت فى ميعاد التغيير شهر و نصف زياده .. يعنى 13 شهر )

عايز تتأكد بنفسك .. جربه

ولا اخفي عليك بقية المنتجات زي زيت الفتيس الأوتوماتيك و ماء التبريد حازت على رضائي بالكامل ، وحتى لما راجعت الداتا شيت حسيت نوعا ما ان الناس عارفه هي بتتكلم عن ايه

- ما هو الكلام الحلو اللى على الورق ده و المقارنات العلميه هو اللى خلانى اختاره .. بالاضافه الى كونه مصنع خصيصا لمصر ( بحرارتها و الازدحام ) و جو منطقتنا بصفه عامه .. الزيت كان فيه صوره القاهره فى الصقحه بتاعته ساعه ما اشتريته

- سوائل تبريد فالفولين Universal .. يعنى All Size .. يعنى ابعد افضل لانها غير مخصصه لمجموعه محدده من المواتير .. ولسوائل التبريد اليونيفرسال بتكون اضافتها 50% من اضافات سوائل التبريد المتخصصه

- زيوت فتيس فالفولين فى العاده حتلاقيها للفتيسات القديمه او اللى عملت عمره فتيس ( فى الاساس ) .. لا احب اضافات غير لازمه لو كان فتيسى جديد .. فى موضوعين او 3 فى المنتدى عن زيت فتيس فالفولين و حصل مشاكل بسببه .. ابحث عنهم و اقرأهم اولا

كلام رائع زادك الله علما .. أنا كنت عملت بنصيحتك وغيرت لزيت موبيل ون اكس ون زيت رائع الحقيقة بس مش عارف بردوه اغيره امتى في البنزينة بيقولولي 5000 والكتالوج مش معايا ايه رأيك العربية النترا 2008 مانيوال عداد 116000 ؟

المشاركة الأصلية كتبت بواسطة tasaka

بلاش انجن ارمر 5- 40 الاوروبى ( تصنيعى بالكامل مجموعه 3 .. انا جربته من سنتين ..

و شكله لما نزل ميه .. و رائحته كانت سيئه ( انا اتأخرت فى ميعاد التغيير شهر و نصف زياده .. يعنى 13 شهر )

عايز تتأكد بنفسك .. جربه

الزيت شبه تخليقي مش تخليقي بالكامل ويتنمي لمجموعه 3 ، ويتغير كل 10000 كيلو

وتصنيفه
acea a3/b ،ك

المشاركة الأصلية كتبت بواسطة tasaka

- ما هو الكلام الحلو اللى على الورق ده و المقارنات العلميه هو اللى خلانى اختاره .. بالاضافه الى كونه مصنع خصيصا لمصر ( بحرارتها و الازدحام ) و جو منطقتنا بصفه عامه .. الزيت كان فيه صوره القاهره فى الصقحه بتاعته ساعه ما اشتريته

- سوائل تبريد فالفولين Universal .. يعنى All Size .. يعنى ابعد افضل لانها غير مخصصه لمجموعه محدده من المواتير .. ولسوائل التبريد اليونيفرسال بتكون اضافتها 50% من اضافات سوائل التبريد المتخصصه

- زيوت فتيس فالفولين فى العاده حتلاقيها للفتيسات القديمه او اللى عملت عمره فتيس ( فى الاساس ) .. لا احب اضافات غير لازمه لو كان فتيسى جديد .. فى موضوعين او 3 فى المنتدى عن زيت فتيس فالفولين و حصل مشاكل بسببه .. ابحث عنهم و اقرأهم اولا

شكرا لمرورك الكريم ، برجاءوضع الروابط لمشاكل زيت الفتيس الأوتوماتيك الخاص بفالفولين للأطلاع ، لأ اخفي عليك ان ما فيش طريقه علميه متاحه لأي مننا علشان نحكم على الزيت انه كويس من عدمه الا بالرجوع لمصادر الاعتماد المعتبره ، ده مش دفاعا عن نوع زيت محدد او تحيز لشركه معينه ،

بالنسبه لسائل التبريد و زيت الفتيس هل ده رأي حضرتك الشخصي ، ولا نتيجه معلومات موثقه و متاحه على النت في منتديات اخري او اجنبيه

المشاركة الأصلية كتبت بواسطة alfa2000

الزيت شبه تخليقي مش تخليقي بالكامل ويتنمي لمجموعه 3 ، ويتغير كل 10000 كيلو

وتصنيفه
acea a3/b ،ك

مفيش مصطلح اسمه شبه تصنيعى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

الزيت اللى فى مجموعه 3 .. اسمه تصنيعى بالكامل 100% من زيت اساس معدنى .. ده اللى بيتسمى احيانا hc هيدروكراك ( فى المانيا تحديدا >> علشان يفرقوه عن التصنيعى الحقيقى )

الزيت مجموعه 4 ( pao ) او مجموعه 5 الاستر او مجموعه 6 المنتظره .. تصنيعى حقيقى 100% من زيت اساس غير معدنى ( مجموعه 4 او 5 ) .. و ده اسمه زيت تصنيعى حقيقى