سير عكس الاتجاه = 1000 جنيه !

**فادى** · 20-01-2009 12:53 AM

المشاركة الأصلية كتبت بواسطة Tyler_Durden

الف جنيه ?
معلش يعني بس ده لو في بلد محترم كان اتجلد في الشارع

هو فيه ايه بالضبط!!
واحد يقول اللى يمشى عكسى المفروض يتجلد, و واحد يقول المفروض يتصعق مرتين بالكهربة كل يوم, و واحد يقول المفروض يتعالج نفسيا! كأننا بنتحدث عن قتالين قتلة.
يا جماعة لما الحكومة تبطل تحط الملفات الضرورية على بعد مئات الأمتار يبقى الناس هتبطل تمشى عكسى تلقائيا, انما طول ما تخطيط الشوارع بهذا المنظر الغريب, منقدرش نلوم اى حد يمشى عكسى أو يقف صف تانى لأنه ببساطة بيعمل ما يمليه عليه طبيعته فى توفير الجهد و المال حتى و لو بمخاطرة محسوبة.

**MoToRiZeR** · 20-01-2009 12:57 AM

المشاركة الأصلية كتبت بواسطة فادى

هو فيه ايه بالضبط!!
واحد يقول اللى يمشى عكسى المفروض يتجلد, و واحد يقول المفروض يتصعق مرتين بالكهربة كل يوم, و واحد يقول المفروض يتعالج نفسيا! كأننا بنتحدث عن قتالين قتلة.
يا جماعة لما الحكومة تبطل تحط الملفات الضرورية على بعد مئات الأمتار يبقى الناس هتبطل تمشى عكسى تلقائيا, انما طول ما تخطيط الشوارع بهذا المنظر الغريب, منقدرش نلوم اى حد يمشى عكسى أو يقف صف تانى لأنه ببساطة بيعمل ما يمليه عليه طبيعته فى توفير الجهد و المال حتى و لو بمخاطرة محسوبة.

طب يا فادي دلوقت لو واحد له مشكلة مع الحكومة
يعاقب عليها الشعب ليه !؟

يعني الحكومة بنت ستين في سبعين و بتعمل الملفات بعيد
ذنبي انا إيه و انا ماشي الاقي واحد مبوظ الشارع كله و موقفه عشان مكسل يمشيلي 500 متر بالعربية .

غير كدة فيه ناس بتخش عكس كتيييير جداَ علي بعد ملف يقع علي بعد أمتار معدودة .

الشعب بيحب يخطف و ياكل و يقطش الطريق في السواقة !
و فيه ناس تلاقي الناحية بتاعتها زحمة تقوم ماشية في العكس!
و فاكرها حاجة حلوة و فهلوة .

**mo7a_mo7a** · 20-01-2009 05:49 AM

في قانون المرور الجديد لازم تروح النيابة الاول وهي اللي توقع العقوبة
ظابط المرور ميقدرش يحبسك ولا يدفعك غرامة فوق المخالفة دي سلطة قضائية يعني حصرية علي النيابة فقط
ااذا كان ظابط المباحث ميقدرش يحبس حد (في فرق بين الحجز والحبس- الحجز اجراء انما الحبس عقوبة)
طبعا انا مشفتش حد دفع 500 جنيه لحد دلوقتي بس حكاية الحبس والغرامة دي انا متاكد منها لازم محضر واثبات وتتعرض علي النيابة وهي تقرر وومكن تطعن لو مش عاجبك قرار النيابة

**mo7a_mo7a** · 20-01-2009 05:57 AM

المشاركة الأصلية كتبت بواسطة فادى

هو فيه ايه بالضبط!!
واحد يقول اللى يمشى عكسى المفروض يتجلد, و واحد يقول المفروض يتصعق مرتين بالكهربة كل يوم, و واحد يقول المفروض يتعالج نفسيا! كأننا بنتحدث عن قتالين قتلة.
يا جماعة لما الحكومة تبطل تحط الملفات الضرورية على بعد مئات الأمتار يبقى الناس هتبطل تمشى عكسى تلقائيا, انما طول ما تخطيط الشوارع بهذا المنظر الغريب, منقدرش نلوم اى حد يمشى عكسى أو يقف صف تانى لأنه ببساطة بيعمل ما يمليه عليه طبيعته فى توفير الجهد و المال حتى و لو بمخاطرة محسوبة.

