مشكلة بكورسا 1000

**tasaka** · 28-11-2016 06:52 PM

يبقى تجرب منظف ماكس ٤٤ وتلتزم بالارشادات المكتوبة عليه وان شاء الله خير .

https://www.youtube.com/watch?v=Q1rLwLU_6WE

https://www.google.com.eg/url?sa=t&r...,d.bGs&cad=rja

**tasaka** · 28-11-2016 07:20 PM

بعض الانواع الاخرى ( لو موجوده فى مصر )
BG 44K Fuel System Cleaner

Best Fuel System Cleaner - We bring you our top reviews

Best Fuel Injector Cleaner of 2015-2016 | Best Fuel Injector Cleaner of 2015-2016

**magdisaeed** · 29-11-2016 07:46 PM

المشاركة الأصلية كتبت بواسطة م/أحمد عبد الفتاح

الحمدلله - البلف الغير رجاع بتاع الطلمبة بيقى فى الطلمبة نفسها وده فايدته انه يسمح بمرور البنزين من الطلمبة ومايرجعهوش للطلمبة - المفروض لما بتبطل العربية فالطلمبة بتاعة البنزين بتقف وبالتالى البلف الغير رجاع مش حايسمح برجوع البنزين للتانك وحايفضل الخط فيه بنزين علشان لما تبطل العربية وبعدين تيجى تدور تانى تدور على طول لان الخط متحضر بنزين - لو مافيهاش بلف غير رجاع او البلف الغير رجاع بايظ فالبنزين حايرجع عالطلمبة ومنها للتانك تانى والخط يفضى ويخلى العربية تغلبك فى الدوارة - اللى على المسطرة ده هو المنظم و واحيانا المنظم ده بيبقى جنب الطلمبة عالتانك بتاع البنزين - المنظم ده حتلاقى عليه خرطوم رفيع اسود طالع منه ومتوصل بجسم الموتور يافى مجمع سحب الهوا ياجنب البوابة - ممكن يكون بايظ هو كمان لان جواه كاوتشة ( ديافرام ) وسوستة لو الكاوتشة مقطوعة ممكن يسبب برضه تاخير الدوارة وريحة البنزين - علشان تتاكد انه سليم بعد ماتبطل العربية فورا وتشيل المفتاح من الكونتاكت تخلع خرطوم الفاكيوم لو لقيت فيه اثار بنزين يبقى المنظم ده بايظ ولازم يتغير - لو ملاقيتش اثار بنزين فى الخرطوم بتاع الفاكيوم يبقى تجرب منظف ماكس ٤٤ وتلتزم بالارشادات المكتوبة عليه وان شاء الله خير .
بس عجبانى قوى جملة " ابقى عدى عليا بعدين انضفلك الحساسات " بالظبط زى جملة " هيا بنا نعك " :)

جربت النهارده مع منظم البنزين اللي علي أول مسطرة الرشاشات وشيلت خرطوم الفاكيوم أول ما بطلت العربية وللأسف لقيت عليه اثار بنزين بس لاحظت بنزين كتير تحت مسطرة الرشاشات حتي المسطرة اللي بيطلع منها فيش الرشاشات كان عليها زي بخر بنزين... كده مسطرة الرشاشات لازم تتغير بالكامل بالرشاشات والمنظم؟

**م/أحمد عبد الفتاح** · 29-11-2016 08:41 PM

كده يبقى لقينا سببين الحمدلله وهما :
- المنظم باظ (الدايافرام اتخرم) وده لازم يتغير .
- البنزين الكتير اللى تحت المسطرة ده فى الغالب بيبقى الاورينج الفوقانى بتاع الرشاش بيفوت بنزين وده ممكن يكون فى رشاش واحد او اكتر يبقى حانعمل الاتى :
١- فك المسطرة بالرشاشات
٢- فك الرشاشات من المسطرة وتغيير الاورينجات العلوية بتاعتها بطقم اورينجات جديد لو ملاقيتش عند بتوع قطع غيار العربيات يبقى تسأل عند بتوع الاويلسيلات والأورينجات وتجيب زى اللى راكب بالظبط او محمل سنة بسيطة .
٣- حاتنضف الرشاشات بفرشة سنان قديمة وبنزين من اسفل (مكان الفونية ) وبعدين بمنظف كاربراتير.
٤- الرشاش من فوق بيبقى عليه زى شبكة سلك رفيع بتعمل تصفيه وفلترة للبنزين اللى داخل للرشاش حاول تنظف الشبكة السلك دى بفرشة السنان ومنظف الكاربراتير كويس بس خلى بالك لاتتخرم او تبوظ فالعمل يبقى بحرص شديد.
٥- تنقع المسطرة فى بنزين وتسيبها شوية وبعدين تنضفها كويس بمنظف الكاربراتير.
ملحوظة : ابقى بص عالاورينج السفلى للرشاشات لو لقيته مقطوع او فيه شرخ او تاكل غيرهم بالمرة.
ملحوظة ثانية : غطى مكان الرشاشات باى حاجه علشان مافيش اى حاجه تقع جوه الموتور وتعمل مشكلة وكمان قبل ماتخلع المسطرة اديها تنضيفة او نفخه بالهوا فى المكان ده علشان مافيش اى وساخه تقع فى الموتور.
بعد كده تقفل كويس وتتوكل على الله وان شاء الله خير