مقاطعة السيارات الأمريكية

**karimone** · 28-01-2009 04:39 PM

الله ينور عليك يا أستاذ

انا متفق معاك 100%

**Islam_galal** · 29-01-2009 12:37 PM

أستاذ توت
شكرا

**Samir Elshahawy** · 29-01-2009 04:04 PM

الله يفتح عليك يا أستاذ توت و ربنا يهدينا جميعا الي طريق الرشاد و يهدي لنا كل عاصي

**lancerevolution** · 29-01-2009 04:26 PM

المشاركة الأصلية كتبت بواسطة tutankhamoun

للآسف كلام حضرتك بيدل على التفكير في النفس فقط دون الغير
فلنفرض أن المنتج الأمريكي هو الأفضل على مستوى العالم !!
و انه لا يوجد أمامك غير المنتج المصري ( الردئ كما تقول ) و الأمريكي الفرز الأول و الذي لا يوجد منه بديل !!!!

هل ستظل تدفع أموالك لأعدائك لمجرد أنهم أفضل منك في الصناعة ؟
هل ستظل تدعم قوة جيش أعدائك لمجرد تفوقهم في الجودة عليك ؟؟

أمريكا هي عدو العرب الأول و ليس إسرائيل ؟ لأن إسرائيل عاملة زي العيل اللي مش متربي قليل الأدب و لما العيل ده يقل ادبه عليك و تروح تكلم أهله تلاقيأبوه شتمك و يقولك أنا مالي روح أتصف معاه هو و في نفس الوقت بيقوله ... ميهمكش يا واد ....... أديلهم على دماغهم !!!

هو ده الموقف بالظبط تمام
أمريكا تدينا على قفانا كل يوم من سنة 1948
و بتقتل الاف العرب و المصريين بأسلحة صناعة أمريكية و مجانية التوجيه للصهاينة ( العيل الصغير اللي مش متربي )

و أحنا بنقول أيه ....... أن منتجاتهم ملهاش بديل !!!

الله يرحم الملك فيصل و الشيخ زايد
لما ردوا على رئيس أمريكا سنة 1973 و قالولوا

مش مهم نعيش في رغد ........ و مش مهم نرجع نعيش على اللبن و الخبز من الماعز مرة أخرى
و لكن الأهم ....... أن لا نعيش على دماء أخواننا في دول المواجهة !

شوفت الرد يا أخي الكريم
و ربنا يهدينا جميعا و ينور طريقنا و يوحدنا
الجنيه اللي حضرتك بتمتنع به عن شراء منتج أمريكي أو ألماني ( الأثنين داعمين لليهود ) ممكن ينقذ بطريق غير مباشر طفل برئ بيموت كل يوم في فلسطين تحت نيران العدو الصهيوني الذي ليس لديه رحمة
هذا الجنيه ممكن ينقذ مصر من حرب مه اليهود لما الدعم ليهم يقل بسبب مقاطعتنا الاقتصادية ليهم
و المنتج اللي مش عاجبك ربنا هايباركلك فيه لو أشتريته بنية تقوية أقتصاد بلدك و منع أعدائك من الوصول لأموالك
الموضوع كبير و مش صغير و المجهود القليل الصغير المبذول منك و مني
صدقني على العموم هايعمل تأثير كبير
و إن معملش تأثير ......... أنتظر مكافأة الله لك لفعلك شئ لوجه الله تعالى

و مرة أخرى
اللهم أهدنا ووحد صفوفنا و أنر طرقاتنا و أحفظنا و حرر أرضنا و أنزل أيمانك على قلوبنا يارب العالمين
اللهم آمين ..... اللهم آمين

بجد عندك حق
بس بردوا مش لازم نكتفى بالمقاطعة و يبقى كل الى عملناه غيرنا بلد المصدر
المفروض نتجول من مستورد لمصدر على الأقل نقلل إعتمادنا على غيرنا

