مقاطعة السيارات الأمريكية

**Islam_galal** · 02-02-2009 12:25 PM

المشاركة الأصلية كتبت بواسطة sa3dawy

طيب بعيدا عن اى حاجة .... حضرتك حاطط اوبل ومازدا فى الموضوع
مش دى يابانى ودى المانى ؟؟ ولا اية ؟؟
وحتى لو gm مشاركة فيهم ... ذنبهم اية اليابان والامان الغلابة ؟؟
ولا علشان كفار بردوو ؟؟

مش عارف بصراحة قصدك إيه بكلمة كفار
لعلم حضرتك لا يوجد في الشريعه الاسلاميه ما يمنع المسلم من التعامل مع غير المسلم أيا كانت ديانته و حتي لو ليس لديه دين من الأصل
المقاطعه هنا لعدو يجاهرنا بالعداء كمصريين بالضغط لتوجيه السياسة الخارجية و الداخلية حتي التعليم و كمسلمين في العراق و فلسطين و أفغانستان
أرجو أن اكون أوضحت الأمور
و أرجو أن لايكون الهدف من ردك كان التريقه لأن الموضوع جاد جدا و لا يتحمل ذلك

**karimone** · 02-02-2009 03:39 PM

المشاركة الأصلية كتبت بواسطة Islam_galal

مش عارف بصراحة قصدك إيه بكلمة كفار
لعلم حضرتك لا يوجد في الشريعه الاسلاميه ما يمنع المسلم من التعامل مع غير المسلم أيا كانت ديانته و حتي لو ليس لديه دين من الأصل
المقاطعه هنا لعدو يجاهرنا بالعداء كمصريين بالضغط لتوجيه السياسة الخارجية و الداخلية حتي التعليم و كمسلمين في العراق و فلسطين و أفغانستان
أرجو أن اكون أوضحت الأمور
و أرجو أن لايكون الهدف من ردك كان التريقه لأن الموضوع جاد جدا و لا يتحمل ذلك

اتفق معاك ميه في الميه

**Islam_galal** · 04-02-2009 12:01 PM

الحمد لله 78% تقريبا من 115 عضو حتي الآن مقتنع
أرجو الجميع تفعيل هذه المقاطعه علي المستوي الشخصي و علي المستوي العام بنشر الفكرة علي الأقل.

صدقوني لا يوجد عذر البدائل كتير جدا و خصوصا ان السيارات الأمريكية المتاحة في مصر مثلا مش كتير و بدائلهم كتير.

و هكذا في العالم العربي و الإسلامي

**dynamic_alpha** · 04-02-2009 02:46 PM

هي فين العربيات الامريكية اللي بتنزل مصر ديه ؟؟
هي ده اسمها عربيات... اوبتر و افيو ؟ و جيب ليبرتي ؟

ركزوا كدة في الصورة حتلاقوا انه معظم العلامات ده مش موجودة و نادرة جدا في مصر Cadillac, Lincoln, Aston Martin, Mercury, Buick,Hammer, Chrysler

حته Ford منزلة اقل حاجة عندها الفوكاس

الحملة ده ممكن في دول الخليج , مش في مصر ...

**Islam_galal** · 04-02-2009 03:37 PM

الماركات كلها مش موجودة في مصر و موجودة للعلم و عشان لو حد من الأخوة العرب في المنتدي حيهمه ماركات غير الموجودة في مصر
(المقاطعه مش حملة مصرية بس)

أوبترا و أفيو و لانوس و جيب ماليين الشارع في كل حته
و موجود فورد فوكس و مازدا 3 و هامر و أوبل كورسا و أوبل فكترا و قليل كرايسلر و فولفو

يا أخي شارك بإيجابيه ، إقرأ مشاركتك مرة أخري و قل لنفسك ماالذي أضفته لنفسك و للناس

**dynamic_alpha** · 04-02-2009 10:47 PM

ما هو انا بشارك بايجابية
اقرأ ردي مظبوط و ركز فيه ... ازاي بتوجة حملة لمقاطعة العربيات الامريكي لبلد مفهاش الا اقل القليل من الامريكي باسعار لا تذكر و لا تقارن باللي موجودين في دول الخليج !

انا اخر حاجة سمعتها انه اللانوس تبع دايو و كوري , و المازدا ياباني و الاوبل الماني و انه فولفو مش امريكي على الاقل ... و معظم ان ماكنش كل الهمر في مصر جمرك و انزل من بره

يا جماعة ارجوكم بلاش الاتجاة الاعمى , زي لما يقلك نقاطع المنتجات الامريكية و المطاعم علشان دول بيمولوا اسرائيل ... و تلاقي كل و اي مطعم ملوش علاقة بالموضوع في الدعاية

**tutankhamoun** · 05-02-2009 04:49 AM

المشاركة الأصلية كتبت بواسطة dynamic_alpha

ما هو انا بشارك بايجابية
اقرأ ردي مظبوط و ركز فيه ... ازاي بتوجة حملة لمقاطعة العربيات الامريكي لبلد مفهاش الا اقل القليل من الامريكي باسعار لا تذكر و لا تقارن باللي موجودين في دول الخليج !

