السلام عليكم
حاسس ان عينى ملتهبه جدا وبتوجعنى من الداخل مش عارف من ايه بس حاسس ان فى التهاب فيها مثلا حتى بيكون على اخر اليوم مش قادر افتح عينى من الوجع
والموضوع دا بيتكرر معايا كتير واروح لدكتور يكتبلى دواء واخف وبعد فتره يرجع تانى ايه الحل
عرض للطباعة
السلام عليكم
حاسس ان عينى ملتهبه جدا وبتوجعنى من الداخل مش عارف من ايه بس حاسس ان فى التهاب فيها مثلا حتى بيكون على اخر اليوم مش قادر افتح عينى من الوجع
والموضوع دا بيتكرر معايا كتير واروح لدكتور يكتبلى دواء واخف وبعد فتره يرجع تانى ايه الحل
أفضل مكان لشراء العدسات هو من عيادة طبيب موثوق به ، لأنه المفروض هايخاف على اسمه و سمعته ، و بالتالى لازم تكون عدساته مضمونة ، و لو حصل مشكلة هايبقى مستعد يحلها ، على عكس مراكز العدسات اللى المهم انهم يبيعوا و خلاص و معظمهم بيطبق مبدأ "البضاعة المباعة لا ترد و لا تستبدل" ، اما مراكز التجميل و محلات النظارات و الصيدليات فمرفوضين تماما (غير انهم مخالفين للقانون لو العدسات فيها مقاس).
طبعا العدسات ليها تاريخ صلاحية و لابد من التأكد منه.
لو العدسات شهرية بيتحسب عمرها لمدة شهر اعتبارا من يوم فتحها ، يعنى لو النهاردة 25/7 و انا فتحت عدساتى الجديدة مثلا و هى شهرية يبقى يوم 25/8 ارميها و اتح زوج جديد ، و يفضل كده حتى لو مالبستهاش يوميا ، و لكن كده اسلم ، و لكن بعض الناس بيمدها اسبوع او اتنين لو مالبسهاش كل يوم ، و لكن الحكاية دى مع التكرار ممكن تعمل مشاكل فيما بعد.
بالنسبة لحضرتك ممكن تستعمل Bausch & Lomb و تكون الشمال Toric و اليمين Soflens
أو
Provision و تكون الشمال Toric و اليمين Aspheric
فيه انواع تانية بس انا بارشح لك دول
و تحياتى
هى الفترة تعتبر طولت شوية بس مادام بطلتها و مافيش مشاكل يبقى خير ان شاء الله
مع كامل احترامى لطبيبك ، و زى ما بيقولوا "كل شيخ و له طريقة" ، و لكن انا مش باكتب كشف نظارة غير لما اجربه للمريض بتاعى
كلمة التهابات دى كلمة شاملة و عامة و بيندرج تحتها حاجات كتير ، و بالتالى الحساسية تعتبر نوع من التهابات العيون.
حكاية ان ليها علاج او لأ ، فدى مسألة مش واضحة تماما و لكن احنا بندى علاج نهدى الحساسية علشان وقتها يعدى بهدوء و مع تقدم العيان فى العمر بتقل سنة عن سنة لحد ما تروح من عنده (عادة و ليس كل الناس) ، فيه ناس بتروح من عندهم فى العشرينات و ناس فى الثلاثينات و هكذا.....
بس مش عارف ليه انا حاسس ان المشكلة عندك جفاف سطح العين اكتر منها حساسية ... الوصف بتاعك يمشى كده ..
ياريت تعمل اختبار الجفاف و اسمه Schirmer test و ده بيتعمل بورقة زى ورقة ال filter paper و ممكن يتعمل فى اى عيادة فى 5 دقائق و بيكون حاسم للأمر ده ان شاء الله.
و تحياتى
العدسات دى بتاعة شركة CibaVision و دى من اكبر شركات العدسات لأنها فرع من اكبر شركات الأدوية ، و دى من العدسات اللى فيها مادة Silicon Hydrogel و دى مادة تمنع جفاف العدسة بسهولة و تقلل احتمالات جفاف العين بسبب العدسات (لأن العدسة بتحافظ على رطوبتها و بالتالى مش بتحتاج دموع العين كل شوية) و كمان بتزود نفاذية الأكسجين من العدسة للعين.
