هل حقا أن مصر خاضت ثلاثة حروب "من أجل " فلسطين ؟؟

**human** · 11-01-2009 10:03 PM

انا فاهمك بس بوضح ضحاله الفكر العربى عموما بشرح الكوميديا السودا ورا حبهم لامريكا

**aif** · 11-01-2009 10:12 PM

هل مصر حاربت من اجل فلسطين ؟؟؟؟؟؟
لا اعتقد
مصر حاربت من اجل أمنها القومي الاستراتيجي الذي لا يتحقق طالما يوجد قوي معادية متطلعة و طامعة علي حدودها الشرقية .... وده مش بس في العصر الحديث ... ده من ايام الفراعنة قبل وجود عرب او يهود ....
يعني هل مصر حاربت الهكسوس والحيثين والفينيقيين من اجل فلسطين ......
لما مصر حاربت .... كان عشان استقرارها وامنها القومي ... وده مش عيب ... ده حقنا بل واجبنا
واللي حصل في حرب 73 ده كان معجزة بكل المقاييس .... وصعب جدا تتكرر في ظل الظروف الراهنة .... وعشان تتكرر ... لازم حاجات كتييييير اوي تتغير ..... اولها ....
انا
وانت
واحنا ال84 مليون بني آدم كلنا

للاسف مصر فضلت ساكته و بتجري ورا مصالح الطبقة الحاكمة وبتحارب الاخوان شوية والمعارضة شوية وتهاتر مع ايران شوية والسودان شوية والعرب شوية ... والجيش عمال يفتح كازينوهات ... والقادة يحضرو حفلات غنائية .... وشيخ الازهر مبسوط ومطنش ..... القيادات العسكرية بيصفقو للمغنيات .... بينما اسرائيل اصبح لديها مئات القنابل النووية .... في الوقت اللي مصر وقعت علي معاهدة منع الانتشار للاسلحة النووية بكل خضوع وبساطة .... وطبعا فات الوقت اللي ممكن حد يبقي عنده سلاح نووي ولا بيولوجي ولا حتى كيماوي ... خلاص الاوكازيون خلص .... واللي عمل حاجة عملها وخلاص
امال اسرائيل بتبرطع زي ماهي عاوزة ليه ......علشان مافيش حد بينافسها علي الساحة ..... بتغرد خارج السرب ....ده لو كان فيه سرب اساسا .... ولا لوم عليها .... دي دولة صهيونية عارفة هدفها بالتحديد وبتسعى اليه منذ عشرات السنين .... وبتحققه بدقه متناهية .... مش ذنبها ان اعدائها خايبين وطول الوقت يتخانقو مع بعض .... دا حتى لما بنشتكي اسرائيل .... بنشتكيها لنفسها .... لأمريكا ولمجلس الامن اللي هو برضه امريكا .... وما نقدرش نزود في الكلام عن الحدود المسموح لنا بيها ....... علشان ما نبقاش دمنا تقيل
........
والله انا باكتب وقلبي بيتعصر من الحزن والحسرة
حسبي الله ونعم الوكيل

**TaoTao** · 12-01-2009 12:18 AM

المشاركة الأصلية كتبت بواسطة tutankhamoun

السلام عليكم و رحمة الله و بركاته
بُص يا أخي الكريم
المشكلة الأساسية إن أحنا و العرب بنبص لبعض بصة مش كويسة
أحنا عاملين فيها الفراعنة اللي مفيش مننا
( مع فخري بكل ما حققته مصر ) و لكن دون تسفيه من الأخرين
و العرب بيسمعوا مننا الكلام ده و طبعا لازم يتخنقوا مننا
ما أنت لما أخوك كل شوية يقولك أنا كذا و سويت كذا و أنت مش عارف مالك
ما أنت هاتضايق مته و تبقى مش طايقه !!!
خصوصا لما تكون فنجرة بُق ( فم ) صح ولا أيه !!

طيب أحنا بنسمع كلام كتير عن أننا متقدمين و عندنا صناعة و مش عارف أيه ؟؟؟
طيب هي فين الصناعة دي ؟؟؟؟؟؟؟ و فين الأبحاث العلمية دي ؟؟؟
أنزل شوف أبو ظبي و دبي و الرياض و النظام اللي فيهم عامل ازاي
طبعا حاجة تفرح و تشرف أي عربي ( يتحدث العربية )

أنزل بقى القاهرة ........ مفيش داعي للوصف أكيد حضرتك عارف

نرجع للموضوع السياسي
زمان مكنش فيه حاجة أسمها دول ........ كنا جميعا كيانات كبيرة نجتمع تحت مظلة واحدة
أما الان الخليج وحده أصبح 6 دول .... مش طايقين بعض
و الشام تم تقسيمه .... أصبح عراق و أردن ( مكنش فيه حاجة أسمها أردن ) و بعدين لبنان فصلوها عن دمشق ( مكنش فيه حاجة أسمها لبنان ) و فلسطين سرقوها لليهود !!!
نيجي دلوقتي
الأمريكان
بيضربوا العراق ........ و أحنا خرس عُمي مش قادرين نقول كلمة
ضربوا أفغانستان ,,,,,,,,, برضه خرس عمي
ضربوا فلسطين و مازالو يضربون فيها ............ و برضه خرس و عمي

