الموضوع: مستوى الزيت في المحرك .. إيه أسباب نقص الزيت؟؟؟

المشاركة الأصلية كتبت بواسطة borio1704

قصدك كده يعني؟؟




الصور فعلا لعربيات دركسيون يمين

الصورة اللي فوق أنا جايبها من موقع روسي/أوكراني أو حاجة زي كده... بس يبدو إن الصورة من عربية في اليابان

الصورة اللي تحت أعتقد إنها من استراليا لإن جوهم زي جونا بس الدركسيون يمين.


...

تسلم ايدك ياهندسه ايوه كده كل حاجه ترجع لمكانها ؟ رجعلى الزاكره احسن ضاعت منى عارف حضرتك انا بعشق الموديل ده من التويوتا كانت ملك خالى هو ميكانيكى ؟ واخد العربيه من مدرس رجع بيها من الخليج انا فاكر الكلام ده تقريبا 86 مش متاكد بس كانت حكايه فى وقتها مكيفه وفرش بلدها الاصلى واكسيدمات صلب نيكل زى المرايه وستائر داخليه والصالون اقسم بلله كانها جديده ووسعا جدا وشنطه بحر والموتور غول فى الجرى عربيه صخره لا تعوض مره تانى وكمان عمرنا مافكينه الفتيس او الكردان او الكرونه عربيه مصنعه للاستمرار اه فين ايام الكورسيدا اول عربيه اتعلمت السواقه عليها ؟ الف شكر ؟

الصديق العزيز المهندس بوريو .. الموضوع رائع .. و اتمنى ان تضيف فقره توضح فيها طريقه قياس الزيت بالتفصيل ليصبح هذا الموضوع مرجع متكامل فى المنتدى لطريقه قياس زيت المحرك



دى ملاحظه سريعه حسيت انها هامه و غير معلومه للكثير .. كتبتها فى الرابط ده

بعض المعلومات المفيده و الضروريه بخصوص قياس مستوى زيت المحرك



تحياتى و اعزازى و تقديرى

استازى ومعلمى باشمهندس بوريو بعد اكثر من 3 شهور وانا محول خرطوم بخر الزيت والسفر والعوده من والى مطروح واكثر من 10 الاف كيلو ؟ الاحساس العام للسياره افضل من قبل السحب وصلت 170 بلتكييف استجابت الموتور فى الشد اسرع من زى قبل بشكل عام حاسس ان الموتور ارتاح ومش مكتوم والبوابه بعد المده دى كلها الكربون اقل بكتير وطبعا مفيش برجله فى السلانسيه زى الاول كنت كل مده بسيطه اسبوعين مثلا انظف البوابه كل ما الموتور يلغبط اعرف ان الايدل عايز يتنظف ؟ لكن الان بعد اكتر من 10 الاف كيلو والموتور مشاء الله احسن كتير ؟ وحتى الان الفلتر حاله جيده ممكن انفخه بلهواء فقط مفيش طينه زى الاول هو التراب بس وانا عملت التعديل ده وانا مقتنع به ومستمر ؟ واشكرك لانك بتعلم منك الكتير ربنا يخليك ويبارك فى اولادك ؟

المشاركة الأصلية كتبت بواسطة mohamed desoky

استازى ومعلمى باشمهندس بوريو بعد اكثر من 3 شهور وانا محول خرطوم بخر الزيت والسفر والعوده من والى مطروح واكثر من 10 الاف كيلو ؟ الاحساس العام للسياره افضل من قبل السحب وصلت 170 بلتكييف استجابت الموتور فى الشد اسرع من زى قبل بشكل عام حاسس ان الموتور ارتاح ومش مكتوم والبوابه بعد المده دى كلها الكربون اقل بكتير وطبعا مفيش برجله فى السلانسيه زى الاول كنت كل مده بسيطه اسبوعين مثلا انظف البوابه كل ما الموتور يلغبط اعرف ان الايدل عايز يتنظف ؟ لكن الان بعد اكتر من 10 الاف كيلو والموتور مشاء الله احسن كتير ؟ وحتى الان الفلتر حاله جيده ممكن انفخه بلهواء فقط مفيش طينه زى الاول هو التراب بس وانا عملت التعديل ده وانا مقتنع به ومستمر ؟ واشكرك لانك بتعلم منك الكتير ربنا يخليك ويبارك فى اولادك ؟

