اقتباس المشاركة الأصلية كتبت بواسطة tasaka مشاهدة المشاركة
عندى .. لغايه 150 بتحس انك مسيطر كويس اوى .. يعنى كانك ماشى دائرى ( موش سفر ) .. يعنى تهدى او تسرع او تغير حارات بسرعه عادى مفيش خوف .. يعنى راسيه اوى

بعد 165 بحس العربيه موش تمام .. يمكن الترصيص موش كويس عندى



مساعدين اللانسر ممكن يركبوا عندى ؟؟ لان واحد عفشجى مشهور قال لى كده

و هل هم زيت + غاز ؟؟ .. ام زيت بس

مساعد اللانسر بوما طرى و لا ناشف .. لان عيب الاسبرانزا ان العفشه ناشفه
أعتقد ممكن يكون ترصيص أو مقاس كاوتش متغير. ال 180 كانت على طريق اسكندرية "قبل تطويره" و ساعتها اضطريت أفرمل فجأة لحد الوقوف و كانت الإستجابة و زمن الوقوف رائعين و كانت ثابتة و متزنة في السرعة و أثناء الفرملة.

أنا مش أكيد من أمكانية تركيب مساعدين اللانسر عندك و أعتقد لو سألت حد تاني و أكد لك المعلومة تقدر تتوكل على الله و تجيبهم، هما فرقوا عندي جامد في ليونة العفشة و الدبدبة و هما أطرى طبعاً من بتوع شيري، و أعتقد لو غيرت مقصات و جلب كمان "لو تعبانين" بلانسر النتيجة هاتكون أفضل.

فيه ناس بتتغلب على مشكلة الكبالن التعبانة لاسبيرانزا اللي في السوق بتغيير الصرر و التيل و الطنابير و الشمعدانات و الكبالن ببتوع لانسر و الفرامل بتتحسن لكن الفائدة الأعظم في طول عمر الكبالن.

اعرف واحد كان معاه 516 و عمل كده و مبسوط جداً بالنتيجة.

مش متأكد هما زيت بس و لا زيت و هوا.