الموضوع: اتحاد مالكي الفيات اونو

السلام عليكم ورحمة الله وبركاتة

الحمد لله تم إكتشاف العيب لسخونة العربية كانت ماسورة كدة على شكل حرف l بتتوصل ما بين الريداتيروالموتور بصراحة مش فاكرة اسمها اية مع ان انا اللى اشتريتها
المهم الماسورة دى كانت مصدية لدرجة التأكل فأول أما أملا الريداتير كانت بتنقط على فلتر الزيت مياة مصدية والحمد لله تم تغييرها ولسة مجربتش العربية
ويارب السخونة تكون راحت الماسورة دى تمنها 30 من عند واحد اسمة السنى فى ميدان الجيزة وهى تركى عشان ملقتش الإيطالى عندة

حاجة كمان
يعنى اية تفتيح العربية
اخويا لما كان بياخدها منى كنت بحس ان العربية بترجع كويسة أسألة لية يقوللى بفتحالك
أرجو التوضيح

المشاركة الأصلية كتبت بواسطة NFS7

حبيبييييييييي
تسلم ياكبير على المراية انا اشتريت مراية بي 50 جنيه
اديني معلومات عربيتك
موديل وحالة البودي وحالة الموتور وكماليتها وعدادها كام وفيها ايه عايز يتصلح وهتقول كام عشان تسمح للفصال والنهائي كام عشان كذا واحد سالني عن اونو الفترة دي
وربنا يكرم ان شاء الله

مش كنت انا اولي بال 50 جنيه

2007 راشة من بره معرفش بالكامل ولا اجزاء
الموتور ممتاز مفيش منه اي شكوي
الكماليات زجاج كهرباء امامي و مساحة خلفية اللي بستفاد بيهم :) بالنسبة لعدادها 38,500
بالنسبة للي فيها بصراحة فيها حاجات كتير و انا مش حاببها لذلك هخلص منها :) الكلاكس بيعلق يعني مش بيشتغل علطول عايز تغير العلبة بتاعته و الانتظار عايز يتغير الزرار بتاعه برضه و عايزه ضبط زوايا و مش عارف بقي فيها حاجة في العفشة ولا سليمة اصلي مليش في الكلام ده خالص
انا اتخنقت منها و انتم السبب اني اشتريها ربنا يسامحكم بقي علي اللي عملتوه فيا و الحاج سمسم اولكم
من النهاية العربية انا اشتريتها من معرض جيت موتورز في سموحة اللي من اسكندرية هيكونوا عرفينه كويس و روحت دفعت فلوسها اخدتها و مشيت علطول والله ده حتي الراجل هو اللي كان بيقولي عيوبها :) علشان مجبتش حد يشوفهالي كسلت بصراحة و قولت الاونو مش مستهلة يعني الكشف كان عملي ايه في الكروز كانت بايظة و قالولي 100 100 في التوكيل
انا بتكلم كتير و اسف علي كده بس قاعد زهقان قلت اصدعكم شوية :( و اخر اللي فيها علشان نسيته في الاول انها واخدة خبطة من قدام و من ورا و الخبطة اللي ورا مردودة من جوة و باينة بس فابريكة و والله كل العيوب ديه مش مني ديه من الست اللي كانت معاها قبل ما اشتريها

المشاركة الأصلية كتبت بواسطة om mohammed

حاجة كمان
يعنى اية تفتيح العربية
اخويا لما كان بياخدها منى كنت بحس ان العربية بترجع كويسة أسألة لية يقوللى بفتحالك
أرجو التوضيح

تفتيح عربيه دي يعني بيقرص على نقلاتها بيجريها شويه

المشاركة الأصلية كتبت بواسطة nouranwar

مش كنت انا اولي بال 50 جنيه :copy of m-s5:

