تحذيــر - عقوبــة السيـر عكس الإتجاه حبس

**ahit** · 27-01-2009 02:45 AM

المهم كل واحد ياخد باله و يستعد لو عمل مخالفة يغمز الأمين العام لشوارع المحروسة بخمسيناية على الأقل.
وعمار يا مصر.

شكراً على النصيحة الغالية
و لكن هما صوروك و لا سحبو الرخص ولا إيه اللى حصل معاك بالظبط لما كنت فى الزمالك و ماشى عكس ؟!!!!!!!!!

الواحد بعد كدة وهو رايح يرخص يبقى يعمل حسابة فى شنطة هدوم والذى منة علشان ممكن بدل ما يرجع على البيت يطلع على السجن

ههههههههههههه

:k48:

**AshTurbo** · 27-01-2009 03:20 AM

المهم كل واحد ياخد باله و يستعد لو عمل مخالفة يغمز الأمين العام لشوارع المحروسة بخمسيناية على الأقل.
وعمار يا مصر.

النصيحة المفروض تكون للشيئ الصح مش للشيئ الغلط يعني أحنا بدل ما ننصح الناس أنهم يدفعوا خمسين جنيه ننصحهم ما يسوقوش عربيتاهم عكس الأتجاه وبعد كدة نقول عمار يا مصر !! ثم تدفع خمسين جنيه ليه وألف جنيه ليه في حين أنك ممكن بمنتهى البساطة تلتزم بالأتجاه الصحيح ومش هيكلفك 5 جنيه بنزين زيادة بالزمة مش أوفرلك ؟

**ahit** · 27-01-2009 03:29 AM

المشاركة الأصلية كتبت بواسطة AshTurbo

النصيحة المفروض تكون للشيئ الصح مش للشيئ الغلط يعني أحنا بدل ما ننصح الناس أنهم يدفعوا خمسين جنيه ننصحهم ما يسوقوش عربيتاهم عكس الأتجاه وبعد كدة نقول عمار يا مصر !! ثم تدفع خمسين جنيه ليه وألف جنيه ليه في حين أنك ممكن بمنتهى البساطة تلتزم بالأتجاه الصحيح ومش هيكلفك 5 جنيه بنزين زيادة بالزمة مش أوفرلك ؟

كلام سليم 100%
جزاك الله خيراً

**MoToRiZeR** · 27-01-2009 03:32 AM

يا حبيبتي يا مصر يا مصر :10D5C8~1107:

المشاركة الأصلية كتبت بواسطة AshTurbo

النصيحة المفروض تكون للشيئ الصح مش للشيئ الغلط يعني أحنا بدل ما ننصح الناس أنهم يدفعوا خمسين جنيه ننصحهم ما يسوقوش عربيتاهم عكس الأتجاه وبعد كدة نقول عمار يا مصر !! ثم تدفع خمسين جنيه ليه وألف جنيه ليه في حين أنك ممكن بمنتهى البساطة تلتزم بالأتجاه الصحيح ومش هيكلفك 5 جنيه بنزين زيادة بالزمة مش أوفرلك ؟

يا باشا مفيش في مصر حاجة صح و حاجة غلط للأسف .. يعني انا واحد من الناس اللي بتمشي سليم علي طول .. طلعت في دماغ ضابط يتنطط عليا من شوية و قاللي إركن علي جنب بقوله ليه ؟ قاللي أصلك غريب عن المنطقة ! مش فاهم دي تهمة جديدة ولا إيه ولا المفروض كل واحد يعيش جوة منطقته ميخرجش منها .. قلتله هوا يعني حضرتك من المنطقة !؟ ماهو طبيعي أول ما أخرج أبقي غريب عن المنطقة !!!!! قعد بقي .. معاك ممنوعات .. و تحقيق كله أسألة رخمة .. قال يعني انا لو معايا حاجة هقوله أه .. ممكن في نفس اللحظة تلاقي واحد كان ماشي عكس و مبهدل الدنيا .. وقفه قام حاططله خمسين في أيده و مشي .. فين بقي الصح و الغلط و العدل .. سلملي عالمترو ..

**أحمد سالم** · 27-01-2009 04:44 AM

احسن حاجه نبيع العربيات ونجيب تكتك ولا ترخيص ولا غيره
ومهما تعمل من اخطاء وانت راكب التكتك انت خارج نطاق القانون

**moudy88** · 27-01-2009 05:16 AM

السير المعاكس اكبر غلط ولا يختلف اثنين على كده ..لكن منتها الظلم تكون العقوبه الحبس و3 سنين كمان ..يعني يرضي ربنا ان واحد ماشي عكس يدخل السجن ويتساوى بالمغتصب والقاتل والسارق وبقية المجرمين....ده عقوبه السرقه بتبدي من 6 شهور وناس بتقتل وتاخد 5سنين ......فيه طرق ثانيه لعقاب السير المخالف مثل سحب الرخص لمدة سنه او 3سنين بدل من السجن....او دفع الغرامه ...او ايقاف الرخصه الى الابد ..لكن شيء لايصدقه عقل ان الواحد يتحبس علشان سير مخالف ...انا الحمد لله مش من هواة السير المخالف لكن الامر لايسلم والانسان مصيره بيخطيء وخطأ واحد ممكن يودي الواحد في داهيه.وربنا يحفظنا ويحمينا ويبعد عننا ولاد ال..........

**eng.octooo** · 27-01-2009 05:31 AM

بالمغتصب والقاتل والسارق وبقية المجرمين

هههههههههههه موضوع محير فعلا

**hamdy** · 27-01-2009 08:37 AM

عمتا يا جماعة انتوا محبوسين محبوسين
لو متحبستش في سير عكس الاتجاه وسرحت ممكن تتحبس في السرعة القصوة ولو ربنا ستر عليك ومتحبستش من المرور ممكن تخش السجن في واحد ريح عليك بالعربية بتعته او ريح عليك
ولو نجيت من ده و ده ممكن تلاقي نفسك دخلت منطقة مش منطقتك فيحلوا اوراقك للمفتي

**merosss** · 27-01-2009 09:23 AM

بمناسبة الحبس هو فى اية تانى ممكن الواحد يتحبس عشانة غير المشى عكس يعنى مخالفة السرعة فيها حبس يعنى الى مخالف فى 10 كيلو ماشى 70 او 80 بدل 60 بيساوى الى ماشى 160 فى المخالفة