الموضوع: قنبلة 2009 بالصور وكل التفاصيل: الإيرانية سايبا برايد تخترق الاجواء المصرية !!

المشاركة الأصلية كتبت بواسطة mo7a_mo7a

استاذ مصطفي اسف لوكنت زعلتك بكلمة اعلاني
بسده رايي واللي حسيته فعلا من المدح في السيارة وتاريخها ووكيلها وسمعته ...الخ
ولا اقصد علي الاطلاق المساس بشخصك الكريم وانما هو وصف لا اكثر لنوعية الصياغة التي كتب بها الموضوع

ارجوا الا اكون سببت لك اي ضيق وفي انتظار تفاعلك معنا بكل حماس

يا صديقى العزيز

القصة مش انى زعلان ..

انا مش زعلان ولا حاجة والموضوع لا يحتمل زعل

انا بس غرضى ان الناس تبقى فاهمة صح ..

احنا اللى بنعمله ان احنا بنلقى نظرة على حدث معين في سوق السيارات ..

انا هأسال شوية أسئلة ..

- هل السيارة كيا برايد سيارة ناجحة في مصر ؟

الاجابة طبعا لانها نزلت منذ سنوات وحققت مبيعات لكيا موتورز لم تحققها في مصر طوال تاريخها .. ورغم كل المشاكل اللى احاطت بعدم وجود وكيل لكيا اساسا في مصر لفترة طويلة .. الا ان السيارة اثبتت اعتمادية عالية جداا .. و فضلت ماسكة نفسها في السوق و واسعارها ماسكة نفسها جدا في سوق المستعمل .. اضف الى ذلك ان العربية واسمحولى أفاجئكم انها اثبتت بين سيارات فئتها معدلات امان عالية جدااا رغم صغر حجمها وعدم وجود وسائد هوائية و حاجات زى كده

انا شفت انقلاب كيا برايد مرتين قدام عيونى منهم سيارة واحد صديق ممكن نجيبهولكم هنا .. والحمد لله كتب النجاة لمن هم داخل السيارة وبدون اصابات كبيرة .. طبعا ستر المولى سبحانه وتعالى في المقام الاول .. ولكن قدام عينيا وعن تجربة اقدر اقول ان صاج العربية الكيا برايد ممتاز جدا بالنسبة لعربيات كتير في فئتها .. الكلام ده بالنسبة للعربية الكورى .

نيجى للسيارة الايرانية الجديدة .. انا ما اعرفش اى تفاصيل عن مدى جودة السيارة حتى الان من عدمه علشان اتحيزلها او اعملها اعلانات .. السيارة دى مازالت مجهولة بالنسبة لى زى ما هى مجهولة بالنسبة لكم بالضبط .. ما اقدرش اقول انها كويسة او لا .. ما .. اقدرش اقول انها هتنجح ولا لا .. انا فاتح الموضوع وناقلكم التفاصيل علشان نتناقش في الكلام ده .. مش عامل اعلان ولا حاجة

انا شخصيا توقعى للسيارة لا يصل لدرجة النجاح الخارق .. انا متوقع نجاح متوسط لاسباب معينة

انا على دراية بطبيعة القاعدة الاساسية من المستهلكين المصريين .. اللى انا باعتبر ان احنا في نايل موتورز الكريمة بتاعتهم ..

لكن عقلية السوق المصرى الحقيقية مختلفة بشكل طفيف عنا .. احنا هنا اغلبنا متفتحتين على العالم الخارجى عندنا رغبات وامال كثيرة جدا في التغيير والتطور .. لكن السوق الخارجى يبحث عن ارخص وسيلة يعتمد عليها تمشى على اربع عجلات وتكييف وما تعطلش بيه على كوبرى اكتوبر ..

واعتقد ان وكيل العربية ومستوردها بيراهن على الجماعة دول ..


انا كمان من واقع متابعتى للسوق الايرانى القريب جدا من سوق مصر .. وشوارعهم كمان قريبة من شوارعنا

انا لاحظت ان العربية عملت هناك نجاح خارق في وقت قياسى وسالت بعض الاصدقاء في ايران فاعطونى اراء مشجعة جدا بخصوص السيارة الجديدة .

