الموضوع: هل حقا أن مصر خاضت ثلاثة حروب "من أجل " فلسطين ؟؟

المقال بصراحة جريييييييييييييييييء جداً
وجرأته في سطحيته وتسطيحه للأمور !!
اللي كتب المقالة بمنتهى الجرأة والوش المكشوف سطح حروب مصر وخلاها تافهة من الأسباب للنتائج باجتزاء سطر من كل كتاب تاريخ وكلامه لا يزيد كثيراً في القيمة أو المحتوى عن كلام المناضل الثوري "عبده بطيخة".

فعلا مصر لم تحارب من اجل فلسطين و لا حتى 1948
مصر حاربت علشان هما كانوا عارفين أن اليهود هايكونوا شوكة في ظهر الدولة المصرية
نسيت أقول أن الملك فاروق كان نفسه يعمل خلافة اسلامية و يكون مقرها القاهرة و يكون هو الخليفة الموحد للمسلمين
و ده سبب من الأسباب
مصر حاربت بقية الحروب علشان خاطر مصر و تحرير مصر
و في عام 1973 ......... مين قال أن احنا حاربنا لوحدينا
كان فيه متطوعين من المغرب و الجزائر و كتيبة فلسطينية صغيرة
و كمان و الأهم
مساعدة العرب لينا بوقف امداد اوروبا بالبترول و هو ما ساعد على ضغط امريكا على اسرائيل علشان توقف الحرب

يا ناس فوقوا بقى .............. الاعلام بقالوا سنين عمال يقول
مصر عملت مش عارف ايه للعرب ......... مصر سوت .......... مصر هببت
يا جدعان أنتوا نسيتوا أحنا لو عايزين نبقى كبار ............ و أحنا فعلا كبار .......... منزلش حد بالجمايل اللي أنت عملتها ده لو أنت عملتها
الشيخ زايد الله يرحمه أتبرع بفلوس كتير لمصر ....... ليه محدش بيجيب سيرة الموضوع ده
الملك فيصل الله يرحمه نفس القصيدة

صحيح أحنا ساعدنا العرب كتير ........... بس هما كمان ساعدونا
لو عايزين نتحد ...... لو عايزين يبقى لينا كلمة مسموعة
لازم ننسى مصر و ننسى القومية المحلية
لازم تفتكر ......... أن العدو قاعد مستني برة ........... علشان يفرقنا أولا و بعدين يعمل اللي هو عايزة
و ده للآسف اللي حاصل دلوقتي
خلاص
كل مواطن فاكر أن بلده هي يا ما هنا و ياما هناك
و أحنا كلنا .......... شعوب خيبانة ........ شم عارفين نتحد على رأي ......... يبقى هانتحد على دولة ؟؟؟

يا جدعان ده كفاية العصبية لكل محافظة
اللي من الإسماعيلية و بورسعيد و القاهرة و اسكندرية أو اي محافظة
ممكن يتخانقوا مع بعض لمجرد تشجيع فريق كرة
أو حتى المنافسة في تظبيط عربيات


مين بقى اللي تافه ؟؟؟؟؟؟؟؟؟؟؟؟؟
المقال ........................ و لا الشعب ؟؟؟؟؟؟؟؟؟؟؟؟؟؟؟؟

يا توت يا أخي العزيز اتفق في كل ما قلت ولكن المقال سطحي بشكل بشع، فلا هو تأريخ ولا يصلح حتى كخبر ، لما يصل الحال لأن يقول الكاتب إن حرب 67 كانت بسبب رفع أعلام إسرائيل في مضيق العقبة يبقى تسفيه لأسباب الحرب، مع أن التاريخ يقول أن هدف عبد الناصر كان مساعدة سوريا لأن الاتحاد السوفييتي وقتها أمد سوريا بصور لحشود إسرائيلية على الحدود واستعدادها للحرب (يعني الموضوع مش مجرد أعلام سفن إسرائيل في خليج العقبة)
وحرب 56 تم تسفيه أسبابها
وحرب 73 سفه نتائجها

معاك في أن نتعاون ولا نمُن بما ضحينا به لأجل العرب، وكمان معاك ومع كاتب المقال إن معظم الحروب كانت من أجل الأمن القومي المصري، ولكن لا أقبل أن نفرط في تاريخنا ونضالنا الوطني بالتسفيه.

