الموضوع: لو حد عنده استفسار عن الدهانات و الديكور و النقاشه عامه

المشاركة الأصلية كتبت بواسطة chicobon

من فضل حضرتك الشقة في اخر دور و البويه بتقشر عاوز ادهنا انا في حجرة عملتها بلمعجون بس النتيجة معجبتنيش مجتش زي الاماكن الي مش متقشرة و هل لازم ادهنا وش ولا وشين من السانيتون قبل ما ادهن بي البلاستك و سؤال اخير انضف اديا بي ايه هل في حاجة غير الجاز عشان مش متوفر في كل مكان و لما بلبس جونتي اديا بتعرق

معلش انا مش واضحه ليا اول نقطه يعنى حضرتك تقصد امك لقط معجون فى اﻻماكن المقشره و حاسس ان النتيجه مش عاجباك لو ده اللى انا فاهمه و صح يبقى تدى سكينه معجون تانيه لغايه ما تحس ان الحوائط قريبه من بعض و بعدين تدى وشين البﻻستيك على طول هتﻻقيها كلها بقيت ميه واحده
تانى حاجه موضوع السنيتون قبﻻ البﻻستيك انا مش فاهم ليه حضرتك عاوز تدهن سينيتون قبل البﻻستيك اللى انا فاهمه ان الحوائط عمدك مدهونه بﻻستيك يبقى ﻻزمه السينيتون اللى هو ﻻكيه
بالنسبه لنضافه اليد لو بﻻستيك يبقى الميه بس كافيه مش محتاج جاز و لو شغال ﻻكيه النفط بيتباع جرتكن تمد اى حد بتاع حدايد و بويات و كده كده ﻻزم هتشتريه علشان تخفف بيه اﻻكيه او شغال بيه
لو اى استفسار تانى او انا ما كنتش فتهم اى حاجه صح و ما وضحتهاش وضحهالى تانى و انا ارد على حضرتك ان شاء الله

المشاركة الأصلية كتبت بواسطة طارق _عبد السلام

الموضوع عدى ال 26 الف مشاهده يعنى موضوع مفيد وله شعبيه ليه مش فى المثبتات
ده عدد مشاهداته تخطى عدد مشاهدات اى موضوع فى المثبتات عدا بيانات الاعضاء
نرجوا التثبيت للفائده

شاكر جدا ﻻهتمامك يا باشا و بصراحه انا سعيد جدا ان الموضوع يحقق مشاهده عاليه و انى بقدر اساعد بقدر و لو بسيط فى اى استفسار

المشاركة الأصلية كتبت بواسطة البليهيس

لا معرفتش اوصل لحضرتك انا بزاكر الخطوات مع حضرتك كل ما تيجي في بالي سؤال باسءله علشان لما اعمل الدهان اكون ملمه بكل حاجه ....انا لسه مشترتش بس براجع الخطوات ولو حابه ادهن الاستناسل اعمل ايه فايه راي حضرتك يكون مط ولا نصف لمعه ولا ايه يا باشمهندس واشكرلك سعة صدرك وطول بالك ....وبطالب بتثبيت الموضوع لاني بزاكره كله كزا مره ..موضوع مفيد جداااااا

شكرا لذوقك يا فندم
بالنسبه لو هتحطى ستنسل على الحائط يبقى يفضل تشتغلى فينوماستيك مط ﻻنه لو اشتغلتى سيلك اللى هو ربع لمعه او نصف ﻻمع اﻻطراف بتاعته ممكن تطلع و تبوظلك شكل الرسمه و بالتالى كل الناس اللى بتطبق ستينسل بننصحهم بالفينوماستيك مط ارضيه الحائط و بعد ما ينشف كويس تحطه اﻻستنسل و تدهنى برضه حاجه من اتنين
1 فينوماستيك مط بﻻستيك عادى و بيطلع نتيجه حلوه
2 فينوماستيك اينامل مط و ده اﻻكيه بتاع يوتن ميزه اﻻكيه انه بينشف بعد وقت فلما تيجى تشيلى اﻻستبنسل من الحيطه الرسمه بتطلع مظبوطه
اﻻتنين هيطلعو نتيجه كويسه غالبيه الناس بتعملها بالبﻻستيك علشان بهدله الاكيه
اى استفسار تانى تحت امرك