طب .. موش حرام عليك تعرض نملتك و النملتين الصغيرين للخطر بالسرعه العاليه دى

ياريت تتبع نفس مبدأ الشق اللى فى الحيطه .. و انت ماشى على الطريق السريع

تحياتى

ياهندسه انتى من مواضيعك عن الزيت غيرت كل اللى انا اتعلمته فى الميكانيكى ومن كتر قرايتى لموضوع الزيت بتاعك فهمت درجات اللزوجه لكل كتالوج والفرق بين التخليقى والنص والمعدنى ؟ يبقى لما اتعلم منك حاجه لازم اقول استازى ؟ انا من خلال ملاحظتى عن البخر والتفكير فى فائدته من عدمه وفى النهاية لقيت ان ده حل كويس وحتى الان كله كويس جدا والموضوع بسيط المهم تحويل الخراطيم بشكل جيد وكل عربيه مختلفه عن التانيه وركبت خرطوم مياه قديم اجرب الاول وركبته من غطاء التاكيهات ومشيت به الى اخر البودى من تحت العربيه وربطه بافزان بلاستيك لحد الدرفنسيل الخلفى ؟ ولاحظة ان البخر فى اوله هواء خفيف ومع طول الخرطوم بيتحول لنقط خفيفه من الزيت المبخر وطبعا ده ملهوش علاقه بمقاس الزيت اللى دايما بكشف عليه والحمد لله كله تمام والموتور مظبوط حتى تاريخه ؟ انا مصور كل شئ بعدله فى العربيه واى شغل بعمله موجود على اللاب وللاسف انا مش عارف اتعامل مع الكومبيوتر كنت اتمنى ان اعرف حتى اعمل موضوع لكن مش عارف كل اللى بعمله برد بس بللى اعرفه فى العربيات ؟ عندى مواضيع كتير جدا وصور كتير عن عزل السياره كامل ؟ وجبتها على الحديد ورجعت جمعتها تانى بصبر كبير ؟ وتعديل العفشه لوحدى وبدماغى وزى الفل ركبت عفشه المانى ؟ والفرامل وشبكه سلك صلب على الريداتير علشان الظلط والرمل الصغير على الطرق السريعه حتى درج الطابلوه باظط الاكره بتاعته وعدلتها بقفل درج مكتب صغير ب 3 ج وحجات كتير جدا انا بعملها بنفسى حتى سير الكاتينه والتقسيمه الصعبه انا والحمد لله عملتها لوحدى وغيرت السير والبليه لانى متعلم الميكانيكى حتى جيرانى انا بصلح ليهم العربيات على حسب معلوماتى بدون حتى شكر المهم انا بحب العربيات والمواتير القويه ونفسى كل معلوماتى انقلها للزملاء فى المنتدى بس للاسف انا خايب فى الكومبيوتر معلشى انا محبوس فى حاجه واحده فقط انى ارد بس لكن مش عارف اعمل موضوع ؟ شكرا ليك ياهندسه انا رغاى اوى ؟

المشاركة الأصلية كتبت بواسطة tasaka

طب .. موش حرام عليك تعرض نملتك و النملتين الصغيرين للخطر بالسرعه العاليه دى

ياريت تتبع نفس مبدأ الشق اللى فى الحيطه .. و انت ماشى على الطريق السريع

تحياتى

انتى لسه فاكر موضوع النمل ؟ اديك شايف مفيش سكر ؟ انا والحمد لله من يوم خروجى على المعاش المبكر وانا قافل على نفسى وقاعد جوه قوقعه ومش خارج منها غير على المقابر فقط لان الجو العام للبلد بيقول كده ؟ اما يامستر تاساكا انا مشيت فى طريق العالمين علشان اجرب بس واشوف اخرها ايه وده كان بمزاجى ؟ والمره التانيه كانت غصب عنى وجريت زى المجنون فى طريق الضبعه الجديد بعد مااليل دخل عليه واتجننت اكتر وقرصت على الموتور وجريت 160 علشان الطريق يخلص ومش عايز يخلص طريق مرعب جدا لما تكون العربيه ماشيه لوحدها للمجهول ومعاك الاسره ومش عارف الطريق نهايته ايه او فين 4 سعات بجرى فى ومش عايز يخلص تحس انك بترجع ولما تنك البنزين ينور الدنيا لازم لازم تسود ؟يوم مش هنساه ابدا ابدا نصيحه لكل الزملاء طريق الضبعه هو هو طريق العالمين مفيش تقليل مسافه او وقت كل ده كدب الطريق ده طويل جدااااااااااااااااااااااا اااااا بدون اى خدمات او تامين يعنى اللى يعطل فيه الله يرحمه ربنا يستر طريقنا كلنا ويبعد عننا شر كلاب الطريق الحراميه ؟