لو حد عنده استفسار عن الدهانات و الديكور و النقاشه عامه

**kliken** · 09-12-2013 09:40 PM

المشاركة الأصلية كتبت بواسطة طارق _عبد السلام

تمام الله يبارك لك

يعنى عندى الحائط مخدوم اصلا قريب 4 سكينه معجون و3 اوشاش بلاستيك .. هعيد عليه تانى وشين بلاستيك ووشين معجون طولى وعرضى ؟ مجرد استفسار فقط . ولا حضرتك كنت بتتكلم على ان الحائط عندى على المحاره
واستفسار تانى معذره بتقل على حضرتك
السكينتين الطولى والعرضى بردوا من نفس معجون الاستوكو ولا معجون بلاستيك ملون نفس درجه الاستوكو
وان شاء الله ماتقلق من موضوع استخدامى لسكينه المعجون وتهدير الخامات

وكنت حضرتك وعدتنى بصور للمعجون متشطب
تقديرى لتعاونك
فائق الاحترام

بص يا باشا وشين البﻻستيك علشان ارضيه المحجون الرخامى ملهاش عﻻقه بان الحيطه مخدومه و وشين المعجون نفس الكﻻم يا باشا هو بس انت هتخسر وشوش البﻻستيك اللى انت عاملهم اﻻ لو كنت هتعمل المعجون الرخامى بنفس لون الحائط اللى عندك دلؤتى يبقى كده ملهمش ﻻزمه الوشين
السكينتين الطولى و العرضى ﻻزم من الرخامى ما ينفعش اامعجون العادى ﻻن قوامهم مختلف عن بعض
و الصور اتا اسف تسيت خالص اول ما هكون فى البيت هبعتهم لحضرتك بعتذر ليك مره اخرى
ى استفسار تانى تحت امرك يا باشا

**kliken** · 10-12-2013 01:12 AM

**kliken** · 10-12-2013 01:18 AM

و دى صوره تانيه برضه للمعجون الرخامى اتمنى اكون افدتك يا باشا

**طارق _عبد السلام** · 10-12-2013 01:31 AM

عاجز عن الشكر يابشمهندس محمد

على متابعتك واهتمامك
جزاك الله كل خير وجعله فى ميزان حسناتك ان شاء الله

**shaaban2008** · 10-12-2013 02:45 AM

موضوع هايل يابشمهندس
تحياتي لحضرتك

**ashraf122** · 10-12-2013 09:20 AM

كنت عايز اسال حضرتك على الجبسون بورد استعماله فى الحوائط بيكون ارخص من بناء حائط

**kliken** · 10-12-2013 12:13 PM

المشاركة الأصلية كتبت بواسطة shaaban2008

موضوع هايل يابشمهندس
تحياتي لحضرتك

ربنا يخليك يا فندم حضرتك اللى نورت الموضوع

**kliken** · 10-12-2013 12:40 PM

المشاركة الأصلية كتبت بواسطة ashraf122

كنت عايز اسال حضرتك على الجبسون بورد استعماله فى الحوائط بيكون ارخص من بناء حائط

بص يا باشا الفكره كلها التطبيق اللى هتنفذ فيه الحائط بمعنى انك عاوزه فاصل و مش هيبقى عليه احمال و خبط و رزع يعنى استعمال عادى و ﻻ استخدام شاق و هيكون وراه كراسى تحك فيه جامد و مع الوقت هيتأثر و هيبقله شكله وحش
لو التطبيق عادى و بتعمل فواصل الجيبسون بورد اريح كتير جدا و بيتعمل فى وقت قصير جدا و بيريحك من حوار الطوب و البناء و المحاره و استهلال الصنايعيه
و بالنسبه للسعر حسب لو حائط صغير بيتحسب على بعضه مرمه و لو كبير يتحسب بالمتر مربع و هشوف رنج اسعار دلؤتى المتر كام اخر سعر اعرفه كان80 جنيه للمتر المربع بس ده سعر الجبسون بورد الوش الواحد لﻻسقف عدل فأظن هنضرب فى 2 يبقى متر الحوائط حوالى 160 جنيه هتأكدلك برضه

**البليهيس** · 10-12-2013 03:27 PM

ازيك يا باشمهندس عندي سؤال واستحملنى معلش انا نزلت كل البايظ من الحيطان وبعد كده معجنتها بمعجون من يوتن وبعدبن ادبت وش بطانه ابيض وبعدين دهنت الوشين النهائيين بس لو عوزه اطبق رسم ستانسيل بيكون له دهان مخصوص ولا بجيب فينوماستيك اللون اللي عوزاه

-

الموضوع: لو حد عنده استفسار عن الدهانات و الديكور و النقاشه عامه

LinkBack

أدوات الموضوع

عرض

-

-

-

-

-

-

-

المواضيع المتشابهه

استفسار بخصوص الدهانات

استفسار فى انواع الدهانات

استفسار بخصوص الدهانات ..

حد عنده فكرة عن انواع الدهانات فى السوق و اسعارها

استفسار بخصوص الديكور

الكلمات الدلالية لهذا الموضوع

المفضلات

المفضلات

ضوابط المشاركة