استهلاك البنزين للبيتلز

**ihab** · 20-01-2009 03:03 PM

لا كده حلو جدا بسم الله ما شاء الله عليها

**ahit** · 20-01-2009 04:44 PM

المشاركة الأصلية كتبت بواسطة hashem1999

ياجماعه انا عربيتى بتعمل من 170 ل180ك داخل البلد وهى 1500سىسى وانا شايف ان ده معدل كويس لكن فى ناس بتقوللى ان كده العربيه بتاكل بنزين وان المفروض تعدى ال220ك داخل البلد وانا بصراحه مش مصدق الكلام ده ياريت لو حد من الاعضاء عنده توضيح للموضوع ده يرد عليا

بسم الله ماشاء الله
كويس جداً المعدل دا مع ماتور 1500 cc داخل البلد كمان , بس الظاهر إنك مش بتجرى خالص

أنا تقريباً بعمل من 140 إلى 160 كيلو داخل البلد بس غالبية الوقت جرى فوق الـ 100 أو إشارات كتير و أعتقد إن دا إستهلاك كبير بالنسبالى.

**ابوهاشم** · 20-01-2009 06:04 PM

الحمد لله انتم كده طمنتونى
فى ناس الظاهر بتحب تتمنظر او تشككنى فى العربيه وخلاص تقوللى المفروض تعدى 220ك وانا عن نفسى الحمد لله كده مقتنع بالاستهلاك ده

**waleedraafat** · 09-02-2009 09:44 PM

انا يا جماعة من عشاق العربية دي وفضلت معايا لمدة خمس سنوات قبل ما ابيعها واجيب الزيرو، العربية دي بجد روعة وانا مفتقدها جدا ومفتقد قلة مشاكها الميكانيكية واقتصاديتها عموما في الوقود والزيت

استهلاك البنزين معايا في الموتور ال 1600 كان 150 كم في الصفيحة فغيرت اكس وباب وبكات عند ابراهيم بتاع شبرا ليصل الاستهلاك ل 240 علي السريع و210 داخل البلد وذلك لمدة اشهر قليلة ثم انخفض المعدل ليستقر عند 220 كم في الطوالي و 200 جوة البلد مع ملاحظة ان انا سريع في قيادتي للسيارة (بامشي في السفر 130 كم علي الاقل لما يكون الطريق يسمح)

ثم قمت بتغيير المحرك بدلا من عمل نصف عمرة بسبب عمود الكامات (صوته كان عالي جدا ويجب فتح الموتور وتغيره) وركبت المكسيكي 1200 وتوقعت انخفاض الاستهلاك مع انخفاض الاستهلاك وهذا لم يحدث وكان معدل الاستهلاك 210 في السفر و190 داخل المدينة مع ملاحظة ان اسلوب قيادتي لم يتغير
ملحوظة : في مرة كده حبيت اعمل محترم واسوق بسرعة معقولة في السفر (70-80) انخفض الاستهلاك في المحرك 1600 لحوالي 260 في الصفيحة، مع العلم اني كنت بانضف الكرابراتير بنفسي في البيت بمنتهي الرقة والصبر وباضبط البكات بنفسي (الميكانيكي ماكانش بيعرف يظبط حاجة)

**ابوهاشم** · 10-02-2009 02:20 PM

استاذ وليد رافت انا سبق وعملت اكس وباب لعربيتى القديمه وبعدها كانت بتعمل معايا 170ك فى الصفيحه وهى كانت 1200 سىسى
وعلى فكره بتاع الكاربراتير نفسه بعد ماخلصه قاللى لو عملت معاك اقل من 160 داخل البلد ترجعلى تانى لو عملت 170 او اكتر بشويه حتى يبقى هو ده المعدل السليم

**waleedraafat** · 11-02-2009 12:52 PM

ايوة يا استاذ هشام ، فعلا الميكانيكي بتاعي لما العربية استهلاكها زاد واصبحت بتعمل 160-150 تقريبا في الصفيحة اقترح موضوع الاكش والباب ده الي بعد ما عملته وصلت لمعدلات الاستهلاك السابقة ولاحظ ان هناك عوامل كتيرة جدا تؤثر في استهلاك الوقود ومن اهمها طقم الكهرباء (كنت باغيره بصفة مستمرة) بالاضافة لحالة الموتور العامة (كنت بسبب ومن غير سبب باستخدم زيت الشمبر Stp بالاضافة لزيت شل الجركن الابيض "لزوجة 50 ثابتة") ودي كلها عوامل اظن انها لحد ما مؤثرة، وعوما انا فاكر اني قرأ اعلان للبيتلز القديمة في فترة الستينات تم تصويرها علي شكل حصالة نقود وذكر في الاعلان انه سيارة موفرة وكان معدل الاستهلاك المذكور بالميل ولما حسبته كان تقريبا 270 كم في الصفيحة، وطبعا عمري ما كنت هطمع في المعدل ده لان السيارة قديمة ولكنه كان مقياس بالنسبة لي فيما يخص استهلاك السيارة من الوقود.
وممكت تبحث في الانترنت علي معدلات استهلاك الوقود للسيارة دي هتلاقي نتائج كتيرة في المنتديات والنوادي الاجنبية المهتمة بالسيارة دي

