السلام عليكم استاذ هاشم
والله مواضيع ماشاء الله جميله ومفيده
بالنسبه ليا انا عربيتى 1600 سى سى
انا عمرى ماحسبت الصفيحه بالكيلو متر
لاكن المؤشر الوحيد لاستهلاك البنزين اللى املكه
هو سفرى للاسكندريه
انا طلعت من مدينة نصر فولت العربيه بنزين 80 تقريبا دفعت حاجه وثلاثين جنيه
رحت اسكندريه محطة الرمل وقعدت هناك يوم ورجعت تانى
ماحطيتش بنزين خالص غير لما رجعت مدينة نصر تانى دخلت البنزينه قبل مااروح للبيت فولت تانى
طبعا قبل السفر انا برفع العربيه واشحمها فى البنزينه
وبظبط ضغط الهوا فى الكاوتش
واتاكد من زيت الفرامل وزيت الفتيس
وطبعا زيت الماتور
وبخلى معايا دايما سير دينامو فى العربيه
وكمان جركن زيت
لاى طوارئ
الحمد لله عمرى مااستخدمتهم فى الطريق
لاكن مره لقيت واحد معاه بيتل عطلان انا دايما لما بلاقى بيتل واقفه بنزل احاول اساعد
لقيت السير عنده مقطوع اديته السير اللى معايا
انا تقريبا خرجت شويه من الموضوع
نرجع تانى لموضوع البنزين
عربيتى مع بنزين 80 اقتصاديه جدا فوق الوصف والله
المشكله بقى لو حطيت بنزين 90 لاحظت انه بيطير بسرعه
يعنى بيخلص بسرعه قوى مش عارف ايه السبب
لاكن اعتقد ان فى البيتل لايوجد فرق يذكر فى استهلاك البنزبن للمواتير 1300 او 1200 او 1600
لانى كام معايا عربيه بتاعة واحد صاحبى فضلت معايا اسبوع
مالقيتش فرق فى استهلاك البنزين بين عربيته وعربيتى
بالرغم من انها 1300
على حسب ماسمعت ان استهلاك البنزين فى العربيه مرتبط بكفائة الكربرتير
وحجم بيكات البنزين اللى فى الكربرتير
لان البيكات فيها مقاسات كل لما كان مقاس البيك اكبر كل ماكان استهلاك البنزين اعلى
المفضلات