المشكلة ان مش كل العيون بتقبل المادة المعمولة منها العدسة دى ، و لكن ماعتقدش ان الوضع كده معاكى لأنك قلتى انها قعدت اسبوع كويسة ، و لو كانت عينك مش قابلاها كان ده حصل من اول دقائق.
المشكلة فى رأيي هنا ان حضرتك بتنامى بيها و بتلبسيها فترة طويلة متصلة ..
المفروض فى العدسات دى انها تتلبس لمدة اسبوع او اثنين متصلين .. ده اللى مكتوب في الورقة بتاعتها .. و لكن لينا هنا وقفة مهمة ..
الكلام ده مش فى جو بلدنا ... الكلام ده لو احنا عايشين فى بلاد بره ، و لكن هنا لازم العدسة تقلعيها كل يوم قبل النوم ، بلاش نوم بالعدسة و بلاش تتلبس اطول من يوم ... الا لو فيه ضرورة يبقى ممكن نكسر الشرطين دول و لكن لو حافظنا عليهم .. ان شاء الله العدسات تبقى مريحة جدا..
و تحياتى
لو زودتى مقاس العين هاتشوفى احسن شوية و لكن مع اجهاد العين و ارهاقها و احتمال الصداع المزمن ، و ممكن تسبب مشاكل اكبر فيما بعد ... ادى النظارة فرصة لمدة اسبوعين و بعدين قررى ... و بعدين الفيصل ان كل عين تشوف 6/6 ، مش ان الأثنين يشوفوا زى بعض ، لأن ممكن يكون عندك الشمال هى العين السائدة و بالتالى هاتفضل صورتها احسن لأن المخ بيفضلها. بلاش تدخلى فى دوامة مقارنة كل عين باختها..
اللى انا فهمته ان فيه افرازات بيضاء زلالية ، او ممكن نسميها مخاط ، و ده بيطلع من العين لو فيه حساسية لسبب او لآخر ، و مش صح انك تقعدى تشيليه من عينك لأن كل ما بتشيليه العين بتطلع كمية اكبر ، لازم نعالج السبب ... و طبعا الكلام ده مالوش صلة لا من قريب و لا من بعيد بالمياه البيضاء Cataract ...
20 سنة بتكون لسه العين فيها احتمال تغير المقاس مع الوقت ، و بعدين انا شخصيا مش باحب الليزك و لكن اللى اقدر اقوله لحضرتك انت ترجعى هنا و فى مشاركات اخرى و تقرأى مناقشاتنا حول الليزك و تعرفى اللى ليكى و اللى عليكى و بعدين تاخدى قرارك بنفسك سواء كان بالموافقة او بالرفض.. و لكن خدى وقتك و ادرسيه كويس لأن ده قرار مش سهل ..
و بعدين مادام العدسات كويسة معاكى .. متضايقة منها ليه ؟؟ الا لو كانت عاملة مشاكل غير اللى حضرتك قلتيه هنا.
و بالتوفيق .. و تحياتى
أرجو من الجميع تقبل اعتذارى
لتأخرى فى الرد على استفساراتكم
و لكننى فى الآونة الأخيرة مشغول بشكل غير طبيعى:3_3_102[1]:
و ضغوط العمل ازدادت بشكل رهيب:khd:
لذا ارجو منكم قبول اعتذارى مرة اخرى:Zb_sor1[1]:
و اعدكم بمحاولة الأنتظام على الرد اولا بأول ما امكن:36_1_37[1]:
و تحياتى للجميع:s1[1]:
شكرا يادكتور جزاك الله خيرا ....
اقتباس:
و بعدين مادام العدسات كويسة معاكى .. متضايقة منها ليه ؟؟ الا لو كانت عاملة مشاكل غير اللى حضرتك قلتيه هنا.
بتتعب عيني شويه ..وبحس بالارهاق دايما وانا لابساها ...
انا في كليه طب وزي ماحضرتك عارف ..الكليه مرهقه شويه وبنقعد فيها فتره طويله ..فبضطر البس اللينسز كتير
كمان انا مش بحب النضاره خاالص ...حتي لو كنت بلبسها فالبيت بسس
يعني الموضوع نفسي شويه
عندي سؤال كمان بعد اذنك ..
