بفضل الله استلمت الجراند تريوس 7 راكب. سؤال بخصوص تركيب الانذار

**the_first_knight** · 11-02-2009 09:46 PM

أولا : ألف مبروك على اختيارك الموفق إن شاء الله ( ربنا يعطيك خيرها ويقيك شرها )

ثانيا : أنا وجهة نظري في موضوع الإنذار ووحدات الرفع ( إن طالما العربية جديدة ولسه إن شاء الله فترة طويلة في الضمان يبقى يا ريت الواحد لا يقوم بعمل أي شيئ بره التوكيل هيخرج العربية برة الضمان ... ده بالضبط زي أي صيانة دورية يمكن تتعمل بره التوكيل بنصف التمن ..)

مرة تانية ... ألف ألف مبروك

**bero77** · 12-02-2009 12:38 PM

المشاركة الأصلية كتبت بواسطة the_first_knight

أولا : ألف مبروك على اختيارك الموفق إن شاء الله ( ربنا يعطيك خيرها ويقيك شرها )

ثانيا : أنا وجهة نظري في موضوع الإنذار ووحدات الرفع ( إن طالما العربية جديدة ولسه إن شاء الله فترة طويلة في الضمان يبقى يا ريت الواحد لا يقوم بعمل أي شيئ بره التوكيل هيخرج العربية برة الضمان ... ده بالضبط زي أي صيانة دورية يمكن تتعمل بره التوكيل بنصف التمن ..)

مرة تانية ... ألف ألف مبروك

ربنا يبارك فيك يا باشا و جزاك الله خيرا و الف شكر على مرورك الطيب.

الصراحه انا بردوا قلقان اني اعمل الريموت بره ليكون بصحيح ده ممكن يخرج الكهربا من الضمان. شكلي كده هاضطر اركبه في التوكيل و اشتري دماغي. ربنا يقدم اللي فيه الخير.

**M.Moustafa** · 12-02-2009 01:10 PM

المشاركة الأصلية كتبت بواسطة bero77

جزاك الله خيرا يا محمد باشا، بس كنت عايز اتاكد من اني فهمت صح، يعني في التوكيل بيعملوا نسخه من مفتاح العربيه و بيركبوا في ريموت و ده بيكون عليه علامة الدايهاتسو يعني مثلا بيكون شكله زي الصوره دي

و الثاني بيكون ريموت عادي و مافيش عليه علامة الدايهاتسو، صح ؟

معلش يا محمد باشا ياريت تعرفنا أيه سعر النوعين و الف شكر با باشا.

يا باشا لا شكر على واجب هوا الصورة مختلفة شوية عن اللي انت حاطه بس هيكون حاجة قريبه منه، هما مش هيعملو نسخه من مفتاح العربية هما هيسلمو حضرتك المفتاح بسلاح مش مخروط وانت تعمله عند اي حد بتاع مفاتيح، على فكرة موضوع الريموت اللي بره شكله زي بتاع العربيات اللعبة هوا ده نفس الريموت اللي هتشوفه هناك، طبعا انا مش بقول لحضرتك ركبه بره التوكيل لاني انا ركبته في التوكيل بس للاسف مش بمزاجي وده انا بعتبره لوي دراع ومش بحبه. الاتنين بنفس السعر 380 جنيه نصيحتي لحضرتك انك لو ركبت اللي بمفتاح غير السلاح اللي بيجي مع المفتاح لاني شايف انه رديء جدا جدا جدا وممكن يتكسر بسهوله جدا

**bero77** · 13-02-2009 04:13 PM

المشاركة الأصلية كتبت بواسطة Mohammed Moustafa

يا باشا لا شكر على واجب هوا الصورة مختلفة شوية عن اللي انت حاطه بس هيكون حاجة قريبه منه، هما مش هيعملو نسخه من مفتاح العربية هما هيسلمو حضرتك المفتاح بسلاح مش مخروط وانت تعمله عند اي حد بتاع مفاتيح، على فكرة موضوع الريموت اللي بره شكله زي بتاع العربيات اللعبة هوا ده نفس الريموت اللي هتشوفه هناك، طبعا انا مش بقول لحضرتك ركبه بره التوكيل لاني انا ركبته في التوكيل بس للاسف مش بمزاجي وده انا بعتبره لوي دراع ومش بحبه. الاتنين بنفس السعر 380 جنيه نصيحتي لحضرتك انك لو ركبت اللي بمفتاح غير السلاح اللي بيجي مع المفتاح لاني شايف انه رديء جدا جدا جدا وممكن يتكسر بسهوله جدا

ربنا يكرمك يا محمد باشا، جزاك الله خيرا،
انا زي ماقولتلك شكلي كده ان شاء الله هاشتري دماغي و اركب في التوكيل. ما باليد حيله

ان شاء الله يكون الريموت اللي بمفتاح علشان في رأيي انه اشيك خاصة ان عليه علامه الدايهاتسو زي ما انت قولتلي و ان شاء الله هاعمل بنصيحتك و اغير السلاح و الف شكر يا باشا.