انا اخر حاجة سمعتها انه اللانوس تبع دايو و كوري , و المازدا ياباني و الاوبل الماني و انه فولفو مش امريكي على الاقل ... و معظم ان ماكنش كل الهمر في مصر جمرك و انزل من بره

يا جماعة ارجوكم بلاش الاتجاة الاعمى , زي لما يقلك نقاطع المنتجات الامريكية و المطاعم علشان دول بيمولوا اسرائيل ... و تلاقي كل و اي مطعم ملوش علاقة بالموضوع في الدعاية

دايو لانوس تابعة لشركة جنرال موتورز الأمريكية كلياً
مازدا ملك شركة فورد الأرمريكية
فولفو ملك شركة فورد الأرمريكية
أوبل ملك شركة جنرال موتورز الأمريكية

حضرتك مكنتش تعرف الكلام ده و دخلت قلت اتجاه أعمى ؟؟؟؟

يعني كل الأفيو و الأوبترا اللي ماليين الشارع مش عاجبين حضرتك ؟؟؟ مش دول شيفرولية أمريكاني برضه و لا أحنا بنتجه أتجاه عمياني ؟؟؟؟؟

الموضوع بمقاطعة أمريكا .............. عايز تقاطع أتفضل قاطع و كل واحد وضميره
مش عايز .... أنت حر طبعا بس بلاش موضوع تهبيط المعنويات

المنتدى هنا مصري في الأساس وأغلب زواره مصريين و حضرتك داخل تقول نكلم بتوع الخليج ؟؟
يعني هانروح نخليهم يعملوا عضويات بالعافية هنا علشان نعرفهم موضوع المقاطعة ؟؟؟؟
الأستاذ اسلام و أحنا معاه بنحاول نوصل فكرة معينة للناس
أن أحنا نقاطع أعدائنا
اعدائنا اللي كل يوم بيقولوا أن أمن الصهاينة أهم شئ في الوجود كله .
و أن الفلسطيينيين لا يعنوهم بشئ بدليل السكوت الفظيع على المذابح و الهولوكوست الصهيوني ضدهم و ضد الدول العربية الأخرى في فترات من الماضي .

و شكرا

**be_linux** · 07-02-2009 02:24 AM

بجد والله يا استاذ توت امون ربنا يبارك فيك وفي امثالك ويهدينا جميعا يا رب

ومعلش يا جماعه انا بجد متغاظ جدا ومحبط جدا
من ان فيه ناس مش فاهمه الموضوع كويس
لا وكمان ليهم مبررات عقيمه اوي

زاي بلاش نت واطفي الويندوز وقوم نام
انا ممكن اراعي وجهه نظرك لو مفيش بديل

بس اللي مش قادر افهمو
هل فعلا الاوبترا والافيو والانوس
اللي هما الاكتر انتشارا
عربيات مستحيل الاستغناء عنها

وهل فعلا السوزوكي والهيونداي والهوندا والنيسان و رينو وستروين و بيجو و سيات وكيا ومتسوبيشي و بروتون
كل دول عربيات خرده ودون المستوي
ولا يصلحو اطلاقا انك تقتني حاجه منهم

ياريت نراجع نفسنا

طيب وليه بقي لما بيتوفر البديل المعقول والمناسب
برضو بنقلل من شأن المقاطعه

واسف جدا للاطاله

**madda7** · 15-02-2009 06:27 PM

المقاطعة هي ابسط ما يمكن فعله ، وانا حاليا اركزفي معرفة بلد اي منتج واقوم بمقاطعة المنتجات الامريكية والانجليزية كخطوة مبدئية ويجب ان يكون انا وجهه نظر لاننا نحمل صوت الحق ويجب ان نجبر الاخرين على احترام انسانيتنا وماحدث ويحدث في غزة حدث ب"مبارك"ة امريكية وتنسيق وعموما اذا كانوا يسعوا ككل الاستعمار للمال فلنحرمهم من كسبه بسهولة على الاقل ، كيف نرضى ان ياخذوا اموالنا ليقتلونا ويقتلوا اطفالنا ، فلنقاطع من اجل اهلنا ومعذرة الي ربنا حتى يقضى الله امرا كان مفعولا.
بالطبع اوافق

**jusuf** · 16-02-2009 12:21 AM

اهم شئ هو الاستمرار في المقاطعة ونقوي عزيمة الاستمرار فلا نكون مثل الصفيح ... يسخن بسرعة ويبرد بسرعة ... وقليل مستمر خير من كثير منقطع .. بارك الله في كل من شار ك في هذا الموضوع .... الاستمرار حتى القضاء على الهيمنة الصهيونية على فلسطين المحتلة.