تحذيــر - عقوبــة السيـر عكس الإتجاه حبس

**momo10000** · 25-01-2009 04:40 PM

يا جماعة الموضوع مش موضوع نيابة ..........

الموضوع يخص الداخلية .....

يعني اية يسكتوا علي مليون حاجة في البلد ويجيوا يمسكوا في كم مخالفة عشان الفلوس ونهب مال الشعب ( شغل مصالح)...

انا غلطان واتعاقبت .. طبيعي ومنطقي اني اتعاقب ... بس الغريب والعجيب سكوت الداخلية علي الفوضي اللي في البلد ... وعجبي !!!!

منهم لله ....

**abou_ruqi** · 25-01-2009 04:41 PM

المشاركة الأصلية كتبت بواسطة ahmed12345678

يا رجالة انا وكيل نيابة لكن مش بمشى عكس الاتجاة وان كنت بعمل كدة زمان لكن كان ضميرى بيوجعنى ان ازاى اعمل حاجة زى دة وبعدين احاسب الناس عليها فبطلت امشى عكس الاتجاة اى كانت المسافة واب اوضح ان لو فى وكيل نيابة اتمسك فى مخالفة مرورية فلا يستطيع الضابط اتخاذ اجراء ضدة سوى مطالبتة بابراز كارنية عملة وتحرير مذكرة بالمخالفة وارسالها لادارة التفتيش المختصة

احييك يا احمد بيه علي صراحتك
طيب وانت ايه رايك في الموقف ده في ميزان العدل والشرع ؟؟؟

**AHMED12345678** · 25-01-2009 05:02 PM

على فكرة معظم وكلاء النيابة الى بيعملوامخالفات مرورية سببها وقائع حصلت ليهم مع المرور قبل التعيين فى النيابة وحبوا يطلعوا على بتوع المرور الى عملوة فيهم قبل كدة وبصراحة اى شخص لو لقى فرصة يذل فيها بتوع المرور هينتهزها بدون اى تردد

**MoToRiZeR** · 25-01-2009 05:08 PM

المشاركة الأصلية كتبت بواسطة ahmed12345678

على فكرة معظم وكلاء النيابة الى بيعملوامخالفات مرورية سببها وقائع حصلت ليهم مع المرور قبل التعيين فى النيابة وحبوا يطلعوا على بتوع المرور الى عملوة فيهم قبل كدة وبصراحة اى شخص لو لقى فرصة يذل فيها بتوع المرور هينتهزها بدون اى تردد

شكراَ لردك و صراحتك
بس هو لو حد إتقدم ضده مذكرات كتير، هل ده بيضره فعلاَ ولا أي كلام ؟

بمعني أصح .. هل فعلاَ مخالف القانون لو ضابط أو وكيل نيابة .. بيقع عليه أي عقوبة ولا بيعدي و خلاص كلام علي ورق؟

**Nistelrooy** · 25-01-2009 05:35 PM

المشاركة الأصلية كتبت بواسطة momo10000

انا لسة طالع من الحوار دا يا جماعه النهاردة....

1120 جنية ... وقسم ... ومحضر ... ونيابة ... وتصالح ...وبهدلة زي الفل ....

المخالفة كانت في شارع سهل حمزة ... بين الهرم و فيصل ..

طبعا انا غلطان واستاهل ... بس برضة حسب الله ونعم الوكيل ... عشان كم الفوضي اللي متسابة في البلد وجايين علي شارع فرعي ويقولك القانون....

طب فين القانون في كل المحروسة من غير ما اسمي .. عشان الفوضي في كل المحروسة غير معدودة.... منهم لله العرعر.

الحتة دي خلاص بقت ملغمة ,,

مرتيين كنت راكب مكروباص والمصيبة في نفس الاسبوع
السواق الي انا راكب معاة يطلبو منة ا الرخصة وفي الاخر يوقفوة شويا وياخدوا الي فية النصيب ويمشوا ,,

وللعربيات الملاكي مسكوا واحد انهاردة كان معاة مرسيديس والعربية كلها ستاير بس معرفش علموا معاة اية علشان
انا دخلت اشتري ساندوتيشن في العريش رجع لاقيت مافيش كمين وكان شيء لم يكن

وعرفت انهم كانوا بيلموا قرشيين وماشيين

والي غايظني لقيت الامين طالع فجاة قدام المكروباص
طلع منين الله اعلم !

**karimone** · 25-01-2009 05:49 PM

ما هيا الكماين ديه سببوبه للأمناء برده
ده مما لا شك فيه

**AHMED12345678** · 25-01-2009 07:13 PM

الى بيحصل ان وكيل النيابة بيرد على المذكرة بعبارة ماورد بالمذكرةغير صحيح جملة وتفصيلا وفى الاغلب انة لايحدث ضرر طالما انة لم يتم تصوير السيارة المخالفة

**AHMED12345678** · 25-01-2009 07:21 PM

بالنسبة للضباط فالى معظم الناس لا تعرفة انهم بيدفعوا مخالفاتهم فى النيابة زى كل الناس وساعات كتيربيدوروا على واسطة علشان يخفضوا قيمة المخالفات

**karimone** · 25-01-2009 07:29 PM

المشاركة الأصلية كتبت بواسطة ahmed12345678

بالنسبة للضباط فالى معظم الناس لا تعرفة انهم بيدفعوا مخالفاتهم فى النيابة زى كل الناس وساعات كتيربيدوروا على واسطة علشان يخفضوا قيمة المخالفات

انا اول مره اعرف الموضوع ده فعلاً

**M.Osman** · 25-01-2009 09:46 PM

بصراحة احسن! ...

و يا ريت بكرة تبقى إعدام ... و بكدا كثافة السكان هتقل جدا عشان فى منهم كتييير

الموضوع: تحذيــر - عقوبــة السيـر عكس الإتجاه حبس

LinkBack

أدوات الموضوع

عرض

-

-

-

المواضيع المتشابهه

الرخصة أتسحبت مخالفة سير عكس الإتجاه !

ماذا يمكننا عمله لمكافحة السير عكس الإتجاه الذي أصبح مستفز جدا

الإتجاه المعاكس - جدار غزة

بداية تنفيذ أحكام السجن في قانون المرور (عقوبة السيرعكس الإتجاه السجن وتم بدء تنفيذه)

الكلمات الدلالية لهذا الموضوع

المفضلات

المفضلات

ضوابط المشاركة