الموضوع: مطلوب نصيحة من الاستشارى بوريو

المشاركة الأصلية كتبت بواسطة ahmed_wagih

السلام عليكم
كالعادة محتاج لخبرة حضرتك لانى بثق جدا فى راى حضرتك ندخل فى الموضوع

عربيتى دايو لانوس 2008 عاملة 160 الف كيلو انا اشتريتها مستعمل وكنت بستخدم زيت موبيل 1 5w30 وبعد كدة اخر تغيير استخدمت زيت امسويل سيجنتشر 5w30 هو حاليا كمل السنة بس لسة مكملش 9 الاف كيلو

سؤالى هو
انا عارض العربية للبيع بس احتمال اسيبها كمان خمس او ست شهور بالكتير علشان ابيعها بسعر مناسب
انا حاليا مش بستخدم العربية خالص ممكن كل اسبوعين ثلاثة اخرج بيها مشوار مش بعيد وارجع اركنها تانى
حضرتك اكمل بالزيت شوية ولا انزلة (انا عاارف راى حضرتك مقدما ان الزيت طالما كمل السنة انزلة )

طيب استخدم زيت اية اقتصادى لانى مش اينفع احط زيت سنة لعدم الجدوى الاقتصادية سؤاء بالمدة او الكيلو (العربية مركونة)

ياريت حضرتك ترشح لى نوع زيت اقتصادى يكون مناسب علما بان الماتور الحمد لله كويس والزيت مش بينقص

شكرا مقدما على تعاون حضرتك

حضرتك عارف إن كتالوج اللانوس فاتح لنا استخدام لزوجات كتير.. فالموضوع مفتوح...

مبدئيا.. ممكن تستخدم أي زيت تخليقي (معتاد) بلزوجة 5W-30 أو 5W-40 أو 5W-50.. باعتبار إنك هتدي المشتري عربية بتستخدم زيوت تخليقية لحد آخر لحظة..

حضرتك عارف إن سلسلة آمسويل سجنتشر فقط هي اللي عمرها سنة في السوق المصري... غير كده كله ٦ شهور بس.. لإنهم زيوت تخليقية من أساس معدني.. على عكس السجنتشر اللي يعتبر شبه الوحيد اللي مؤكد إنه من أساس غير معدني.

تقدر تستخدم زيت موبل١ x1 بلزوجة 5W-30 أو موبل١ fs بنفس اللزوجة.. وبردو موبل fs x1 بلزوجة 5W-40 و 5W-50...
ده من عند موبل..
ممكن تستخدم نفس اللزوجات من عند شل...

ولو حابب توفر في المصاريف... ممكن تروح على زيت التعاون extra1 بلزوجة 5W-40.. أتوقع سعره قريب من سعر كاسترول ماجناتك...

أما لو حابب توفر خالص... استخدم زيوت معدنية بشرط ما يقلش مستواها عن API SH... يعني SJ و SL و SM.. كل دول شغالين... وأنصحك بزيوت التعاون.. ما يغركش الماركات العالمية قوي.


...

المشاركة الأصلية كتبت بواسطة ahmed_wagih

انا فكرت وقررت اكمل على استخدام زيت تخليقى موبيل1 واحافظ على العربية محدش يعرف بكرة فيه اية يمكن مبعهاش مين يعلم المهم
العربية عاملة 160 الف كيلو موديل 2008 دايو لانوس استخدامى للعربية مرة او مرتين بالكتير فى الشهر استخدم زيت لذوجة كام

5W30 ولا 5w50
حضرتك تنصحنى ب اية انا افضل علشان الشتاء استخدم زيت خفيف بس بردة مستنى رايك

معلش تعبينك معانا

زي ما قلت لحضرتك.. اختيار اللزوجة بيبقى أساسا بناء على أسلوب استخدامك للعربية مع مراعاة الزيت المتاح قدامك..

ما دام استخدامك للعربية مفيهوش تحميل على الموتور يبقى خليك في اللزوجة الخفيفة.. هتوفر في استهلاك البنزين وهتاخد أداء أفضل..

المشاركة الأصلية كتبت بواسطة ahmed_wagih

متشكر للرد حضرتك بس عندى سؤال هو موبيل عنده زيت بلذوجة 5w40
اللى اعرفة ان عندهم لذوجة 0w40
برجاء تاكيد المعلومة

عندهم زيت 5W-40 نزل من كام شهر.. وأنا مسكت العلبة بإيدي لما كنت في مصر في الصيف..

ادخل هنا علشان تعرف أكتر عن مواصفات الزيت ده..
Mobil 1™ FS x1 5W-40



...

المشاركة الأصلية كتبت بواسطة borio1704

موضوع زيادة اللزوجة مع تقدم عمر الموتور عبارة عن أسطورة غلط وتفسير خاطئ تماما لحاجة مقصود بيها حاجة تانية تماما...

الموضوع ده فيه تفاصيل أكبر عن الحكاية دي...

أسطورة الـ100 ألف كيلومتر... هل لها أصل؟؟؟

وفعليا... العربيات القديمة بيستخدمولها زيوت خاصة اسمها high milage... ودي ما تفرقش أي حاجة عن الزيوت العادية إلا في حاجة واحدة بس.. إن عليها إضافات خاصة لترطيب الأويلسيلات والأجزاء المطاطية.. علشان ما تشققش والزيت يتسرب من الجوانات دي... زي جلد الصبابات مثلا...

بس للأسف... الزيوت دي مش موجودة في مصر ولا الشرق الأوسط نهائي... وحتى الزيت الوحيد اللي كان قريب شوية من الموضوع ده كان اسمه Peak life عند موبل١.. وكانت لزوجته 5W-50... لكن موبل١ غيرت مجموعة الزيوت بتاعتها في مصر بالكامل خلال السنتين اللي فاتوا وشالوا الزيت ده من عندهم..

وبفرض إننا هنزود اللزوجة... فالصح هو زيادة اللزوجة الباردة (الرقم قبل الـW) بمستوى 5 زيادة فقط...

يعني مثلا لو كنا بنستخدم زيت 5W-40 فنزود اللزوجة وتبقى 10W-40...

إنما اللعب في اللزوجة العالية خطأ كبير.. وزيادة أو نقص اللزوجة العالية له قواعد

والصح هو استخدام زيت بمواصفات الكتالوج وباللزوجة الموصى بها في الكتالوج... سواء العربية زيرو أو ماشية مليون كيلومتر...

أرجو إنك تاخد فكرة أكبر عن موضوع اللزوجة ده من الموضوع ده...
إزاي تختار لزوجة زيت الموتور المناسبة لعربيتك؟؟؟


...

زيت شل HX7 لزوجته 10w40 وهو الزيت المناسب للاستخدام بعد ال 5w30 أو 5w40 على اعتبار ان محركه عامل كيلو متر كبير وابتدى يقل الزيت فبينتقل للزوجة الأعلى وهي 10w40
لو الزيت مش بيقل يبقى مش محتاج يغير اللزوجة.
لكن هو طالب زيت ارخص يبيع به السيارة لعدم استخدامه لها بشكل كبير والمشتري الجديد يغير يتعامل من بعده.