---------------------

اما عن سبب التغطية اللى ممكن تكون الناس شايفاها مبالغ فيها .. يا جماعة لان ده حدث يعتبر مهم فعلا

عربية حققت مبيعات تقترب من 100 الف سيارة في مصر ..

نزل منها زيرو تانى للسوق وباسعار تعتبر منافسة وان كنت انا شخصيا شايفة غالية شوية قياسا للقيمة الحقيقية اللى المفروض تبقى فيها ..

اعتقد ان ده يعتبر فعلا حدث مهم للسوق ؟؟

دمتم بود :k8:

وخالص محبتى

المشاركة الأصلية كتبت بواسطة mo7a_mo7a

اولا الرهان علي ان المشتري المصري منتظر سيارة تحل محل 128 ده اعتقاد خاطء وفات وقته
ده كان ممكن في عصر المنافسة فيه بين 4 او 5 موديلات او 10 بالكتير بالمستورد
انما دلوقتي اللي فيه الموديل الواحد بينزل منه 4 او 5 فئات يبقي صعب جدا جدا

البرايد الايراني حيكون مصيرها زي البيجو الايراني والسبب بسيط
تصميم قديم
صناعة عادية بلا اي مميزات
قطع غيار اغلي من المتوقع
توكيل عادي لن يهتم بالعميل وزي ما ذكر في راس الموضو (الاعلاني) ان الخطة 37 الف سيارة لمصر في 5 سنوات يعني يبقي كتر خير التوكيل لو فكر يعمل مركز صيانة واحد
دا بالاضافة الي ان سيارة زي دي حتخش مقارنة في فئة سعرية مع سيارات بتصميمات احدث وربما جودة اعلي وقطع غيار ارخص زي الاسبرانزا مثلا او اللادا اللي المصريين حفظوها
اما بالنسبة للتاكسي فكل شئ مترتب ووزارة التجارة حتمول المشروع هي ووزارة البيئة بقرض 3 مليار دولار بالاضافة لمساهمة 6 بنوك وحيختارو 3 ماركات (يعني الموضوع خلص) وبالتاكيد حيكونو فيرنا علشان خاطر غبور وافيو علشان عيون منصور والثالثة مش حتفرق لان مهما كانت (نيسان - شاهين - ... الخ) المشتري مش حيخرج عن الاتنين الاولانيين وكل العربيات حتكون (((غاااااااااااز))) وده اجباري وحتنزل مرشوشة ابيض واسود جاهزة
فكل الحكاية ان العربيات اللي حتيجي طبعا حتتباع لاننا شعب طيب حتي ولو ب 100 الف مش 54 بس لكن النجاح كمغذي معتقدش

شكرا لتعليقك و اهتمامك

بالنسبة لوجهة نظرك

انا متفق معك تماما بالنسبة لوجهة نظرك بخصوص تورتة التاكسى التى سيتم اقتسامها .. ما بين منصور وغبور واعتقد بالفعل ان البرايد لن يكون لها مكان وسط الغيلان .. كمان انا شايف ان مصانع منصور اولى بموضوع التاكسى ده .. على اساس ان جحا اولى بلحم طوره .. واعتقد ان شيفرولية لانوس و شيفرولية أفيو وهيونداى فيرنا وفيفا سياخذوا طريقهم سريعا في موضوع التاكسى ده قريبا .

اما بالنسبة لموضوع نفسية المستخدم المصرى في سوق السيارات ..

انا عايزك تراجع استفتاءات سابقة تمت في موضوع سابق ليا .. عن شيفرولية لانوس

المستخدم المصرى يا عزيزى تقليدى للغاية ..

بيحب يلعب على المضمون وليس لديه اى رغبة في التغيير الا في حالة الضرورة القصوى

احنا شعب عشرى بمعنى الكلمة ..

تقدر تقول اننا حافظين مش فاهمين ..

