الموضوع: ما معني السرعة القصوي للسيارة

المشاركة الأصلية كتبت بواسطة MMamdouh

الكاتينة عند احمد مقطعتش... و لو الكاتينة قطعت مكنش يحصل valve float لان الحالة دى مبتحصلش الا و الكامة بتلف و الصباب مقفلش بالرغم من ان الكامة مش دايسة علية و بالتالى لازم الكامة تبقى فى وضعية حركة عشان نقدر نقول ان فيه valve float

انا معاك ان لو الكاتينة قطعت حيحصل نفس الضرر لكن هنا الكاتينة مقطعتش

الموضوع بتاع الfloat دة كنا بنتكلم فيه على daewootech لان كان فيه ناس عايزة تعدل الrev limiter و توصل الموتور ل 8000 RPM و كدة و كان دايما رد الناس الخبرة (الناس دى انا بالنسبة لمعلوماتهم فى تانية حضانة) ان لو تم التعديل دة بدون تقوية سوست الصبابات حيحصل float و الصبابات و الشواكيش حتتكسر

MMamdouh

خلاص ياريس.....أحسن حاجه أنا شايفها نقفل الموضوع ده......آن الاون للم الدور وكفايانا .....وخلينا كده حبايب....وياريت الأخ الفاضل المهندس /أحمد مايكونش زعلان منى لأننى والله مدايق لحد دلوقتى .....احنا حنختلف على السرعه القصوى ليه ....أنا أساسا مابمشيش اكثر من 110 كم/ساعه.....دا روح التعاون والحب والتصادق عندى أكثر مليون مره من الموال ده.....ايه رأيك فى الكلام ده

بينى وبينك كده بعيدا عن المهاترات بتاعة السرعه القصوى دى........أنا حللت بينى وبين نفسى موضوع تقوية السست بتاعة الصبابات للتغلب على ظاهرة الvalve Float علشان عاوزين يرفعوا سرعة المحرك لقيت لها مردود مش كويس على مجموعة التقسيمه وخلافه كالتالى 1-العزم المطلوب من الكامه لفتح الصبابات حيزيد ومش مستحب لكفاءة مجموعة الكاتينه 2 -رفع السرعه مش حلو لاداء الكستبانات وده حيعجل بتلف البساتم بتاعة الكستبانات ويمكن يتلف الغرف بتاعتها اللى فى رأس السلندر لأن معدل التزييت حيقل بين البستم وغرفته نتيجه الحركه التردديه العاليه.................................... ............. 3- سرعة تلف رأس السلندر حتزيد فى المنطقه بتاعة تطبيع الصبابات مع الرأس من الداخل نتيجة قوة السست لحظة فرد السسته نفسها وأكيد حتزيد الاجهادات على الصبابات ذاتها عند منطقة الطبق بتاع الصباب لحظه قفله على رأس السلندر نتيجة قوة الياى 4- كامات عامود الكامه نفسها ستتعرض لاجهادات تصادم أكبرعند اصطدامها بالكستبان نفسه (علشان مطلوب منها عزم كبير للتغلب على السسته بتاعة الصباب لفتحه وبالتالى سرعة تلف عمود الكامه وهكذا حنلاقى مشاكل كتير من تقوية السست ....وأعتقد ان ممكن يكونوا ما عملوش موضوع تقوية السست ده