سير عكس الاتجاه = 1000 جنيه !

**Nistelrooy** · 18-01-2009 12:43 PM

ايوا ايوا العريش دلوقتي علطول بقي فية كمين ...

وانا ضد الي يشمي عكسي ...

من كام كنت رايح اكتوبر عن طريق الرماية عديت الرماية خلاص ..

فجاة لقيت فيما لا يقل عن 20 عربية ماشيين عكسي رايحين علي الرماية في طريقي !

وانا كنت ماشي يمين خلوني ادخل شمال ؟؟؟؟

**R A N A** · 18-01-2009 12:58 PM

المشاركة الأصلية كتبت بواسطة Amrrr

سوزوكي زيه يوم الخميس وقف في صلاح سالم على الشمال وقرر يدخل يمين لعمارات العبور من فتحة خروج وطبعا الباشا هيقطع صلاح سالم بالعرض انا كنت من اللي وراه وربنا سهل محصلشي حاجة)وهيدخل من الفتحة بضهره
المهم انا جيت جنبه وقلتله بالراحة في اربع عربيات ودا كان بجد واصوات الفرامل كانت عالية كانوا هيلبسوا في بعض بسببك !!! قاللي : بسببي آنيي؟؟ قلتله آه !!قاللي : ربنا يسهل !!! وبمنتهى الاستهتار بكلامي وبالشارع والعربيات اليي حوالينا واللي جاية من وراه وهتطلع من الطريق المحلي بتاع عمارات العبور وبدأ يبص وراه ويرجع لورا عشان يدخل بضهره عكس في اتجاه الخروج من عمارات العبور!!!ودي اول مرة في حياتي اتمنى كان يبقى معايا شيروكي او رانجلر!!!

انا تنحت من الموقف الحقيقة

.
بصراحة السواق ده مش يروح لدكتور نفسي لا ده يتحبس مدى الحياة في مسشتفي الأمراض العقلية

ويتكهرب كل يوم مرتين قبل الأكل وبعده :k48:.
عشان تصدقوني لما قلت عليهم كائنات فضائية

لا ... والناس زعلت مني أوي لما قلت عليهم كلاب والله الكلاب بتميز عنهم على الاقل لما بدي كلكس للكلب بيعدي بسرعة أو يرجع مكانه ويسيبك تعدي ومش بيتنح ويبص شظراً ولا بيقل ادبه

**sasatony** · 18-01-2009 01:04 PM

عارفها اللجنة دي
كل ماعدي من هناك عليهم الاقيهم ماسكين واحد
اصل الاول شارع العريش كان رايح جاي دلوقتي خلوه رايح بس يعني عشان تخرج من شارع العريش بتدخل اي يمين وتروح طالع علي الهرم عادي خالص

**crazylambada** · 18-01-2009 02:37 PM

طب حد عمره شاف وده حصلي و الحمد لله ربنا ستر
عربيتين ماشيين مخالفين للاتجاه
و فجاة قررت واحدة منهم انها تتخطى التانية و عدت من جنبها و قفلت الطريق
وانا جاي في وشها وربنا ستر
بس بامانه انا لو معايا عربية فور باي فور
كنت زود بنزين و دخلت فيها بكل قوتي
علشان ديه اشمها قلة ادب
لما اموت انا ووالدتي واختي
علشان خطار مستهتر معتوه
وكمان غشيم
ربنا يوديهم في داهية كلهم

**matrix4arabs** · 18-01-2009 06:06 PM

اخ crazylambada

ممكن اعرف ايه اللي مزعلك من الهيونداي ( اعذروني بس التوقيع لفت انتباهي )

**crazylambada** · 18-01-2009 06:43 PM

دي كانت حملة ضد غبور بصفة عامة
تاييد لاخواننا ملاكي الهيونداي
بسبب المشاكل اللي كانوا بيواجهوها و الجشع من غبور
نايل موتورز كان متبني الحملة
انا اصلامش ملاكي الهيوندايبس ده كان تاييد ليهم
و خلصت الحملة
بس انا لسه حاطت شعار الحملة
لا هيونداي بعد اليوم

**MoToRiZeR** · 18-01-2009 07:07 PM

شارع العريش يا جماعة بقي إتجاه واحد و معروف و خلاص يعني إن حد يخش عكس فيه عشان ملوش مزاج يغير خط سيره القديم ده أكنه بيطلع لسانه لكل الناس اللي ماشية في الشارع .

مع إحترامي لقريبك طبعاَ بس هو غلطان مفيش كلام و مش هقول ربنا يكفينا شر اللجنة لأ انا ساعات و الله بقول يا رب يعملوا لجنة هنا كل ما أشوف بلاوي زرقة من بتاعة الشارع ، بالعكس انا شايف الضابط عمل معاه واجب كمان .

و يا رب كتر من اللجان كمان و كمان عشان لو كل واحد دفعله مبلغ محترم بسبب سواقته "الإجرامية" و حط تحتيها مليون خط .. بعد كدة يمشي كويس و يحترم باقي الناس اللي ماشية في الشارع .

**samirayad** · 18-01-2009 07:16 PM

المشاركة الأصلية كتبت بواسطة wahba87

السلام عليكم

من باب الاستفادة من اخطاء الغير

الاسبوع اللى فات واحد قريبى اتمسك فى لجنة سير عكس الاتجاه (فى الهرم) , و على كلامه ان كان واقف فى اللجنة مساعد وزير الداخلية و مدير مرور الجيزة

قالوله المخالفة 500 جنيه و حبس يوم و حجز العربية يوم

وهو بيدفع المخالفة الضابط قاله , الحل الوحيد عشان متتحبسش ,انك تسيبلى الرخص و انا هقول انك جريت بالعربية , و روح المرور بعد كام يوم هتدفع 500 مخالفة + 500 غرامة , وقد كان

الكلام ده كان فى شارع تقريبا اسمه شارع العريش

المهم ان نفس الشخص من حوالى شهر كان برده دفع 500 سير عكس الاتجاه فى غمرة , بس كان ساعتها اتحسبت بدون تعمد فمكنش فيها حبس او حجز للعربية (بس هو متعلمش من خطأه)

ربنا يحفظنا كلنا , خدوا بالكوا يا جماعة , وياريت نتعلم من أخطاء غيرنا

الكلام ده كله انا سمعته بس مشوفتش حاجة بعينى

الله يصلح حاله الضابط اللى أخد منة الرخصه واداله النصيحة.......عرفتم بقه ان فيه ناس ولاد حلال وكويسين

**دينا أبوالعلا** · 18-01-2009 08:14 PM

انا فعلا لسه واحده قريبتي 2 معاها فالشغل عربيه وموتوسيكل مشيوا عكس الاتجاه دفعو غرامه 1000 جنيه واتحبسوا وبتقولي اتحبسوا في الحبس اللي بيفضلو واقفين فيه انا اول مره اسمع عن حبس كده بس انا عايزه اعرف هو فعلا ده صح الدفع والحبس وهل الغرامه للمشي عكس الاتجاه بتوصل لي 1000؟؟؟
ربنا يكفينا شر الطريق وشرور انفسنا