طب بذمتك كدة -بما لك من رجاحة عقل وعقلية غلمية ومنهجية- المقال ده ينفع حتى في مجلة حائط؟

للأسف هذا الموضوع صادم الى اقصى حد, و يبين ما وصل اليه الحال فى مصر,
حتى انجازات مصر بقينا بنتريق عليها, و نسفه منها, و ننسبها الى غيرنا.
حروبنا التى خضناها من اجل فلسطين جاء من يقول انها حروب تافهة خضناها لمصالح خاصة ضيقة, منتهى الاستهتار بمن استشهد فى هذه الحروب, و من عانى من ويلاتها,
حتى الاهرامات نرى من المصريين الأن من يقول بأننا لم نبنها,
أعتقد اننا شعب يكره نفسه و يكره بلده, و هذه حالة نفسية يجب أن تعالج,
البعض يرى مصر و كأنها مجرد ولاية تابعة لخلافة ما لا نعرف حتى الأن هى اين, فى طهران ربما, أو فى السعودية.
و البعض يراها ولاية عربية لا تستحق أن تعيش بدون العرب, و يتمادى فى ذلك حتى يتخيل أن العرب أهم من نفسه و من بلده, و يبرر ذلك بأوهام الوحدة و الاتحاد و غير ذلك.
و لم يشرح أحد لماذا الوحدة, هل الوحدة من أجل الوحدة فقط؟ أم ان هذه الوحدة يجب أن تبنى على أسس سياسية و اقتصادية متينة و مع بلدان تكمل بعضها البعض اقتصاديا و الا ما الفائدة منها؟؟
انا لم اذهب يوما الى سوريا و لا قطر و لا اعرف عن هذه البلدان شيئا, لذا فان ما يحدث فيها لا يهمنى من بعيد و من قريب, و لن أفتعل هذا الاهتمام,
مصر بلدى أولى بالاهتمام و الحب و التضحية, و القومية المصرية ليست محل جدال, مصر دولة قبل العرب جميعا, و القومية المصرية هى الأصل و الانتماء, و حب مصر أولا و قبل أى شىء.

المشاركة الأصلية كتبت بواسطة TaoTao

يا توت يا أخي العزيز اتفق في كل ما قلت ولكن المقال سطحي بشكل بشع، فلا هو تأريخ ولا يصلح حتى كخبر ، لما يصل الحال لأن يقول الكاتب إن حرب 67 كانت بسبب رفع أعلام إسرائيل في مضيق العقبة يبقى تسفيه لأسباب الحرب، مع أن التاريخ يقول أن هدف عبد الناصر كان مساعدة سوريا لأن الاتحاد السوفييتي وقتها أمد سوريا بصور لحشود إسرائيلية على الحدود واستعدادها للحرب (يعني الموضوع مش مجرد أعلام سفن إسرائيل في خليج العقبة)
وحرب 56 تم تسفيه أسبابها
وحرب 73 سفه نتائجها

معاك في أن نتعاون ولا نمُن بما ضحينا به لأجل العرب، وكمان معاك ومع كاتب المقال إن معظم الحروب كانت من أجل الأمن القومي المصري، ولكن لا أقبل أن نفرط في تاريخنا ونضالنا الوطني بالتسفيه.

طب بذمتك كدة -بما لك من رجاحة عقل وعقلية غلمية ومنهجية- المقال ده ينفع حتى في مجلة حائط؟

السلام عليكم و رحمة الله و بركاته
بُص يا أخي الكريم
المشكلة الأساسية إن أحنا و العرب بنبص لبعض بصة مش كويسة
أحنا عاملين فيها الفراعنة اللي مفيش مننا
( مع فخري بكل ما حققته مصر ) و لكن دون تسفيه من الأخرين
و العرب بيسمعوا مننا الكلام ده و طبعا لازم يتخنقوا مننا
ما أنت لما أخوك كل شوية يقولك أنا كذا و سويت كذا و أنت مش عارف مالك
ما أنت هاتضايق مته و تبقى مش طايقه !!!
خصوصا لما تكون فنجرة بُق ( فم ) صح ولا أيه !!

طيب أحنا بنسمع كلام كتير عن أننا متقدمين و عندنا صناعة و مش عارف أيه ؟؟؟
طيب هي فين الصناعة دي ؟؟؟؟؟؟؟ و فين الأبحاث العلمية دي ؟؟؟
أنزل شوف أبو ظبي و دبي و الرياض و النظام اللي فيهم عامل ازاي
طبعا حاجة تفرح و تشرف أي عربي ( يتحدث العربية )