انا اعرف ان اللينسز ...مش بتعالج الاستجماتيزم عشان كده لو حده عنده استيجماتيزم ..وبيستعمل لينسز بيحس بالصداع منها او انها مش مريحه ااو كده
فانا سؤالي باه ..انا عندب استيجماتيزم ربع ..بسس
وبلبس اللينسز تقريبا معظم اليوم ..وبلبس النضاره فالبيت
فهل كده اللينسز خطر وممكن تزود نسبه الاستجماتيزم ولا عادي ؟؟
سؤال كمان يادكتور ..
معلشي تاعبينك معانا
هو زياده ارهاق العين ممكن ياثر عالنظر ؟؟
وشكرا جدااااااااااااااا يادكتور
دكتور شريف ليا سؤال عاوز قطرة للحساسية تبقى حلوة
انا بستعمل zaditen دى ليها مشاكل ولا
هى دى المشكلة الأساسية ... عدم حب النظارة ... و لكن ممكن ننظر للموضوع نظرة تانية .... المريض المزمن زى مريض الضغط او السكر اكيد مش بيحب ياخد علاج مدى الحياة و لكن بياخده علشان يحافظ على نفسه سليم و علشان لو ظهر علاج حاسم و نهائى لمرضه يكون فى حالة سليمة تسمح له انه يخضع للعلاج الجديد علشان يخف ... و لكن لو ما اخدش علاجه و ساب نفسه للمرض هايتعب و مش هايقدر ياخد العلاج الجديد لما يظهر ... فممكن نبص للنظارة من هذا المنطلق ... بتحافظ على نظرى انى اشوف كويس لحد ما يظهر علاج فعال و حاسم يخلينى استغنى عنها ... بكده انا و نظارتى نبقى اصحاب ... هو على الأقل بيننا هدنة بدل ما يكون بيننا عداوة .
العدسات التوريك ممكن تصلح الأستيجماتيزم و لكن اعتبارا من 0.75- فما فوق ، و اى استيجماتيزم اقل (0.25- و 0.50-) فدول العدسة العادية (و بخاصة لو Aspheric) بتصلحهم من غير مشاكل او احساس بعدم وضوح الرؤية. و لكن لو المقاس اكبر و لبست عدسات عادية هاتكون الصورة مش واضحة و اضطر اكسر على عينى و ده مع الوقت ممكن يزود الأستيجماتيزم و لكن بمجرد ما البس مقاسى المضبوط ترجع العين زى الأول (بعد فترة).
يأثر على وضوح الرؤية مش على مقاس العين.
و تحياتى
مافيش قطرة للحساسية حلوة و قطرة وحشة ... و ماينفعش امشى على قطرة حساسية على طول...
الموضوع انى باكتب للمريض قطرة (أو عدة قطرات أو معاها علاجات اخرى) تريحه و تخليه قاعد مرتاح بدون اعراض الحساسية فترة لا بأس بها بعد ما اوقف العلاج ... كده يبقى انا باعالج الحساسية ... و لكن ماقدرش امشى المريض بتاعى على قطرة حساسية على طول لأن مهما كانت آمنة أكيد هايبقى مضاعفات على المدى الطويل ... و اولها ان العين بييجى لها حساسية من القطرة نفسها !!! يعنى تبقى العلاج و السبب فى نفس الوقت و بالتالى تبقى مصدر تعب بدل ما تكون علاج.
لازم فحص و علاج سليم.