**sa3dawy** · 30-01-2009 05:57 AM

طيب بعيدا عن اى حاجة .... حضرتك حاطط اوبل ومازدا فى الموضوع
مش دى يابانى ودى المانى ؟؟ ولا اية ؟؟
وحتى لو gm مشاركة فيهم ... ذنبهم اية اليابان والامان الغلابة ؟؟
ولا علشان كفار بردوو ؟؟

**tutankhamoun** · 30-01-2009 09:56 AM

المشاركة الأصلية كتبت بواسطة sa3dawy

طيب بعيدا عن اى حاجة .... حضرتك حاطط اوبل ومازدا فى الموضوع
مش دى يابانى ودى المانى ؟؟ ولا اية ؟؟
وحتى لو gm مشاركة فيهم ... ذنبهم اية اليابان والامان الغلابة ؟؟
ولا علشان كفار بردوو ؟؟

ألمانيا من أكبر الداعمين لليهود و ده أسبابه معروفة
ثانيا شركة جنرال موتورز تملك أوبل بالكامل .

و فورد تملك مازدا بالكامل أو تتحكم في أغلب الأسهم .

الموضوع مش مسألة كفار يا أستاذ سعداوي
الموضوع مسألة أعرف عدوك ......... علشان تتقي شره

و لو بطلنا نشتري حاجات و منتجات أعدائنا و بدأنا نشتري منتج بلدنا
اللي مصانعه شغال فيها أنا و أنت و أخوك و أخوي و أبوي و أبوك و أولادك و أولادي من بعدنا
ده هايفيد بلدنا طبعا و يقوي أقتصادها
و بدل ما الفلوس تطلع بره البلد لأعدائنا علشان يضربونا بيها
تقعد في البلد و تلف في دائرة داخلية و ترجع لي و ليك تاني و الباقي يبقى أحتياطي للأزمات .

إنما بقى هانقعد نقول ........ دي ياباني و دي ألماني و دول ذنبهم أيه ؟

طيب و أحنا ذنبنا أيه يساعدوا اليهود و يدوهم فلوس علشان يسرقوا أرضنا و يقتلونا بأسلحتهم ؟؟؟؟؟

و الله العظيم النية الخالصة لشراء منتج بلدك هاتخليك تبقى مبسوط به حتى لو أقل من المستورد
على الأقل أهل بلدك اللي عملوه و صنعوه و إن شاء الله لو كل واحد أخلص النية لله هانبقى دولة متقدمة و نفخر بمنتجنا و نشتريه و نفضله كمان على المستورد .

نبدأ بأنفسنا أولا و ملناش دعوة بالحكومة و لا رجال الأعمال المتعاونين مع الأعداء .
لو كل واحد بدأ بنفسه ........ الدنيا هاتمشي مظبوطه .
ربنا يوفقك و يباركلك و ينور طريقك

بجد عندك حق
بس بردوا مش لازم نكتفى بالمقاطعة و يبقى كل الى عملناه غيرنا بلد المصدر
المفروض نتجول من مستورد لمصدر على الأقل نقلل إعتمادنا على غيرنا

أستاذ لانسر ريفولوشن تحياتي .
حضرتك بتقول مش لازم نكتفي بالمقاطعة !!
طيب أحنا كأفراد أيه اللي في أيدينا نعمله أكتر من المقاطعة ؟
هي دي الحاجة الوحيدة اللي نقدر نعملها
نمتنع عن اعطاء الأعداء أموالنا ..... و ده أضعف الأيمان بالنسبة لينا كأفراد

أما موضوع التحول من مستوردين إلى مصدرين و الكلام ده عايز مجهودات أكبر من مجهود الأفراد اللي هو أحنا
المجهود ده لازم يكون مجهود حكومي بالأتفاق مع رجال الأعمال و أصحاب المصانع .
و ربنا يهديهم و يهدينا جميعا و تحياتي لك

