لو حد عنده استفسار عن الدهانات و الديكور و النقاشه عامه

**طارق _عبد السلام** · 07-01-2014 02:29 PM

السلام عليكم يابشمهندس محمد
من فضلك السقف عندى مدهون بلاستيك والشتوايه الاخيره دى تقريبا عملت شويه مشاكل
السقف بقى فيه عفونه سوداء فى بعض الناطق
هل لها علاج اظن لو دهنته تانى العفونه دى هتتظهر هل هناك خطوات معينه او مواد قبل الدهان
ممكن اعرف حلها ايه فضلا

**طارق _عبد السلام** · 08-01-2014 01:16 AM

المشاركة الأصلية كتبت بواسطة kliken

و عليكم السﻻم و رحمه الله و بركاته اخى الكريم
الشتاء الاخير اللى هو السنه دى و ﻻ السنه اللى فاتت لو السنه اللى فاتت يبقى قديم و ممكن نشتغل عادى نعالج من اﻻول هنقشر الحتت المعيبه اﻻول و برضه عاوز اعرف هى مصيص و ﻻ محاره و متمعجنه و بعد التقشير للمتاطق اللى فيها مشاكل هندى سيﻻر قوى و بعدين ننعجن عادى و تدهن السقف كله بعد كده علشان ما يبقاش فى فرق
لكن لو مشاكل الاسقف لسه ظاهره من الشتاء ده يبقى تستنى الصيف و ابقى اعمل الخطوات اللى فاتت

تسلملنا يابشمهندس
الشتوايه الاخيره تبع السنه دى كانت تقيله شويه ولماركزن فى السقف شفت المناطق السوداء دى
السقف كان محاره عادى وواخدسيلر و3 سكينه معجون
من كلام حضرتك لازم ننتظر للصيف ليتم جفاف السقف وبعدين نعمل السقف كله
ربنا يبارك فى حضرتك

**ghareeb** · 12-01-2014 02:01 AM

احيانا بشوف حيطان مدهونه بلون زاهى جدا و الحيطه ناعمة جدا. لدرجة تحس انها فورومايكا. مش حيطان.
هو ايه الدهان ده و بيدهن ازاى

**kliken** · 12-01-2014 09:35 PM

المشاركة الأصلية كتبت بواسطة ghareeb

احيانا بشوف حيطان مدهونه بلون زاهى جدا و الحيطه ناعمة جدا. لدرجة تحس انها فورومايكا. مش حيطان.
هو ايه الدهان ده و بيدهن ازاى

دهان الحوائط دايما بيبقى محبب من اثر الروله طالما دهان
ممكم التأثير ده يجى بالرش بس صعب جدا ان حد يرش شقه بكامل حوائطها
فى برضه معجون رخامى ببدى الملمس و النعومه اللى حضرتك بتتكلم عليها بس ده معجون مش دهان

**moonlight40** · 27-01-2014 06:37 AM

السلام عليكم تسلم يا باشا على الموضوع ده
كنت عايز اعرف ر~يك فى دهانات glc
ناس شكرت فيها انها كويسه و مش غاليه

**احمد المصرى** · 27-01-2014 04:09 PM

السلام عليكم

انا عامل المطبخ عندى خشب وعليه رخام وعامل حلتين للحوط فى قلب الرخام بس المشكله ان عندى الرخام مش حده واحده على 3 قطع المشكله الان ان فى فاصل بسيط جدا بين الرخامه والرخامه ودا بينزل مايه على الخشب

هل الافضل انى الزق الرخام باسمنت ابيض ولا بى سيليكون شفاف ضد البكتريا ولا بلزق رخام انا عايز حاجه تلزق ذى الحديد علشان امنع تسريب المياه خالص

ثانيا :- انا عندى جزء من الخشب شرب مايه بس شرب مايه باحترام هل لو سبته ينشف وخد وش سيلار هيكون كدا كويس ولا لازم يتغير بس تغييره هيكون رخم لانى لازم اشيل الرخام

اقتراحتكم ايه

**kliken** · 28-01-2014 12:14 PM

المشاركة الأصلية كتبت بواسطة احمد المصرى

السلام عليكم

انا عامل المطبخ عندى خشب وعليه رخام وعامل حلتين للحوط فى قلب الرخام بس المشكله ان عندى الرخام مش حده واحده على 3 قطع المشكله الان ان فى فاصل بسيط جدا بين الرخامه والرخامه ودا بينزل مايه على الخشب

هل الافضل انى الزق الرخام باسمنت ابيض ولا بى سيليكون شفاف ضد البكتريا ولا بلزق رخام انا عايز حاجه تلزق ذى الحديد علشان امنع تسريب المياه خالص

ثانيا :- انا عندى جزء من الخشب شرب مايه بس شرب مايه باحترام هل لو سبته ينشف وخد وش سيلار هيكون كدا كويس ولا لازم يتغير بس تغييره هيكون رخم لانى لازم اشيل الرخام

اقتراحتكم ايه

و عليكم السﻻم و رحمه الله و بركاته
السليكون كويس و هيقضى الغرض بس مش بيعيش كتير و فى لزق الرخم قوى طبعا و مش هيفك و حسب برضه لون الرخام عندك علشان الشكل ما يبقاش وحش و ممكن تجيب حد بتاع رخام تشوف معاه اﻻفضل على الطبيعه
موضوع الخشب شرب مياه ده نسبى اﻻفضل حد يشوفه على الطبيعه و يحددلك محتاج ايه بالظبط و مدى تضرر الخشب عند حضرتك

-

-

-

الموضوع: لو حد عنده استفسار عن الدهانات و الديكور و النقاشه عامه

LinkBack

أدوات الموضوع

عرض

-

-

-

-

-

المواضيع المتشابهه

استفسار بخصوص الدهانات

استفسار فى انواع الدهانات

استفسار بخصوص الدهانات ..

حد عنده فكرة عن انواع الدهانات فى السوق و اسعارها

استفسار بخصوص الديكور

الكلمات الدلالية لهذا الموضوع

المفضلات

المفضلات

ضوابط المشاركة