و تحياتى
بقول حضرتك يا دكتور وانا عنيا فيها احساسية ممكن هشوف ضغط العين دة يبقى فى مشكلة
وانا عندى 24 سنة يبقى فى مشكلة لما هشوف ضغط العين علشان اطمئن علية
اصل انا سمعت انى بيعمل مشاكل مش عارف الكلام دة حقيقى ولا
انا رحت للدكتور انبارح وقالى عندك حساسيه محترمه وكتبلى على قطره لمده 3 مرات بس ونوعها
tobradex
بس المشكله انى وانا بقرا النشره بتاعهتا لقيت ان فيها كرتوزون
ايه راى الدكاتره فى القطره دى وهل منها اى ضرر
والمرفروض انى اروح انهاردا اعمل اشعه على عينى علشان ان شاء الله اعمل عمليه يوم الاربعاء .... تصحيح ابصار بالليزر
دكتور شريف كنت عاوز اعرف الدواء دا موجود ولا لا و :ask:يا ريت رجاء لو حد يعرف بيتباع فين يقولى
اسم الدواء
Vividrin nasal spray 2% flx15mL
هو بس سؤال صغير مضايقنى شوية ...:majd(4):
ازاى هاتاخد مقاسات سمك القرنية و هاتعمل العملية و العين ملتهبة من الحساسية اللى فيها ؟؟؟:36_1_31:
المفروض انك تاخد علاجك (مع تحفظى على الكورتيزونات و لكن القرار هنا للطبيب المعالج وحده لأن هو اللى شاف الحالة مداها ايه) لحد العين ما تخف و بعدين تعمل اللى انت عايزه ... مافيش وجه للأستعجال و خصوصا انها عملية اختيارية مش واجبة ... رايي انك تصبر لحد عينك ما تخف و بعدين اعمل اللى انت عايزه فيها.
و تحياتى
انا سيدة فى الخمسين من العمر
السوال الاول
كيف احافظ على نظرى لانة كل مادا بيضعف
السوال الثانى
ما هى العوامل التى تودى الى ضعف النظر
السوال الثالث
كيفيت تقوية النظر
السوال الرابع المسافة الطبية بينى وبين التلفزيون 21 بوصة المفروض تبقى اد اى؟
شاشات lcd افضل لعين من شاشة التلفزيون العادية؟
السلام عليكم
عملت عمليه تصحيح الابصار ( الليزك ) انبارح فى مركز تصحيح الابصار ( الرواد ) ال فى الدقى
المهم الحمد لله انا شايف حاليا تمام من غير نظاره بس ليه حاسس انه مش 100 % رحت لدكتور انبارح قالى طبيعى جدا وخليك ماشى على القطره هو كاتبلى نوعين قطره وهرحتله انبارح بليل وقالى تمام وقالى تعالالى يوم السبت
لو حد عمل العمليه او ليه خبره هل الوضع كدا طبيعى ولا فى مشكله انا شايف كويس بس فى بعض الزفلله وانا قدام الكمبيوتر وكان فى سحابه بيضاء بس راحت الحمد لله
امشى على القطرة اللى كاتبهالك وحتتحسن مع الوقت وتلاقى الدنيا اتظبطت :)
المفرض النظر بيكون بقى ثابت ... هل قصد حضرتك ان القراءة و الكتابة مش واضحة زى الأول الا بنظارة قراءة ؟؟؟ لو كده فده شئ طبيعى ، و علشان كده بنلبس نظارة قراءة اعتبارا من سن 45 سنة..
كتير ،
منها عوامل نمو ، زى معدل نمو العين أكبر أو أقل من المعدل الطبيعى و بينتج عن ذلك قصر أو طول النظر ،
منها عوامل تغذية زى نقص فيتامين أ و بيسبب العشى الليلى (ضعف الرؤية الليلية)
منها عوامل مرضية زى السكر و الضغط و الكلى و الكبد ، اذا اهمل علاجها
منها عوامل وراثية ، مثل بعض انواع ضمور الشبكية ...
الخ الخ الخ
لكن ليه القلق ... حضرتك ممكن توضحى لى ازاى حاسة ان النظر بيضعف و انا اجاوب حضرتك
بالحفاظ على العادات السليمة للقراءة فى اضاءة كافية و غير ساطعة و غير مباشرة ، عدم استعمال اى ادوية او قطرات دون الرجوع للطبيب ، عدم الدعك فى العين ، الأبتعاد عن النصائح من غير المتخصصين (لأنها بتودى فى داهية) ، استعمال النظارة الطبية بانتظام (ان وجدت) ، التغذية السليمة المتوازنة.