فنقطة المنافسة دى ووجود موديلات مغايرة كتيييير

ده مش هيفرق معانا كتير كمصريين برضه هيقولك اللى نعرفه احسن من اللى ما نعرفوش ..

ولما تبقى الاختيارات ألتو وبرايد و كام عربية صينى تااانى

هتلاقى في الغالب عيونهم رايحة على البرايد غالبا

الا لو ظهر منافس قوى يغير الموازين ..

كمان في نقطة تانية ممكن تفرق

دى مش كيا برايد الكورى بتاعة زمان

لا دى سايبا برايد ممكن كفاءتها ما تكونش زى الكورى

زى الفرق بين بيجو 405 الناجحة جدا في مصر ومثيلتها الايرانية اللى فشلت فشلا ذريعا .

ودى نقطة اعتقد ان الموزع هيتعب جدا علشان بثبت للناس ان الايرانى زى الكورى اللى هما عارفينها

المشاركة الأصلية كتبت بواسطة Ahmed Hamdy

أنا بصراحة رأيى ان العربية دى حتعتبر اختيار كويس جدا فى هذه الفئة السعرية .. بغض النظر عن ارتفاع سعرها ولكنه نفس الاعتراض الذى يسرى على كل السيارات أصلا فى السوق المصرى .. لكن سعرها يعتبر كويس جدا بالنسبة لأسعار السوق .. لان ايه الاختيارات المتاحة فى الفئة دى ؟؟
1- لادا: عربية خشنة ومش كل الناس بتتقبل شكلها.
2- سوزوكى ألتو: 800 سى سى وصغيرة والـ 1100 منها بقت بستين ألف.
3- شيفروليه سبارك: صغيرة جدا وقطع غيارها غالية.
4- برودوا كليسا: سيارة جيدة جدا لكن برضه صغيرة وغير منتشرة و1000 سى سى.
5- سبيرانزا 113: حلوة بس برضه هاتشباك وشنطتها صغيرة ومازال هناك ناس لا تثق فى الصناعة الصينية ومتخوفة منها.
6- اسبيرانزا 213: شكلها غبى جدا ولذلك لم تنتشر وتحقق مبيعات مثل أختها الصغيرة.
7- سيارات أخرى صينية لم تصنع سمعة جيدة مثل شيرى qq وجيلى.

وفى نفس الوقت العربية دى عربية مميزاتها ايه ؟؟
1- حجمها معقول وفيها شنطة معقولة (أنا بتكلم عن السيدان) يعنى عربية تنفع عائلية لان العربيات الهاتشباك الناس مش بتحبها لعيلة لعدم وجود شنطة.
2- فيها الكماليات الأساسية تكييف وباور وسنتر.
3- تكنولوجيا سهلة وممكن أى حد يشتغل فيها مش شرط التوكيل وأكيد حتكون قطع غيارها هى هى الكيا القديمة يعنى منتشرة وأسعارها كويسة.

يعنى اللى عايز عربية معقولة من ناحية الحجم والاقتصادية والراحة وبسعر معقول بالنسبة للسوق حيلاقى العربية دى أحسن اختيار.

وبالنسبة لموضوع الشكل قديم وتكنولوجيا قديمة والكلام ده لا ينطبق على سوقنا المصرى الذى تسرى عليه حسابات أخرى وإلا ما كانت سيارات مثل اللادا والشاهين و128 تنتج وتباع حتى وقتنا هذا .. لان المستهلك المصرى خاصة من أبناء الطبقة المتوسطة اللى يادوب قدر يجيب تمن عربية مش عايز عربية تكلفه كتير مصاريف صيانة وقطع غيار وتوكيل .. لذلك معظم الناس يفضلون السيارات التى يفهم فيها أى حد ولا تحتاج إلى التوكيل وقطع غيارها متوفرة فى المحلات وأسعارها معقولة .. وهذا المنطق هو الذى جعل هذه السيارات فى سوق المستعمل أسعارها غالية ولا تقل كثيرا عن الجديدة وسيارات أخرى أفضل بكثير مثل الرينو والسيتروين والألمانى أسعارها تقل كثيرا بسبب سمعة ان قطع غيارها غالية وهذا الكلام .. أنا لا أدافع عن هذا المنطق بالمناسبة ولكنى ألقى الضوء عليه فقط ..

