اقتباس المشاركة الأصلية كتبت بواسطة tasaka مشاهدة المشاركة
الوزن الكلى ملوش علاقه مباشره بالثبات .. لكن الوزن على المحور الدافع اساسى فى الثبات ( الامامى فى 516 )

الوزن الكبير فقط يعطبك افضليه فى حاله حادثه وش بوش لا قدر الله .. العربيه الاخف هى اللى حتمتص القوه الاكبر من الصدمه

ده اقتباس من رد سابق لى خاص بالثبات

على حد علمى .. الفيصل هو الميول التصميمه لمحاور تثبيت نقاط الارتكاز ( العجلات )

بمعنى ان تصميم زوايا ميول المحاور سواء الرأسيه او فى اتجاهات اخرى بالنسبه الى مركز نقاط الارتكاز ( العجلات ) هو العامل الاساسى العلمى للحصول على الثبات الفيزيائى ( بدون اجهزه الكترونيه مساعده )

و يتم تصميم العفشه و كذلك اماكن نقاط الاتصال بالعجله لتحقق تلك الزوايا التصميميه

المسافه بين المحاور الاماميه و الخلفيه ..

المسافه بين العجلات على نفس المحور بالنسبه لجسم السياره

نسبه توزيع الاوزان على المحاور ( الامامى و الخلفى ) و بالذات المحور الدافع

توزيع الوزن عند نقطه الاتصال بالارض ( الكاوتش ) .. و ايضا قطر العجله ( الكلى )

مركز الثقل المنخفض

و بالطبع العديد من الاعتبارات التصميميه الاخرى .. و ايضا وجود الاجهزه الاليكترونيه المساعده



الشركات الكبيره بتصرف كتير جدا على تطوير سبائك المعادن الخاصه بالمحرك .. و برضه الصاج لزياده المتانه و تقليل الوزن

لو كانت نسبه الوزن للقوه متساويه لعربيتين ةو الاداء مختلف .. هنا يظهر تأثير التصميم الجيد و دى عوامل كتير جدا
مثلا .. تأثير مرونه رفع لفات الموتور .. يعنى مثلا بستم عريض و مشواره صغير حيرفع لفات الموتور بمرونه اعلى من بستم نحيف و مشواره كبير

التكنولوجيات المستخدمه فى المحرك

شكل منحنى العزم \ القوه .. بحيث نقطه التقاطع تكون عند لفات منخفضه نسبيا ( الفين لفه مثلا او اقل ) و يكون عندها كميه العزم بتمثل معظم رقم العزم الاقصى .. و دى ليها علاقه مباشره مع التكنولوجيات المستخدمه فى المحرك

و الاهم .. نسب تروس الجيربوكس .. و العلاقه بين تلك النسب .. و كون النسب دى متوافقه .. و بتحافظ على ابقاء لفات الموتور عند نقطه العزم الامثل على منحنى العزم \ القوه
و ده اللى خلى نسب التروس 3 ثم 4 ثم 5 ثم 6 ثم 8 و الان عايزين يخلوه 10 .. علشان الجيربوكس يحافظ على النقل عند العزم الامثل
و دى هى برضه فكره ال cvt .. بس موش 10 نقلات بس .. ده عدد لا نهائى من النقلات
و زياده عدد النسب اصبح شيئ اساسى الان .. لتوفير الوقود .. و تقليل الانبعاثات للتوافق مع القوانين الجديده

كمان بتفرق فى التسارع بناء على كون نسب الفتيس طويله ام قصيره .. ( و ده مثال فى العربيات المانيوال القديمه نسبيا )
- يعنى مثلا فى السعوديه مسافات مفتوحه و ارض منبسطه .. و الاهم حيكون للسرعه القصوى الاعلى ( موش التسارع ) .. فتضع الشركه المصممه للسياره جيربوكس بنسب طويله للحصول على سرعه قصوى اعلى و توفير فى الوقود
- و لو مثلا لبلد جبليه .. فبيختاروا جيربوكس بنسب قصيره .. ده بيحسن التسارع ( لنفس الموتور ) و السرعه القصوى بتكون عاده اقل شويه

دى بعض الامثله الواضحه للفروقات



العفشه الناشفه ( بس فى عربيه محترمه ) .. عاده بتكون رياضيه .. يعنى استعمال عنيف .. فبيكون كل حاجه فيها اكبر و اقوى

و ممكن كمان تكون بيتصميم مختلف كمان .. و ممكن يكون فى اجزاء اضافيه متكونش موجوده فى التصميم العادى زى ابسط شيئ القضيب المقاوم للالتواء ( الانحناء ) مثلا
مش مكتوب في الكتالوج غير الوزن الأقصى اللي يتحمله الآكس الأمامي (902 كجم) و الخلفي (763 كجم).

بالنسبة للجزئية دي
"على حد علمى .. الفيصل هو الميول التصميمه لمحاور تثبيت نقاط الارتكاز ( العجلات )

بمعنى ان تصميم زوايا ميول المحاور سواء الرأسيه او فى اتجاهات اخرى بالنسبه الى مركز نقاط الارتكاز ( العجلات ) هو العامل الاساسى العلمى للحصول على الثبات الفيزيائى ( بدون اجهزه الكترونيه مساعده )"

هل فيه طريقة أعرف بيها عندي التفاصيل دي؟

بالنسبة لنسب الفتيس، هل ده معناه إن النسب عندي طويلة و عشان كده العزم مش عالي؟

أكيد العفشة في ال 516 مش رياضية، ايه بقى اللي بيخليها (سبيرانزا) محل شكوى دائمة من المستخدمين "كونها ناشفة" هل المساعدين و السوست؟