المسافة الآمنة عن التليفزيون هى الشاشة 3x
يعنى التلفزيون 21 بوصة نضربها فى 3 تبقى 63 بوصة ، و بما ان البوصة 2.5 سم تبقى اقل مسافة آمنة من التليقزيون حوالى 1.5 متر
فعلا الشاشة ال LCD أحسن من التليفزيون لأنها مش بتطلع الكترونات زى التليفزيون العادى
و تحياتى
ألف سلامة على حضرتك ، و طبيعى ان أى عملية بتاخد وقت على ما العين تستقر و ترجع لحالتها الطبيعية ، و الوقت ده بيتفاوت من شخص لآخر
و زى ما الأخ العزيز Dr_Ophth2008 نصح حضرتك ، انا اؤيد نصيحته ، استمر على اعلاج المكتوب و ان شاء الله هاتحس بتحسن ، و الا فلابد من مراجعة الطبيب المعالج.
و ان شاء الله تتحسن.
و تحياتى
عندى عدة اسئلة لو سمحت اولا انا عندى قصر نظر واحد ونصف ولا البس نظارة او عدسات من ثلاث سنوات هل ده يؤثر على العين وهل ممكن يسبب دوخة لان عتدى دوخة مش عارفة سببها و تانى سؤال انا كنت عاملة عدسات ملونة تجميل ليس نظر وكنت باحس بسحابة على جزء من نظرى يسبب صداع ما السبب واخيرا كيف اعرف ان عندى نقص فيتامين أ وشكرا
السلام عليكم ورحمة الله وبركاته
د. شريف جزاكم الله كل خير على ما تبذله من مجهود طيب
دكتور انا عندى قصر نظر شديد منذ الصغر و لبست نظارة بعمر 16 سنة وانا الان 31
ومنذ حوالى 7 سنوات لبست عدسات لمدة 4 سنوات من نوع بوش اند لومب ثم عملت احمرار فى عينى ومحلول رينو وعلمت فيما بعد انه بيسبب مشاكل فتركتها
ورجعت للنظارة ولكن المشكلة يا دكتور انى لاحظت بعد ارتدائى للعدسات لمدة سنتين ان الناس تقولى ان عينيك خارجة لبره (جحوظ) رغم انى لا اعانى من الغدة الدرقية
فهل السبب شدة قصر النظر علما بان قياسى -10 للعينين ام ان الاحمرار التى تسببت به العدسات حصل حاجة فى عينى سببت الجحوظ رغم انى ذهبت لدكتور هنا فى الكويت وفحص عينى وقال عينيك ليست بها اى امراض
فهل الجحوظ طبيعى ام خطر وهل له علاج بعيدا عن التدخل الجراحى
مع العلم يا دكتور ان عيونى الحمد لله واسعة جدا وشكلها جميل بس البروز ده مخلينى مضايق رغم انه لا يسبب لى اى الم او شئ
ولى سؤال اخر يا دكتور واعرف ان حضرتك من اشد المعارضين له
الدكتور لما فحص عيونى قالى انك ممكن تعمل ليزك فعيونك تصلح جدا
عايز رايك حضرتك من واقع ما ذكرته لك .
وشكرا يا دكتور وبارك الله لك وفيك.
عادة العين صعب جدا تكون سبب دوخة ، و لكن صداع ... ممكن
طبعا عدم لبس النظارة أو العدسات بيسبب اجهاد العين ، و ممكن يعمل حرقان ، زغللة ، دموع ، صداع ...
بالنسبة للدوخة فانا رأيي :
1) قياس ضغط الدم.
2) عمل نحليل صورة دم كاملة cbc
3) كشف أنف و أذن و حنجرة
للوقوف على سببها ان شاء الله
يالنسبة لعدسات التجميل ، فأى عدسة ملونة ممكن تعمل السحابة دى لو قعدت فى ضوء خافت ، و ممكن يكون جزء من سببها انه فيه مقاس فى العين مش متصلح، و ممكن تكونى حضرتك لبستيها فترة طويلة ، او ان العدسة عمرها خلص..
نقص فيتامين أ الحاد يؤدي الى خشونة الشعر والجلد و ما يسمى بالعشى الليلي وهو عدم الرؤية بالضوء الخافت والتعرض للنزلات الشعبية والمعوية ، و يمكن الحصول عليه من الأكل بسهول عن طريق تناول البيض و اللبن و منتجاته ، و الكبدة و الخضروات ذات الأوراق الداكنة مثل السبانخ و البقدونس ، و الجزر و المانجو و البطاطا..