لذلك أعتقد أن العربية دى حتنجح .. مش شرط يكون نجاح طاغى ولكن على الأقل نجاح جيد خاصة إذا كان الوكيل جيد وركز معاها ..

+111111111

المشاركة الأصلية كتبت بواسطة Ahmed Hamdy

أنا بصراحة رأيى ان العربية دى حتعتبر اختيار كويس جدا فى هذه الفئة السعرية .. بغض النظر عن ارتفاع سعرها ولكنه نفس الاعتراض الذى يسرى على كل السيارات أصلا فى السوق المصرى .. لكن سعرها يعتبر كويس جدا بالنسبة لأسعار السوق .. لان ايه الاختيارات المتاحة فى الفئة دى ؟؟
1- لادا: عربية خشنة ومش كل الناس بتتقبل شكلها.
2- سوزوكى ألتو: 800 سى سى وصغيرة والـ 1100 منها بقت بستين ألف.
3- شيفروليه سبارك: صغيرة جدا وقطع غيارها غالية.
4- برودوا كليسا: سيارة جيدة جدا لكن برضه صغيرة وغير منتشرة و1000 سى سى.
5- سبيرانزا 113: حلوة بس برضه هاتشباك وشنطتها صغيرة ومازال هناك ناس لا تثق فى الصناعة الصينية ومتخوفة منها.
6- اسبيرانزا 213: شكلها غبى جدا ولذلك لم تنتشر وتحقق مبيعات مثل أختها الصغيرة.
7- سيارات أخرى صينية لم تصنع سمعة جيدة مثل شيرى qq وجيلى.

وفى نفس الوقت العربية دى عربية مميزاتها ايه ؟؟
1- حجمها معقول وفيها شنطة معقولة (أنا بتكلم عن السيدان) يعنى عربية تنفع عائلية لان العربيات الهاتشباك الناس مش بتحبها لعيلة لعدم وجود شنطة.
2- فيها الكماليات الأساسية تكييف وباور وسنتر.
3- تكنولوجيا سهلة وممكن أى حد يشتغل فيها مش شرط التوكيل وأكيد حتكون قطع غيارها هى هى الكيا القديمة يعنى منتشرة وأسعارها كويسة.

يعنى اللى عايز عربية معقولة من ناحية الحجم والاقتصادية والراحة وبسعر معقول بالنسبة للسوق حيلاقى العربية دى أحسن اختيار.

وبالنسبة لموضوع الشكل قديم وتكنولوجيا قديمة والكلام ده لا ينطبق على سوقنا المصرى الذى تسرى عليه حسابات أخرى وإلا ما كانت سيارات مثل اللادا والشاهين و128 تنتج وتباع حتى وقتنا هذا .. لان المستهلك المصرى خاصة من أبناء الطبقة المتوسطة اللى يادوب قدر يجيب تمن عربية مش عايز عربية تكلفه كتير مصاريف صيانة وقطع غيار وتوكيل .. لذلك معظم الناس يفضلون السيارات التى يفهم فيها أى حد ولا تحتاج إلى التوكيل وقطع غيارها متوفرة فى المحلات وأسعارها معقولة .. وهذا المنطق هو الذى جعل هذه السيارات فى سوق المستعمل أسعارها غالية ولا تقل كثيرا عن الجديدة وسيارات أخرى أفضل بكثير مثل الرينو والسيتروين والألمانى أسعارها تقل كثيرا بسبب سمعة ان قطع غيارها غالية وهذا الكلام .. أنا لا أدافع عن هذا المنطق بالمناسبة ولكنى ألقى الضوء عليه فقط ..

لذلك أعتقد أن العربية دى حتنجح .. مش شرط يكون نجاح طاغى ولكن على الأقل نجاح جيد خاصة إذا كان الوكيل جيد وركز معاها ..

الله يفتح عليك

خلصت كل الكلام يا عمى

+100000000000000000