**THELOST** · 30-01-2009 12:07 PM

ده أقل شىء ممكن أن نفعله .... وحسبنا الله ونعم الوكيل

**AbuAbdAllah** · 30-01-2009 08:58 PM

المشاركة الأصلية كتبت بواسطة badblood

يعني انت عايز تقاطع العربيات بس
طب خد عندك
طيب حضرتك ممكن كمان تقاطع النت اللي حضرتك قاعد عليه ولا ده كمان مش امريكاني
خالي كمان حكومتك الرشيدة تقاطع المعونة الامريكية للحكومة اللي بتيجي كل سنة وفلوسها طبعا عارفين بتروح فين؟
وكمان عايز تفهمني ان كل مصر يعني السبعين مليون راس دول راكبين اوبل ودودج وجيب وفورد

تعليقا على كلام حضرتك عايز أقول قاعدة جميلة في أصول الفقه:
"ما لا يدرك كله لا يترك جله"
بمعنى إن مش مطلوب مننا نقاطع كل شيء لأن في منتجات لا يمكن الاستغناء عنها كبعض الأدوية الخاصة بببعض الأمراض المستعصية أو منتجات أخرى لا يمكن الاستغناء عنها فإذا كنا غير قادرين على الاستغناء تماما عن منتجات هذه الدول فأي منطق يقول إني أفضل أستهلك منتجاتهم بنفس المعدلات في الوقت اللي أقدر أقلل من الاستهلاك دة عشان أحملهم ولو قليل من الخسائر وأدرب نفسي على الاستغناء عنهم وربما الانتاج في يوم من الأيام وكما قيل : "الحاجة أم الاختراع" لكن منطق "مش قادر تستغني عن كل حاجة يبقى ما تقاطعش حاجة" مع احترامي الشديد لكلام أخويا الفاضل يساوي منطق "فلان يصلي ويسرق أو يكذب" والنبي صلى الله عليه وسلم بين خطأ الفكر دة لما سئل عن رجل يصلى ويسرق فقال "سوف تنهاه صلاته يوما" وسئل عن آخر يصلي ويزني فقال "سوف تنهاه صلاته يوما" وما قالش يا إما تقاطع كل المعاصي يا إما ما تصليش، ونفس الكلام ينطبق على فكر المقاطعة في أي منطق سليم .. ولذلك أدعو الجميع لمواصلة المقاطعة حتى تكون عذرنا أمام الله يوم القيامة على أننا قدمنا ما نستطيع لنصرة إخواننا المسلمين.

**lancerevolution** · 01-02-2009 12:05 PM

المشاركة الأصلية كتبت بواسطة tutankhamoun

أستاذ لانسر ريفولوشن تحياتي .
حضرتك بتقول مش لازم نكتفي بالمقاطعة !!
طيب أحنا كأفراد أيه اللي في أيدينا نعمله أكتر من المقاطعة ؟
هي دي الحاجة الوحيدة اللي نقدر نعملها
نمتنع عن اعطاء الأعداء أموالنا ..... و ده أضعف الأيمان بالنسبة لينا كأفراد

أما موضوع التحول من مستوردين إلى مصدرين و الكلام ده عايز مجهودات أكبر من مجهود الأفراد اللي هو أحنا
المجهود ده لازم يكون مجهود حكومي بالأتفاق مع رجال الأعمال و أصحاب المصانع .
و ربنا يهديهم و يهدينا جميعا و تحياتي لك

دورنا كأفراد الإتقان فى عملنا و بلاش الكروته و التطنيش و نبطل غلاسة على بعض و نشجع أى حاجة مصرى و نساهم فيها و مش كل حاجة نعترض و خلاص لازم نبص لقدام و نبطل نبص على رجلينا و كل شوية نخبط
و حكاية المعارضة دى بتضيع وقتنا