و تحياتى
قصر النظر ينتج عادة من أن حجم العين يكون أكبر من الطبيعى و بالتالى من الممكن ان تعطى احساسا زائفا بالجحوظ ، و يمكن التأكد من ذلك بالفحص الطبى ، و مادمت قد قمت به فلا داعى للقلق ، و بالتأكيد استعمال العدسات ليس له اثر من قريب او بعيد على حجم العين ... فلا تقلق
انا اعارض الليزك بسبب مشاكله و بسبب اخفاء الحقيقة عن المريض فى ما يمكن ان يحدث
بالنسبة لمقاس حضرتك و كما ذكرت 10- فأنا ارى انه يعتبر فى آخر المسموح به فى الليزك و لذلك نعنبر حضرتك من الممكن اجراء الليزك لهم و ليس من المفضلين لأجراء الليزك لهم تحسبا لحدوث مضاعفات لا قدر الله ، و بالتالى فأنا اعترض على كلمة "عيونك تصلح جدا" و لا أوافق عليها (مع كامل احترامى للطبيب الذى قالها). و عموما فقد سبق النقاش عن الليزك فى صفحات سابقة و مواضيع اخرى و هى تحتوى على لنكات يمكن متابعتها وو تقرير ما تريد فعله بعد ذلك..
و بالتوفيق ان شاء الله
و تحياتى
شكرا يا دكتور شريف علي اهتمامك بالرد علي اعضاء المنتدي ولكن لي مشكله بسيطه اريد الرد عليها
انا بلبس نظاره طبيه و مريحاني اوي ومقسها
العين اليمني sphere :-6.00/cylnder:-1.00/axis:125
العين اليسري sphere :-6.00/cylnder:-0.50/axis:50
واستمرت علي المقاس ده حوالي سنتين
وبعد كه قولت اعمل كشف جديد واغير النظاره وعملت كشف جديد وكان
العين اليمني
sphere :-6.50/cylnder:-1.00/axis:125
العين اليسري
sphere :-6.00/cylnder:-0.50/axis:50
قولت اجرب العدسات روحت اخدت الكشف الاخير ورحت اشريت عدسات بالكشف الاخير ده
واخذتها ولبست العدسات بس في مشكله وانا لابس العدسات واقرا اي كلام او ارقام احس بزغلله جامده واشوفهم اتنين وكمان وانا امام الكمبيوتر واول معقد مش بعد فتره ده اول ما افتحه اي كلام بيفضل مزغلل وكما ان انا بعقد علي كمبيوتر كتير واي كلام مكتوب علي ورقه او ارقام فا مرتحتش وقلعتها ولبست النظاره القديمه وارتحت بيها وبشوف بيها عادي ارقام وكلام
انا دلوقت عايز اعرف العيب منين العدسات ولا الكشف ولا المحلول
ياريت ترد عليا واسف علي الاطاله
د\شريف: مشكور جدا لخدماتك وكان ليا استفسار.
انا بستخدم الاب توب من 8 ل 10 ساعات يوميا-وفى بعض الاوقات يعنى مثلا كل اسبوعين لشهر بحس بضغط فى عينى الشمال وانها مزغللة.وحصلتلى مرة وانا سايق من حوالى اسبوع ولما بتحصلى الاعراض ديه بقفل عينى الشمال لحوالى 5-10 دقائق وبترجع عادية.وساعات بحس ان فى ترابة فى عينى وبغسلها بتخف وساعات استعمل القطرة تروح الترابة.
ايه راى حضرتك.ولا اجى العيادة علطول
شكرا على تعاونك يا دكتور شريف،،
أنا كان عندي إستفسار صغير، أنا كنت عملت و أنا صغير، عملية كاتاركت و تغيير عدسة في عين واحدة، بس الرؤية ما إتحسنتش بعد العملية، بعدين قريب كده كنت عند دكتور بغير كشف النضارة فحكيتله عالعملية و سألته هو ليه النظر ما إتحسنش و هل في حاجة أو عملية ممكن تصلح النظر في العين دي، قاللي لأ العين كسلانة!
