تحذيــر - عقوبــة السيـر عكس الإتجاه حبس

**karimone** · 27-01-2009 10:34 AM

في السعوديه الحجز بيكون لمدة ليله واحده لكسر الاشاره

عندنا في مصر 3 سنين طبعاً علشان مصر هي أم الدنيا

**abzoabzo** · 27-01-2009 11:00 AM

المشاركة الأصلية كتبت بواسطة AshTurbo

النصيحة المفروض تكون للشيئ الصح مش للشيئ الغلط يعني أحنا بدل ما ننصح الناس أنهم يدفعوا خمسين جنيه ننصحهم ما يسوقوش عربيتاهم عكس الأتجاه وبعد كدة نقول عمار يا مصر !! ثم تدفع خمسين جنيه ليه وألف جنيه ليه في حين أنك ممكن بمنتهى البساطة تلتزم بالأتجاه الصحيح ومش هيكلفك 5 جنيه بنزين زيادة بالزمة مش أوفرلك ؟

الكلام ده لما تحدد اتجهات الشوارع وتكلف الادارة بتاعة المرور خاطرها وتحط علامات ارشادية

يعنى افتكر مثلا اللواء شريف جمعة لما اتكلم عن قانون المرور انك ممكن مثلا تعترض على المخلفة لا سمح الله لو على الشارع اللى اتخدة فيه المخالفة انه مفيهوش علامة اويفطة ارشادية توضح انه اتجاه واحد :k48:

**دينا أبوالعلا** · 27-01-2009 11:35 AM

عندي سؤال مهم مش هو السجن للرجاله بس ولا ايه!!!! ولا انا كمان احضر شنطة الهدوم ولا ايه؟؟؟؟؟؟؟؟؟
والله لو هتيجي علي السجن ماشي بس الظلم انك تبقي قاعد معاك واحد قتال قتله ولا حرامي ولا ...............اي حد مع اي حد
فالسعوديه اللي بيكسر اشاره بيتحبس 24 ساعه بس معتقدش انه بيتحبس مع الناس دي وهي دي الفكره وبعدين اتحبس 3 سنين زيي زي اللي قتل
ده مش استهزاء بالغلطه لكن مش عدل
حسبيا الله ونعم الوكيل

**د./اليشع ثابت** · 27-01-2009 12:01 PM

المشاركة الأصلية كتبت بواسطة أحمد سالم

احسن حاجه نبيع العربيات ونجيب تكتك ولا ترخيص ولا غيره
ومهما تعمل من اخطاء وانت راكب التكتك انت خارج نطاق القانون

ولما تطق فى دماغهم
بدل ما يسحبوا الرخصة
يسحبوا التوك توك نوهائى

ارحم برضة من 1000 جنية

و يجعلة عااااااامر

**hosamaldin** · 27-01-2009 11:10 PM

قانون السجن للسير عكس الاتجاة -- في راي يعتبر اهم مادة في قانون المرور -- لان السير العكسي منتشر جدا في جميع محافظات المحروسة -- واعتقد انها حصلت مع ناس كتير انك تكون داخل ملف في طريق وطبعا مش شايف تكملة الطريق بسبب الملف -- وتفاجا بعربية في مواجهتك تسير عكس الاتجاة -- ولو مثلا لا قدر الله دخلتو في بعض تخيلو حجم الاضرار في الارواح والممتلكات -- والله انا لابشتغل في المرور ولا ليا دعوة بيهم -- فاعتقد ان السير عكس الاتجاة مش كفاية فية حبس السائق والافضل يكون اعدام السائق - مين اللي بيحدف التوب دة اي

**karimone** · 27-01-2009 11:34 PM

يا باشا لا طوب و لا حاجه
بس برده انا شايف ان عقوبة السجن مناسبه إذا ماكنتش كتير موضوع التلات سنين دول

زي ما قلت قبل كده اللي بيقتل واحد ممكن ياخد فيه تلات سنين بس

**shoudy2005** · 27-01-2009 11:43 PM

طالاما الواحد بيتحبس علشان مشى عكس الطريق يبقى يسرق بقى مفرقتش كتير

**Fadi Ezzat** · 28-01-2009 12:51 AM

[QUOTE=AshTurbo;621279]النصيحة المفروض تكون للشيئ الصح مش للشيئ الغلط يعني أحنا بدل ما ننصح الناس أنهم يدفعوا خمسين جنيه ننصحهم ما يسوقوش عربيتاهم عكس الأتجاه وبعد كدة نقول عمار يا مصر !! ثم تدفع خمسين جنيه ليه وألف جنيه ليه في حين أنك ممكن بمنتهى البساطة تلتزم بالأتجاه الصحيح ومش هيكلفك 5 جنيه بنزين زيادة بالزمة مش أوفرلك ؟[/QUOTحضرتك جبت المختصرالمفيد بس فى ساعات الواحد بتطق قى دماغة حاجات مجنونة يعملها