2007 راشة من بره معرفش بالكامل ولا اجزاء
الموتور ممتاز مفيش منه اي شكوي
الكماليات زجاج كهرباء امامي و مساحة خلفية اللي بستفاد بيهم :) بالنسبة لعدادها 38,500
بالنسبة للي فيها بصراحة فيها حاجات كتير و انا مش حاببها لذلك هخلص منها :) الكلاكس بيعلق يعني مش بيشتغل علطول عايز تغير العلبة بتاعته و الانتظار عايز يتغير الزرار بتاعه برضه و عايزه ضبط زوايا و مش عارف بقي فيها حاجة في العفشة ولا سليمة اصلي مليش في الكلام ده خالص
انا اتخنقت منها و انتم السبب اني اشتريها ربنا يسامحكم بقي علي اللي عملتوه فيا :copy of m-s5: و الحاج سمسم اولكم
من النهاية العربية انا اشتريتها من معرض جيت موتورز في سموحة اللي من اسكندرية هيكونوا عرفينه كويس و روحت دفعت فلوسها اخدتها و مشيت علطول والله ده حتي الراجل هو اللي كان بيقولي عيوبها :) علشان مجبتش حد يشوفهالي كسلت بصراحة و قولت الاونو مش مستهلة :b4_592: يعني الكشف كان عملي ايه في الكروز كانت بايظة و قالولي 100 100 في التوكيل
انا بتكلم كتير و اسف علي كده بس قاعد زهقان قلت اصدعكم شوية :( و اخر اللي فيها علشان نسيته في الاول انها واخدة خبطة من قدام و من ورا و الخبطة اللي ورا مردودة من جوة و باينة بس فابريكة و والله كل العيوب ديه مش مني ديه من الست اللي كانت معاها قبل ما اشتريها :ob_mak1[1]:

مع اني مفهمتش حاجة والحاجات الي انت بتقول عليها كلها حجات عادية لو تعرف تيجي بيها عندي يوم جمعة اضبطلك كل ده في يوم
وواضح كده من كلامك انك من اسكندرية؟

المشاركة الأصلية كتبت بواسطة abohassan

معلشى ياشباب ..

عاوز اكشف على زيت الفتيس ... دا بيبقى مكانه فين فى العربيه وهل ليه مقياس زى زيت الموتور ... أصلى مش عارف أوصله منين ؟
ولو لقيته ناقص ..فيه نوع زيت معين ..؟


....

هوا انت في شكوى من الفتيس ولا عايز تكشف كده نضافة؟
لو معندكش مشاكل متعملش حاجة لو الفتيس تقيل او النقلات فيها حاجة لازم تكشف في بنزينة ويزودلك الزيت فالفالين 90 ومتحطش 140

ودلوقتي بقى جه دوري انا اسالللللللللللللل
وعلى الله بقى ملقيش رد عندكو
انا عايز قاعدة كربراتير زي زي الصورة دي


ممكن الاقيها فين في مصر؟؟؟؟؟؟؟؟؟؟؟؟؟؟؟؟؟؟؟؟؟؟ ؟
وعايز كمان كربراتير بتاع فيات يكون 2 باب الي بيسموه WEBER 32/34
زي الي في الصورة دي برضوووووو

كل الناس الي معانا هنا لازم تردد علياااااااااااااااااااااا ا
والي ميعرفش ياخد الصور يسالي عليها في المحلات الي يعرفها احسن اقتل سمسم واقفل الرابطة دي كلها

المشاركة الأصلية كتبت بواسطة WHATZUP

والله ياباشا انت خادم كل الناس اللي في المنتدي هنا
وتستاهل ان كل اللي في الرابطة دي يسيب اللي في ايدة دلوقتي ويروح يسالك





وربنا يوفقك انك تلاقي قاعدة الكاربيراتير

وربنا ينولك اللي في بالك كمان...
بس سيب لنا سمسم... والفدية اللي انت عايزها.. هاندفعهالك

يباشا انت تنور وعيب عليك الكلام دههه
الكربراتير هترسى يا كربراتير بونتو 1300 كهرباء وده مش حابو مش ناقصة حساسات وكنترولات والعك ده ده غير تكلفتو هتوصل حوالي 2000 جنيه
انا بفكر في كربراتير ريجاتا 1300 2 باب وشباك وافصلو قاعدة عند خراط منحرف قصدي محترف
بس سمسم لا يمكن اسيبو ابدا وبالذات انو بعتلي على الفيس اقتلني وولع في الرابطة اسهل من الي بضور عليه ده