اللي غايظني
أن أحنا بدل ما نقف جنب بعض ....... قاعدين نخانق في بعض و نشوف مين اللي غلطان و نشوف مين أعطى أيه لمين ؟؟؟
طيب ليه العرب ماقلوش أن جمال عبد الناصر هو السبب في الحرب بتاعة 67 ....... و مع ذلك وقف أغلبهم مع السادات في 73
يجب ان نبحث عن ما يوحدنا ....... و نبغض ما يفرقنا
و لك تحياتي يا أخي الكريم

وعليكم السلام ورحمة الله وبركاته،
يا أخي العزيز أنا لا أعترض على أي كلمة مما ذكرت، أنا أعترض على كاتب المقال وتسفيهه لحروب مصر من الأسباب للنتائج، وأتساءل عن جرأته الغير مسبوقة في التسطيح. هذا الكاتب في نظري إما سفيه وإما مأجور.
محمد حسنين هيكل وفريقه البحثي كتب كتاب "الانفجار" في أكثر من 900 صفحة لتحليل أسباب حرب 67/ وأخينا في نصف سطر كتب إن سببها غلق المضايق بسبب رفع الأعلام على سفن إسرائيل .. باختصار كلام قهاوي، وانا ماينرفزنيش في الدنيا قد العمل الغير محترف.

**aif** · 12-01-2009 07:43 PM

المشاركة الأصلية كتبت بواسطة TaoTao

حمد الله ع السلامة يا أحمد بيه أخبارك ايه؟ وفينك من زمان.

أحب اشكرك بشدة على مداخلتك اللي رجعت -أو المفروض إنها ترجع- الموضوع لمساره الأصلي .. واتفق معاك بكل ألم :(

ربنا يبارك فيك يا تامر
انا موجود واخباري الحمد لله مستقرة ..... بآكل وأشرب و اشتغل وأربي عيالي وأتفرج علي اخبار غزة و اتأثر أووووي وبعدين امصمص شفايفي وادعيلهم وادعي علي اسرائيل .... وبعديد أكمل شرب كوباية الشاي ....... زي باقي الناس ..... بس فقدت الاحساس بالنت واصبح لا يشد اهتمامي زي الاول ..... مش عارف العيب مني ولا من النت ولا من اول فيصل ؟؟؟؟؟؟؟؟؟

**Rembrandt** · 13-01-2009 08:36 PM

حرب اكتوبر المجيدة واعجاز؟؟؟؟؟؟؟
الاخ الكريم اشكر حضرتك على مجهودك الرائع فى شرح و سرد الاحداث ولكن ارجو ان يتسع صدرك الرحب كلامى ربما يكون مؤلم بعد الشيى حرب اكتوبر الى سيادتك وصفتها بلمجيدة ماهى اللا وهم كبيير ضحك علينا بية السادات ربنا يسامحة احنا الدولة الوحيدة فى العالم الى بنعتبر حرب اكتوبر نصرا مهيب حتى الاشقاء العرب يقولون ان هزة الحرب لا خاسر فيها ولا مهزوم ففى حرب اكتوبر النصر الوحيد الزى فعلناة هو عبور خط بارليف المنيع ثم بعد زللك بكام يوم حصلت المصيبة الكبرى الى اسمها الثغرة والزى طوق بها الجيش الاسرائيلى الجيش المصرى و حاصرة وليس زللك
فقط بل توغل الجيش الاسرائيلى فى العمق المصرى وعبر هو ايضا قناة السويس حتى اصبح على مسافة لا تقل عن 70 كيلو من القاهرة وكان السادات فاتح قناة مفتوحة مع الامريكان واخبرهم انة لن يتقدم بعد الممرات حتى يتوقف التوغل الاسرائيلى فى العمق المصرى وحدث وقف اطلاق النار ونحن لم نسترد الا بعد الكيلو مترات بمحازات القنال ثم جائت معاهدة كامب ديفيد المشئومة ولم نسترد باق الارض فنحن استلمنا اخر جزء محتل من سيناء وهى طابا فى عام 1986 عن اى نصر مجيد اخى الكريم تتحدث لقد حصل الجيش الاسرائيلى على سيناء كاملة فى 6 ايام فقط ونحن استردينا اخر جزء محتل بعد 13 سنة من حرب اكتوبر ولو سيادتك بتروح شرم الشيخ او طابا حاليا ستعلم اننا لم نسترد اى شىء اليهود لازالو هناك بيعملو كل حاجة ولا يستطيع احد المساس بهم فهم بل فعل مسيطرين على شبة جزيرة سيناء.احنا مش عايزيين حد يخبرنا بانتصرات مزيفة وما نجدة على ارض الواقع هو شىء مختلف تماما احنا محتاجيين الحقائق والمصارحة مش تزييف لحقائق واسف على الاطالة وارجو ان يتشع صدرك لكلامى