أنزل بقى القاهرة ........ مفيش داعي للوصف أكيد حضرتك عارف

نرجع للموضوع السياسي
زمان مكنش فيه حاجة أسمها دول ........ كنا جميعا كيانات كبيرة نجتمع تحت مظلة واحدة
أما الان الخليج وحده أصبح 6 دول .... مش طايقين بعض
و الشام تم تقسيمه .... أصبح عراق و أردن ( مكنش فيه حاجة أسمها أردن ) و بعدين لبنان فصلوها عن دمشق ( مكنش فيه حاجة أسمها لبنان ) و فلسطين سرقوها لليهود !!!
نيجي دلوقتي
الأمريكان
بيضربوا العراق ........ و أحنا خرس عُمي مش قادرين نقول كلمة
ضربوا أفغانستان ,,,,,,,,, برضه خرس عمي
ضربوا فلسطين و مازالو يضربون فيها ............ و برضه خرس و عمي

اللي غايظني
أن أحنا بدل ما نقف جنب بعض ....... قاعدين نخانق في بعض و نشوف مين اللي غلطان و نشوف مين أعطى أيه لمين ؟؟؟
طيب ليه العرب ماقلوش أن جمال عبد الناصر هو السبب في الحرب بتاعة 67 ....... و مع ذلك وقف أغلبهم مع السادات في 73
يجب ان نبحث عن ما يوحدنا ....... و نبغض ما يفرقنا
و لك تحياتي يا أخي الكريم

المشاركة الأصلية كتبت بواسطة فادى

للأسف هذا الموضوع صادم الى اقصى حد, و يبين ما وصل اليه الحال فى مصر,
حتى انجازات مصر بقينا بنتريق عليها, و نسفه منها, و ننسبها الى غيرنا.
حروبنا التى خضناها من اجل فلسطين جاء من يقول انها حروب تافهة خضناها لمصالح خاصة ضيقة, منتهى الاستهتار بمن استشهد فى هذه الحروب, و من عانى من ويلاتها,
حتى الاهرامات نرى من المصريين الأن من يقول بأننا لم نبنها,
أعتقد اننا شعب يكره نفسه و يكره بلده, و هذه حالة نفسية يجب أن تعالج,
البعض يرى مصر و كأنها مجرد ولاية تابعة لخلافة ما لا نعرف حتى الأن هى اين, فى طهران ربما, أو فى السعودية.
و البعض يراها ولاية عربية لا تستحق أن تعيش بدون العرب, و يتمادى فى ذلك حتى يتخيل أن العرب أهم من نفسه و من بلده, و يبرر ذلك بأوهام الوحدة و الاتحاد و غير ذلك.
و لم يشرح أحد لماذا الوحدة, هل الوحدة من أجل الوحدة فقط؟ أم ان هذه الوحدة يجب أن تبنى على أسس سياسية و اقتصادية متينة و مع بلدان تكمل بعضها البعض اقتصاديا و الا ما الفائدة منها؟؟
انا لم اذهب يوما الى سوريا و لا قطر و لا اعرف عن هذه البلدان شيئا, لذا فان ما يحدث فيها لا يهمنى من بعيد و من قريب, و لن أفتعل هذا الاهتمام,
مصر بلدى أولى بالاهتمام و الحب و التضحية, و القومية المصرية ليست محل جدال, مصر دولة قبل العرب جميعا, و القومية المصرية هى الأصل و الانتماء, و حب مصر أولا و قبل أى شىء.

يا باشمهندس فادي مين بس اللي قلل من مصر
هو علشان نبقى كبار
نقعد نذل في الخلق ........مش الأيام دوال بين الناس كما يقول المولى عز و جل
يعني يوم لك و يوم عليك

و بعدين كلمة مصر أولا و أخير دي هي نتيجة القومية اللي زرعها المحتل الأجنبي
مصر ليست قبل كل شئ ........ الإسلام قبل كل شئ

و كما قال الرسول الكريم في حديث ( معنى الحديث )
أن المسلمين كالجسد الواحد ......إذا أشتكى منه عضو ....تداعى إليه سائر الأعضاء
بصراحة مش فاكر الحديث
بس معناه
أن المسلم يجب أن يشعر بما يشعر به أخاه
و بعدين من الناحية الانسانية ( أنسى الدين خالص )
غزة جيران مصر ........ و لنفرض أنهم مش مسلمين و مش عرب أساسا
و لكن المذابح شغاله فيهم ......... هاتعمل أيه ؟؟؟؟

مصر ليست فوق الجميع ........
أمن مصر ......... من أمن دول الجوار
فإاذ كان هناك عدم إستقرار في الجوار ........... فإن أمن مصر مهدد
أرجوا أن حضرتك تفهم قصدي