أنا بصراحة مافهمتش و سكت :)
لو عند حضرتك تفسير ممكن توضحلي الموضوع
شكرا يا دكتور شريف
:36_3_10[1]::36_3_10[1]:
ربنا يكتر من امثالك يا دكتر يا عظيم
سوالى بسيط اوى
وهو
انى لما بقعد على الكمبيوتر 3 او 4 ساعات بحس باجهاد فى عينى
الحل اى لحماية العين من الاجهاد خصوصا طبيعة عملى تتطلب كمبيوتر كل يوم من 3 الى 4 ساعات
على فكرة فى البعض قالى نظرك هيضعف بعض فترة من قاعدك على الكمبيوتر فترات طويلة
طب الحل اى
كيفيت
الحفاظ على قوة النظر رغم الجلوس اوقات طويلة على الكمبيوتر؟
الموضوع شرحه بسيط
مركز الأبصار فى المخ هو المسئول عن استقبال الأشارة اللى بتيجى من العين عن طريق العصب البصرى و تفسيرها الى الصورة اللى بنشوفها
مركز الأبصار ده (موجود فى الفص الخلفى من المخ فى النصفين) بيتكون من بعد الولادة و يكتمل نموه فى الفترة مابين 5 - 7 سنوات من العمر
خلال هذه الفترة لابد من وصول صورة سليمة له من العينين لكى يكتمل نموه بطريقة سليمة ، و لما نموه بيتم يبقى خلاص مافيش حاجة تانية تضاف له.. أو زى ما بنقول .. قفل على كده
و بالتالى اذا اكتمل نموه و كل عين سليمة ، فان هذا الشخص تظل قدرته على الرؤية السليمة محفوظة ، حتى لو تغير مقاس العين فيما بعد و اصبح البصر ضعيفا ، فانه يعود كما كان بمجرد لبس النظارة ،..
و لكن اذا تم النمو و هناك عين بها ضعف فيبقى الحال على ما هو عليه ، اى ان هذه العين مهما حاولنا تصحيح النظر فيها (نظارات او عدسات .. الخ الخ الخ) فلن يتحسن الأبصار بها ابدا عما كانت عليه وقت اكتمال نمو مركز الأبصار بالمخ
و اسمح لى اوضح بأمثلة
طفل نظره سليم و تم 7 سنوات و نظره سليم ، بيشوف 6/6 بكل عين ، و لما كبر فى اعدادى مثلا نظره ضعف ، هنا لما يلبس نظارة لازم يرجع يشوف 6/6 تانى
طفل نظره ضعيف و لابس نظارة مخلياه 6/6 و تم 7 سنوات ، نفس الحكاية ، هايفضل 6/6 طول ماهو لابس النظارة
طفل عنده عين ضعيفة 6/18 و عين 6/6 و تم 7 سنوات و لما كبر عايز يلبس نظارة لأن نظره ضعف و بقى 6/24 و 6/12 ، هنا هايرجع زى ما كان .. اللى هو 6/18 و 6/6 لأن دى آخر قدرة لمركز الأبصار وصل لها قبل ما يقفل النمو على كده
فالأحتمال الغالب ان عين حضرتك اللى كان فيها مياه بيضاء قعدت فترة لحد مركز الأبصار بالمخ ما قفل ، و بالتالى بتفضل العين ضعيفة ، او زى ما بنقول كسلانة ، و ممكن برضه تسمع كلمات وصف ليها زى lazy eye او amblyopic eye ... كلهم نفس المعنى.
و للأسف حتى الآن مافيش طريقة نحسن بيها العين اللى حالتها كدة. (قيه ابحاث شغالة على الحكاية دى و ان شاء الله خير)
بالأضافة ان العين دة مفيدة برضه برغم ضعف ابصارها و لكنها تغطى مجال ابصار ، و بالتالى اذا جاء شئ من ناحيتها ، و ان لم تميزه و لكن هانلفت ناحيته ، يبقى ما زالت مفيدة.