**ابوهاشم** · 01-08-2009 04:12 PM

انا هقولكم على حاجه تهلك من الضحك
لبا صديق معاه 131 وعلى طول يقولى عربيتى بتعمل 220ك
داخل البلد وانه دايما بيمشى على 120ك سرعه
وبصراحه الموضوع ده كان مجننى
ومن حوالى شهر كنا مسافرين جمصه احنا الاثنين وفولنا مع بعض هنا فى القاهرهوتوكلنا على الله وسافرنا وانا اللى كنت فى المقدمه طول الطريق
وتقريبا كنت شايل نص الشقه بتاعتى فى العربيه غير الاولاد
واول ما وصلنا جمصه دخلنا البنزينه نفول احنا الاثنين
والمفاجئه انى حطيت 20 لتر بالظبط وهو حط 25 لتر
والاغرب من كده انه اكدلى انه كان معدى ال120 طول الطريق
مع ان انا اللى كنت فى المقدمه ماعديتش 100ك سرعه
وطبعا اتضحت الحقيقه المؤلمه ان عداد السرعه عنده بيدى قرايه
غلط بالزياده وبتوهمه انه عمل مسافه اطول مع كمية البنزين
وطبعا اتاكدنا من الموضوع ده من تقدير المسافه المكتوبه على الطريق
واحنا راجعين
طبعا فطست من الضحك عليه
كل ماافتكره وهو بيقوللى عربيتك بتاكل بنزين كتير

**smsmxxxxxx** · 01-08-2009 07:31 PM

السلام عليكم

انا عربيتى موديل 1300
1964
1300 cc
اناحبيت اجرب استهلاك العربية
قمت غيرت زيت بزيت التعاون الاحمر و فولت التنك على الاخر فى فيصل
وبعد كدة مشيت بيها مشوار من فيصل للشيخ زايد اغلب الوقت بسرعة 120
وراجع من الشيخ زايد للمهندسين برضه اغلب الوقت بسرعة 120

وفولت التنك فى المهندسين عملت 11 لتر

والمسافة اللى مشيتها العربية 73 كيلو بالظبط

وبعد ما رجعت فيصل ودتها لميكانيكي غيرلي البوجيهات والابلتين وقاللي الكوندنسر كويس
وكشف على الموتور قاللي كويس وقاللي كمان البوجيهات دى بقالها سنة شغالة

ملحوظة
اللى كان سايق العربية محترف سواقة يعنى مكنش بيقرص على الموتور وبرضه شكرللي فى العربية وقاللى سحبها تمام وموتورها ناعم

فانتم ايه رايكم هل العربية كدة طبيعية ولا بتاكل بنزين

-----------------
محمد سالم

**ابوهاشم** · 01-08-2009 09:42 PM

العربيه كويسه مافيش مشاكل
لكن السبب الرئيسى هنا لاستهلاك البنزين هو زيادة السرعه
120ك/س استهلاك عالى طبعا
امثل سرعه لاستهلاك مظبوط هى 70 او 80ك/س
اكثر او اقل من كده استهلاك اكثر للبنزين

**smsmxxxxxx** · 01-08-2009 10:00 PM

ربنا يطمنك يا استاذ هاشم
متشكر جدا على سرعة ردك

الموضوع: استهلاك البنزين للبيتلز

LinkBack

أدوات الموضوع

عرض

-

-

-

-

-

-

المواضيع المتشابهه

عوامة البنزين للبيتلز

معدل استهلاك البنزين والعوامات بتاعة عدادات البنزين ؟

استهلاك البنزين 92 للنوبيرا عالى بدون تكيف داخل القاهرة+لمبة البنزين

استهلاك البنزين !!

استهلاك البنزين زاد بعد ما غيرت فلتر البنزين!!!!!!

الكلمات الدلالية لهذا الموضوع

المفضلات

المفضلات

ضوابط المشاركة