يا باشمهندس فادي مين بس اللي قلل من مصر
هو علشان نبقى كبار
نقعد نذل في الخلق ........مش الأيام دوال بين الناس كما يقول المولى عز و جل
يعني يوم لك و يوم عليك

و بعدين كلمة مصر أولا و أخير دي هي نتيجة القومية اللي زرعها المحتل الأجنبي
مصر ليست قبل كل شئ ........ الإسلام قبل كل شئ

و كما قال الرسول الكريم في حديث ( معنى الحديث )
أن المسلمين كالجسد الواحد ......إذا أشتكى منه عضو ....تداعى إليه سائر الأعضاء
بصراحة مش فاكر الحديث
بس معناه
أن المسلم يجب أن يشعر بما يشعر به أخاه
و بعدين من الناحية الانسانية ( أنسى الدين خالص )
غزة جيران مصر ........ و لنفرض أنهم مش مسلمين و مش عرب أساسا
و لكن المذابح شغاله فيهم ......... هاتعمل أيه ؟؟؟؟

مصر ليست فوق الجميع ........
أمن مصر ......... من أمن دول الجوار
فإاذ كان هناك عدم إستقرار في الجوار ........... فإن أمن مصر مهدد
أرجوا أن حضرتك تفهم قصدي

يا أستاذ توت حضرتك قلت كام حاجة كده كارثة لوحدهم.
أولا "كلمة مصر زرعها المحتل الأجنبى"!!!
الكلام ده ينطبق على دول مثل الأردن أو لبنان, انما مصر لا, مصر موجودة قبل الاحتلال الأجنبى, مصر دولة عمرها 7 الاف سنة و طول عمرها مصر, مصر لم يصنعها أى مستعمر, مصر موجودة قبل العرب جميعا, أنت عربى لأنك تتكلم اللغة العربية فقط, هذا هو معنى كلمة "عربى", و كونك عربى لا تتعارض ابدا مع كونك تنتمى للقومية المصرية.
القومية العربية هى التى صنعها الاحتلال الانجليزى و الفرنسى, و لعلك تعرف أن التوجه القومى العربى الذى ظهر أساسا كثورة على السلطة العثمانية (كاتجاه علمانى بديل للخلافة العثمانية), دعمه الانجليز و الفرنسيون فى الحرب العالمية الأولى كتوجه مضاد للعثمانيين أعدائهم فى الحرب, اما منبعه فهو مسيحى الشام الذين ابتدعوا قومية اللغة على اسس علمانية اشتراكية (كما قال ميشيل عفلق : وحدة عربية على اسس علمانية اشتراكية), و بين هذا و ذاك, ظهر أشخاص رائعون مثل طه حسين و أحمد لطفى السيد و سلامة موسى ليعيدوا القومية المصرية الى الظهور مرة أخرى و كل هؤلاء كانوا يناضلون ضد الاحتلال و خاصة الدكتور احمد لطفى السيد.
لقراءة المزيد عن أصل فكرة القومية العربية اليك المقالة التالية من ويكيبديا :
http://ar.wikipedia.org/wiki/%D9%82%...A8%D9%8A%D8%A9

نيجى بقى للكارثة الثانية :
"مصر ليست قبل كل شئ ........ الإسلام قبل كل شئ"

يا سيدى معترضناش, بس ايه علاقة ده بمصر؟!
الاسلام يا أستاذ توت دين عالمى, بمعنى انه ممكن تكون مسلم و مصرى فى الوقت نفسه ديه حاجة و ديه حاجة, الاسلام دين يحدد علاقتك بربك, و مصر هى وطنك و قوميتك و انتمائك و أهلك.
الاسلام و المسيحية اديان عالمية لكل القوميات, ليست مثل اليهودية مثلا فاليهودية دين و قومية فى الوقت نفسه, أما الاسلام و المسيحية فهم أديان عالمية جاءت للبشر أجمعين.
القومية المصرية و الدين الاسلامى أو الدين المسيحى ليسوا فى محل مقارنة, فنقول الاسلام قبل مصر, أو المسيحية قبل مصر, هذا قول يحمل الكثير من المغالطات, فمصر وطن ليست دينا, و الاسلام دين و ليس وطن, و المسيحية دين و ليست وطن.
اذن مصر قبل كل شىء كانتماء قومى, و الاسلام قبل كل شىء كعقيدة و ايمان للمسلم, و المسيحية قبل كل شىء كايمان و عقيدة للمسيحى.
عشان كده مينفعش نقول الاسلام قبل مصر, أو مصر قبل الاسلام, لأن ابسط قواعد المقارنة بتقول انك تقارن بين حاجتين لهما نفس الطبيعة.