آسف للأطالة و لكن ارجو أكون وضحت الأمر
و تحياتى
شكرا لك
و ممكن حضرتك تراجع الموضوع ده
http://www.nilemotors.net/Nile/75787-1.html
و ان شاء الله هاتلاقى فيه اجابة عن اسئلتك
و تحياتى
السلام عليكم يا دكتور شريف
ليا سؤالين بعد اذن حضرتك
بعانى من فترة من زغلله بسيطة فى العين و بتزيد مع الحركة و لما راجعت طبيب العيون من فترة قال انها مش من العين و نها حساسية بالانف و ماثرة على العين
فهل فعلا دة طبيعى ولا اراجع طبيب اخر و خصوصا ان اخر كشف نظر كان من حوالى 8 شهور
سؤال اخر
النهاردة اول ما صحيت من النوم لقيت وجع فى نهاية العين اليمنى و بيزيد لما بقفل عينى مع احساس بوجود زى شوكة فى العين و الوجع كان كدمة بسيطة فى العين مع عدم وجود احمرار او ورم فى العين و الحمد لله فهل تستدعى مراجعة طبيب ولا استنى ممكن الالم يقل تدريجيا وشكرا جزيلا لحضرتك
بستخدم حاليا قطرة بروزلينهل فيه حاجة تانية ممكن استخدمها وهل يستدعى الامر مراجعة طبيب
شكرا يا دكتور شريف علي اهتمامك بالرد علي اعضاء المنتدي ولكن لي مشكله بسيطه اريد الرد عليها
انا بلبس نظاره طبيه و مريحاني اوي ومقسها
العين اليمني sphere :-6.00/cylnder:-1.00/axis:125
العين اليسري sphere :-6.00/cylnder:-0.50/axis:50
واستمرت علي المقاس ده حوالي سنتين
وبعد كه قولت اعمل كشف جديد واغير النظاره وعملت كشف جديد وكان
العين اليمني
sphere :-6.50/cylnder:-1.00/axis:125
العين اليسري
sphere :-6.00/cylnder:-0.50/axis:50
قولت اجرب العدسات روحت اخدت الكشف الاخير ورحت اشريت عدسات بالكشف الاخير ده
واخذتها ولبست العدسات بس في مشكله وانا لابس العدسات واقرا اي كلام او ارقام احس بزغلله جامده واشوفهم اتنين وكمان وانا امام الكمبيوتر واول معقد مش بعد فتره ده اول ما افتحه اي كلام بيفضل مزغلل وكما ان انا بعقد علي كمبيوتر كتير واي كلام مكتوب علي ورقه او ارقام فا مرتحتش وقلعتها ولبست النظاره القديمه وارتحت بيها وبشوف بيها عادي ارقام وكلام
انا دلوقت عايز اعرف العيب منين العدسات ولا الكشف ولا المحلول
ياريت ترد عليا واسف علي الاطاله
شكرا لردك يا دكتور
اولا بليس النظاره المقاس القديم هو اللي مريحني
بالنسبه لمقاس العدسات
اليمني : B -6.5
B.c :8.60 / dia 14.2
اليسري :B -5.5
B.c :8.60 / dia 14.2
ده اللي مكتوب علي علب العدسات والعلب لما جبتها كانت علب زجاج زي الادويه ومتبرشمه
نوعها clear vision صنع امريكا لمده سنتين
ياريت توضحلي العيب منين من فضلك
وشكرا علي مجهودك
الدكتور الفاضل شريف منسى استفدت كثيرآ من قرائتى لردودك القيمة طوال ال 40 صفحة :)
فجزاك الله خير الجزاء
فى احدى الصفحات وجدت سؤال عن علاج العين الكسلانة قبل سن التاسعة ..
لكن عندى سؤال اذا سمحت .. هل هناك علاج للعين الكسلانة بعد سن 21 سنة ؟
ام ان هذا لا يمكن ؟؟
الزغللة اللى تزيد مع لحركة عادة سببها اختلال ضغط الدم او فقر الدم (الأنيميا)
احتمال التهاب الجيوب الأنغية وارد و لكن لا بد من التأكد من الضغط و تحليل الدم ايضا.
الوجع اللى حضرتك بتقول عليه ممكن يكون بداية التهاب ميكروبى ، بلاش البريزولين ، و لو فضل الوجع او زاد فى هذه الحالة بيكون الفحص افضل ، و ان لم يمكن ذلك فاستعمل قطرة مضاد حيوى زى
Tobrex eye drops
قطرة للعين 4 مرات يوميا
و بلغنى الوضع ايه
و الف سلامة على حضرتك
و تحياتى