**human** · 13-01-2009 09:21 PM

المشاركة الأصلية كتبت بواسطة ramberandt

--

عزيزى رامبراندت طبعا الله يكون فى عونك على الهجوم العنيف اللى هيحصل
للأسف مش كل الناس عارفه الكلام ده

**Rembrandt** · 13-01-2009 09:41 PM

المشاركة الأصلية كتبت بواسطة human12

عزيزى رامبراندت طبعا الله يكون فى عونك على الهجوم العنيف اللى هيحصل
للأسف مش كل الناس عارفه الكلام ده

مش مهم الحقيقة ديما بتوجع والله يا اخى انا بطبيعة شغلى بدخل وبخرج من سينا كتير والى بشوفة بعنية فعلا حاجة تقهر يكفى انى اقولك ان فى اماكن فى سيناء لا يستطيع المصريون الدخول فيها ولكن مرحب بلاسرائليون ولما تسال لية بيقولو ان دى املاك خاصة حاجة تكسف فعلا

**human** · 13-01-2009 10:10 PM

انا بس هعيد شرح كلامك
1- حرب اكتوبر تمكن عبقريتها فى التحضير لها و التكتم وتحضير مسرح العمليات و خطه العبور
2- العبور كان عمل ملحمى عظيم و معركه فى منتهى البطوله و على اعلى مستوى من التخطيط
3- مصر قامت بالهجوم باسلحه دفاعيه و اعتمدت على التدريب للفرد المقاتل لتعويض نقص كفاءه التسليح
4- مصر لم تكن لها اى خطه لتصعيد القتال بعد العبور وظهر التصدع الشديد فى القياده العسكريه بعد نجاح العبور حيث ان السادات تدخل فى الخطط العسكريه الموضوعه ولا اريد ان اتكلم كثيرا ولكن المهتمين هيلاقوا الكلام ده فكل حته
5- اسرائيل استطاعت ان تعيد ترتيب اوراقها بعد العبور بوقت قصير نظرا لاننا لم نطور القتال
6- كل اللى مصر استعادته بالقتال قبل وقف اطلاق النار كان 15 كيلو شرق القنال
7- نتيجه للتخبط و التدخل من السادات حصلت الثغره و النتيجه لواء اسرائيلى على بعد 70 كيلوا من ةالقاهره لا احنا صافيناه ولا حاربناه
8- النصر اللى تحقق عسكريا كان فى العبور لما نيجى نقارن الهزيمه ان احنا خسرنا غزه وسينا و النصر العسكرى ان احنا استرجعنا 15 كيلوا شرق القناه من سينا!!!
9- النصر السياسى هو اللى اتحقق و ده كان مقابل سلسله طويله من المفاوضات التى تنازلنا فيها و قبلنا باشياء لم يكن العدو يتخيل اننا سنقبلها - ممكن تقرا كيسينجر وهو بيقول فى مذكراته عن كامب ديفيد ازاى كان بيتفاجأ بقبول السادات بأشياء لم يكن يتوقعها بسهوله و كيف رفع ذلك من سقف طلباطهم
10- اغلب الكتب بعيد عن الاعلام بتاعنا بيعتبر اسرائيل انتصرت فى حرب 73 و مصر حققت مكاسب سياسيه باسترجاع القناه بالمفاوضات المتفائلين جدا بيقولوا ان الحرب عسكريا ممكن تكون تعادل حيث الوضع عند وقف اطلاق النار كان فى صالح اسرائيل ولكن العبور معركه كسبها الجيش المصرى

يا ريت ماحدش يزايد على الوطنيه انا مصر ديه غالية عليا بس الحقيقه صعبه ولازم تشوف صح عشان نتعلم من اخطاء الماضى

-

-

الموضوع: هل حقا أن مصر خاضت ثلاثة حروب "من أجل " فلسطين ؟؟

LinkBack

أدوات الموضوع

عرض

-

انا ايه اللي خلاني اقرأ الموضوع دة ..... ما كنت ساكت وف حالي -

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: هل حقا أن مصر خاضت ثلاثة حروب "من أجل " فلسطين ؟؟

LinkBack

أدوات الموضوع

عرض

-

انا ايه اللي خلاني اقرأ الموضوع دة ..... ما كنت ساكت وف حالي -

-

-

-

-

-

-

المواضيع المتشابهه

___""""""""الاسطورة لكزس gs الكوبيه تنتظركم في عام 2013 """"""""___

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة

_""""""""الاسطورة لكزس gs الكوبيه تنتظركم في عام 2013 """"""""_