لحد ما حال الشوارع يتصلح ويتحط الملفات اي حضرتك بتتكلم عليها
لازم كلنا نحترم قواعد المرور الموجودة بحذافيرها حفاظا علي ارواحنا وارواح الاخرين حتي ولو كان السبيل المروري المتاح مكلف
والا حنبقي شعب مجرم ومتخلف وهمجي:k26:
ومفيش حاجة اسمها مخاطرة محسوبة
اللي بيمشي عكس الاتجاه يعرض حياته وحياة الاخرين للخطر الشديد بتصرف غير مسؤول وفوضوي
وده علشان يوفر كام قرش او شوية وقت:k26:

اللي بيمشي متعمد عكس الاتجاه لمجرد التوفير شخص مهمل ومتهور وارعن
ويستثني من ذلك حالات الضرورة القصوي التي يكون فيها ارواح الناس وممتلكاتهم علي المحك

**mo7a_mo7a** · 20-01-2009 06:02 AM

انا عن نفيس لا اري العقوبة المالية مناسبة للسير عكس الاتجاه
لان معني كده اللي معاه فلوس يمشي زي ما هو عايز

العقوبة المثلي الي جانب الغرامة سحب ترخيص القيادة الشخصي لمدد تصاعدية تبدا باسبوع ثم شهر ثم 3 شهور ثم سنة ثم سحب نهائي علشان نرتاح منه بشرط عدم تكرارها اكثر من مرة خلال العام والا يتم تطبيق العقوبة القصوي (السحب النهائي للرخصة) عند تكرارها للمرة الثانية خلال 12 شهر

**CryptonX** · 20-01-2009 12:54 PM

كويس يا ريت يحبسوا اي حد ماشي عكس الاتجاه ( طلاما غير مضطر ) شهر و يسحبوا عربيته كمان !

**mo7a_mo7a** · 20-01-2009 03:58 PM

المشاركة الأصلية كتبت بواسطة sleepyhammer

فعلا يا جماعة موضوع ال 1000 جنيه غرامة ده وموجود فى اسكندرية بردو بكثرة
واحد اعرفه بردو مشى حته متجيش 15 متر وحظه لقه لجنة فى اخرها دفعه 500ج ساعتها ولو مدفعش كان هيدفعها ساعة تجديد الرخصة 1000 ج بس متحبسش ولا دفع غرامة زيادة هما 500 ج
ممكن يكون على حسب الضابط الى واقف ومدى مرونته فى تطبيق القانون.........
وربنا يكفينا شر طريقنا جميعا بأذن الله

طبقا لقانون المرور الجديد الدفع الفوري للغرامة يخفضها 50%
بمعني ان ممكن تختار اما تدفع النصف فورا او تنتظر عند التجديد لدفع الغرامة كاملة
والغرض من ده خف الضغط علي نيابات المرور

**mo7a_mo7a** · 20-01-2009 04:01 PM

مضبوط يا استاذ amelsahn الواحد لازم يحترم نفسه اولا

-

-

الموضوع: سير عكس الاتجاه = 1000 جنيه !

LinkBack

أدوات الموضوع

عرض

-

-

-

-

-

-

-

المواضيع المتشابهه

اللمبه ب 1000 جنيه !!!!!!!!!!!!

هو فيه كدة؟! 1000 جنيه ليه هو احنا حرامية !!!!

كاسيت سى دى فى حدود 1000 جنيه

سمعت ان سعر الالنترا زاد 1000 جنيه

تقدر تعيش فى مصر ب 1000 جنيه

الكلمات الدلالية لهذا الموضوع

المفضلات

المفضلات

ضوابط المشاركة