الموضوع: هل حقا أن مصر خاضت ثلاثة حروب "من أجل " فلسطين ؟؟

السلام عليكم
زي ما الأخوة وضحوا عن نصر أكتوبر
و لو المعركة كانت بين مصر و اليهود فقط
كان زمان مفيش حاجة أسمها يهود في فلسطين أو كانوا رموا قنبلة ذرية علينا بسبب الهزيمة الماحقة اللي أتعرضولها !!
و لولا دخول الولايات المتحدة الصهيونية الإرهابية الحرب ...... ما كانت إسرائيل موجودة الآن

فعلا الارادة المصري تقابلت مع القوى الغاشمة العالمية في حين أن السادات كان مُجبر على أشياء لم يكن ليرضى بها لو كان في موقف قوة
و لكن الرجل أراد تحقيق التحرير للإستفادة من النصر الذي تحقق بدلا من المعاندة مع العتاد و القوى العسكرية الجبارة الصهيوينة الأمريكية التي كانت تحارب بجانب العدو الصهويني اليهودي في فلسطين .

إنما من ناحية نصر مجيد ................. فهو نصر مجيد تحقق باتحاد الروح العربية الإسلامية مع بعضها البعض
ووقفت دول الخليج ( خصوصا الملك فيصل رحمه الله ) بجانب مصر عندما توقف عن تصدير البترول إلى أوروبا التي كانت تدعم الكيان الصهيوني
و أيض الشيخ زايد رحمه الله عندما قال لهم ..... سنأكل التمر و اللبن كما تعودنا و لا نريد أن نأكل ما لذ و طاب بدماء أخواننا
و أيضا تحقق النصر عندما أتحدت ارادة مصر و سوريا ...... و الوقوف المعنوي من الجزائر و المغرب معنا و إرسال بعض الطيارين لمصر للدخول و المساعدة في الحرب

و الله العظيم لو أتحدنا............. العالم لكه هايعمل للعرب مليون حساب و يفكروا ألف مليون مرة قبل ما يفكروا حتى يهاجمونا بالكلام ...
يا جدعان ده إسرائيل بتعمل اللي هي عايزة من غير عقاب
علشان عارفين أننا مش هانعمل حاجة و لا حتى رد فعل واحد ايجابي غير " الشجب و الادانة " و اقامة مؤتمرات عربية و الذهاب إلى مجلس الأمن و بعدين الفيتو الأمريكي

هي دي المسرحية........... حفظوها و عرفوا ديتها
أخرنا الكلام ....

فينك يا عمر بن الخطاب ....فينكوا يا رجال العزة .... فين صلاح الدين ؟؟؟

أختفت الناس دي علشان الرجولة أختفت من أغلب الشعب العربي !!!!

اولا بداية اعادة بناء الجيش وخاصة حائط الصواريخ اللي بدأ من اسيوط و تقدم خطوة خطوة الي قناة السويس .... ده كان في عهد عبد الناصر مش السادات

حائط الصواريخ ده ملحمه اسطوريه
قبل الحائط كانت اسرائيل بتدخل زى ماهيه عايزه - بجد لو حد بيحب يقرا و ماقراش عنه يدور - ديه اسطوره فعلا ازاى الحائط ده اتبنى و ازاى المقاولون العرب عمالها الابطال بنوه وسط قصف مستمر

و بعدين الاعلام دلوقتى اصلا اقتصر الحرب كلها فى اول طلعه جويه

بالنسبه لموضوع جولدامائير
احب حضرتك ترجع تانى لما السادات ابلغ الامريكان ان القوات المصريه لن تتقدم اكتر من العمق بتاع 15 كيلومتر و الكلام ده هو اللى خلى اسرائيل تغير تكتيكها و تتمالك نقسها من المفاجأه
الكلام ده كان تقريبا 8 او 9 اكتوبر يعنى ماكنش فيه فرصه للنويح و الحقونا احنا بتباد و الكلام ده حتى لو اتقال يش مالوش معنى فى الواقع الفعلى
حضرتك لما حماس بتضرب صاروخ و يعور واحد ماشى بيقولوا كلام يحسسك ان اليهود كلهم ماتوا ده طبع