**albasha37** · 13-02-2009 04:54 PM

بس خلي بالك المفتاح اللي هتعمله مش هيشغل السيارة هيفتح الباب بس ده انا متأكد منه وانا باكلمك على نظام التريوس هنا في دبي معاها مفتاحان بس وفي كل مفتاح بيوجد شريحة في البلاستيك من الداخل الشريحه دي مرتبطه مع شريحه اخرى في الكونتاكت على شان تشغل السيارة واذا حبيت تخلي اي مفتاح يفتحها ويشغلها وده طبعا خطر جدا هو انك تفك الشريحة من المفتاح وتضعها في داخل الكونتاكت في الدركسيون

**salsa10** · 14-02-2009 01:49 PM

الف مبروك يا باش مهندس وربنا يعطيك خيرها ويكفيك شرها
اما بخصوص الإنذار وماكينة الرفع ياريت تركيبها في التوكيل
انا ركبت ماكينة رفع ب280 جنيه هناك لان عربيتي خليجي فيها انذار

**bero77** · 14-02-2009 10:01 PM

المشاركة الأصلية كتبت بواسطة albasha37

بس خلي بالك المفتاح اللي هتعمله مش هيشغل السيارة هيفتح الباب بس ده انا متأكد منه وانا باكلمك على نظام التريوس هنا في دبي معاها مفتاحان بس وفي كل مفتاح بيوجد شريحة في البلاستيك من الداخل الشريحه دي مرتبطه مع شريحه اخرى في الكونتاكت على شان تشغل السيارة واذا حبيت تخلي اي مفتاح يفتحها ويشغلها وده طبعا خطر جدا هو انك تفك الشريحة من المفتاح وتضعها في داخل الكونتاكت في الدركسيون

ربنا يكرمك يا باشا و الف شكر على النصيحه، بس غريبه قوي المفروض في التوكيل ينبهوا على الناس ان الريموت اللي فيه مفتاح مش هينفع يشغل العربيه.

**bero77** · 14-02-2009 10:12 PM

المشاركة الأصلية كتبت بواسطة salsa10

الف مبروك يا باش مهندس وربنا يعطيك خيرها ويكفيك شرها
اما بخصوص الإنذار وماكينة الرفع ياريت تركيبها في التوكيل
انا ركبت ماكينة رفع ب280 جنيه هناك لان عربيتي خليجي فيها انذار

جزاك الله خيرا يا صلاح باشا و الف شكر على مرورك الكريم و على النصيحه.

ان شاء الله فعلا نويت اركب الانذار ووحدات الرفع في التوكيل علشان سببين:
أولا التوكيل أكيد اكتر ناس بيفهموا في العربيه و اتجنب أي مشاكل ممكن تحصل في الكهربا باذن الله و ربنا هو الستار.
ثانيا علشان في ناس كتير بيأكدوا ان الكهربا بتخرج من الضمان اذا اتعمل أي حاجه متعلقه بالكهربا زي الريموت مثلا.

**M.Moustafa** · 15-02-2009 12:20 AM

ما تقلقش يا باشا المفتاح هيشتغل معاك طبيعي كل اللي هيعملوه انهم هيفكو المفتاح الاصلي اللي مع حضرتك يشيلو منه الامبوليزر ويركبوه في الجديد ده على حسب فهمي من المهندس هناك

**bero77** · 18-02-2009 08:29 PM

المشاركة الأصلية كتبت بواسطة Mohammed Moustafa

ما تقلقش يا باشا المفتاح هيشتغل معاك طبيعي كل اللي هيعملوه انهم هيفكو المفتاح الاصلي اللي مع حضرتك يشيلو منه الامبوليزر ويركبوه في الجديد ده على حسب فهمي من المهندس هناك

يا باشا الف شكر على توضيحك، كده الموضوع منطقي ، انا ان شاء الله هاروح التوكيل يوم الاحد القادم علشان صيانه الالف و طلبت منهم اني اركب ريموت و وحدة الرفع و ربنا يسهل ان شاء الله.

الموضوع: بفضل الله استلمت الجراند تريوس 7 راكب. سؤال بخصوص تركيب الانذار

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

بفضل الله استلمت الجين 2

بفضل من الله استلمت Gen.2 2010

استلمت السيريون وان بفضل الله

استفسارات بخصوص الجراند تريوس ال 7 راكب

مميزات وعيوب الجراند تريوس 7 راكب وهل موتورها 105 ولا 115 حصان عشان أنا عايز أشتريها

الكلمات الدلالية لهذا الموضوع

المفضلات

المفضلات

ضوابط المشاركة