فى بقى حاجة مهمة جدا
كام مرة لقيت لمبة شغالة ملهاش لازمة و طفيتها ؟؟؟
كام مرة مرمتش كتب المدرسة و الجرايد فى الزبالة و بعتها لبتاع الخردة؟؟أو حتى متبرعتش بالكتب لعض الجمعيات الى بتديها لطلبة محتاجينها بجد؟؟؟؟
كام مرة مرضيتش تاخد كيس من البقال أو الصيدلى حطلك حاجة ممكن تحطها فى جيبك أو كنت ثانية و حتحطها فى العربية ؟؟؟؟
كام مرة سيبت الحنفية مفتوحة أو هدرت فى المية ؟؟؟
كام لتر بنزين العربية حرقتهم فى لف على الفاضى أو لعب عيال ؟؟؟؟ "بالذات بتوع ال80"
وكام مرة جيبت ساندويتش كلت حته منه و رميت الباقى؟؟؟؟
و كام مرة و كام مرة حاجات كتير ما بنخدش بالنا منها أو بنعملها و إحنا مش واخدين بالنا منها بتأثر فى إقتصاد بلدنا
زى الكهربا و المية الى الدولة بتصرف عليهم قد كدا بس مش عارفة توصل بيهم لجودة عالية فى كل مكان عشان معظمنا بيهدر المية و بيرشها قدام المحل و بيكسل يقفل المحبس كويس مش دا حيخلى الدولة توجه إستثمارات أكتر ناحية المية عشان البية يعرف يرش مية أو يعرف يغرق العربية دا الرسول قال فى الوضؤ "لا تسرف حتى لو كنت على نهر جارى" فى ما معنى الحديث
الورق مش لو إتعمله تدوير حيوفر فلوس إستيراد ورق جديد و حيحافظ على شجرة من إنها تقطع و الكتب القديمة لما نديها لحد مش قادر يشترى حنشيل حمل كبير من عليه و نخليه يهتم بحاجة تانية و نريح باله و نفرحه يقوم يشتغل كويس
مدرس الدرس الخصوصى لو يدى طالب فى كل مجموعة يكون مش قادر يدفع أو حتى مجموعة صغيرة لطلبة غير قادرين حيشيل حمل كبير عن أهلهم يقوموا يعرفوا يركز فى شغله فينتج أحسن
البنزين الى بنحطه فى العربية و نلف بيها على الفاضى مش الدولة بتدفع فيه أموال طائلة عشان الدعم و الإنتاج و أنا أخده و أرميه على الأرض مش دا بيستهلك أموال و مجهودات كان ممكن يتعمل بيها حاجة تفيد البلد
أكياس البلاستك الى بناخد فيها علبة دوا أو كيس شبسى أو بكو بسكوت أو نحط كل حاجة فى كيس لوحدها و نطحهم فى كيس كلهم فى حين ممكن نستعمل كيس واحد بس لأن الحاجات دى بتترمى فى الزبالة أو الشارع "ودة الغالب" بنكلف الدولة فلوس و مجهود لإزالة و التخلص من الحاجات دى فى حين إننا فى أمس الحاجة للمجهودات دى
الأكل الى بنرمية مكناش عملناه من الأول كان أحسن و وفرنا الغاز الى بيجيلنا الى فيه أزمة فى الأنابيب عشان بنهدر الغاز كمنه رخيص و ماشين بمبدأ أبو بلاش كتر منه
كلها حاجات بسيطة أى فرد ممكن يعملها و يساهم فى المنظومة الكبيرة الى كانا عايشين فيها مصر الى زى دالة تعتمد على 75 مليون متغير كله بأثر فى الدالة
حتيجى تقول هى جت عليا يعنى
حرد أقولك
لو أنت مأسرفتش فى الحاجة الى بتعملها مرمتش ورق فى الشارع شيلته فى العربة لحد أول صندوق و رمتها فيه واحد صاحبك راكب معاك شافك بتعمل كدا واحد ماشى فى الشارع شافك بتعمل كدا أكيد حيحاول يعمل زيك أو حيتكلم عن الى أنت عملته لواحد تانى ممكن هو الى يعمل زيك و ساعتها الدال على الخير كفاعله
وتذكر دائما
لاتجعل يدك مغلولة إى عنقك و لا تبسطها كل البسط

و جنيه من هنا على جنيه من هنا حيبقى عندنا 75 مليون جنيه أكيد حيعملوا حاجة حلوة نفرح بيها كلنا

و كفاية كدا عشان طولت