بس الثابت رسميا ان امريكا لم يكن لها اى جندى فى هذه الحرب و لم تتدخل
و لكن الجسر الجوى الذى امده نيكسون فى 13 اكتوبر ردا على الجسر الجوى الذى اقامه الاتحاد السوفيتى و ده طبيعى
مع العلم ان معظم المراجع بتقول ان الموضوع ده مادخلش فى الحرب فعلا بس ساعد اسرائيل انهم ينقلوا المخزون بتاعهم من غير خوف عشان عندهم مخزون اضافى ناتج من الجسر الجوى

Operation Nickel Grass shipped 22,325 tons of tanks, artillery, ammunition, and supplies in C-141 Starlifter and C-5 Galaxy transport aircraft between October 12 and November 14, 1973.
Operation Nickel Grass ده اسم العمليه

تانى موضوع ان احنا كنا بنحارب امريكا ده كلام للاستهلاك المحلى فقط

و حضرتك لو امريكا كانت بعتت مقاتل واحد كانو قالوا مش عشان هما مش بيكذبوا بس عشان الوثائق ديه بقت قديمه

و بالنسبه لامريكا الموضوع كان سلاح امريكى قصاد سلاح سوفيتى فلازم يثبتوا نفسهم

امريكا ساندت اسرائيل بعمل جسر جوي لنقل احدث اسلحة في العالم وقتها و تعويض الخسائر اللي خسرتها اسرائيل في الايام الاولى و امريكا حركت اساطيلها الي البحر المتوسط و لولا الانذار الروسي لتدخلت علنا و مباشرة

معلش اختلف معاك
-اسرائيل احتلت سينا على غير رغبه امريكا اطلاقا (العمليه اصلا كانت اسقاط جمال و عمليه محدوده و ينسحبوا)
-امريكا لما حركت الاسطول عشان لو روسيا اتدخلت اكتر يبقى لازم هيه كمان تتدخل
-امريكا خبرت النظام المصر انها لن تستطيع حل المشكله و انسحاب اسرائيل بغير تغيير فى الوضع العسكرى بمعنى اوضح حرب محدوده

المشاركة الأصلية كتبت بواسطة ruqi

مقاولين عرب ايه ؟؟؟؟ حضرتك فاكر ان حائط الصواريخ ده من الطوب و الاسمنت ؟؟؟

حائط الصواريخ ده عبارة عن بطاريات صواريخ سام٦ الروسية المضادة للطائرات كانت موضوعة بشكل شبكة بطول الضفة الغربية للقناة بحيث استحالة طائرة اسرائيلية تقرب من القوات اثناء العبور

يعني الموضوع كله دفاع جوي منظم مش مقاولة بناء

انما المقاولين العرب كان ليهم دور عظيم اخر في الحرب وده يطول شرحه

حاول تتكلم باسلوب احسن من كده و انت مدين ليا باعتذار

المقاولون العرب كانوا بيبنوا هياكل لبطاريات الصواريخ و كان بيتم الاغاره عليهم و مات منهم كتير و ده مثال

غير ان حضرتك الصواريخ ديه ليها قواعد و ديه بتبقى بناء

يقول عثمان "إن ميزانية المشروع كانت أربعين مليوناً.. وعندما كلفني بها الرئيس طلب مني إنجازها في شهرين فقط وحذرني من أن يضرب اليأس نفسي لأن الإسرائيليين لن يتركوني أنهي عملي.. ومع ذلك انتهى العمل في أقل من الزمن الذي كان محدداً سلفا.. ورغم كل الصعوبات التي واجهتنا التي كان أقلها ضربات الجيش الإسرائيلي التي أسقطت من كتيبة المقاولون العرب ما يقرب من خمسمئة شهيد

من مزكرات الكاتب الكبير أحمد بهاء الدين

"كنتُ قد كتبتُ خطاب السادات الذي كان سيلقي في السويس وقتها وبعد أن عدت من الإسماعيلية استمعت إلى السادات وهو يلقي خطابه ولم يغير حرفاً واحداً فيه ولم يقدم كلمة ولم يؤخر أخرى، ولكنه غيَّر شيئاً واحداً فقط، ففي الحديث عن مشاركة كل العمال من خلال كل شركات المقاولات في بناء حائط الصواريخ غيَّر الرئيس هذه الجملة وقصر الفضل فيها على ذكر شركة المقاولون العرب وعمال المقاولون العرب عثمان أحمد عثمان

و اسلوبك الساخر غير مقبول اطلاقا