انت تسأل وإستشاري منتدى متسوبيشي يجيب (2)

**mmoaty** · 11-11-2009 07:48 PM

السلام عليكم يا بشمهندس طارق
انا عندي لانسر 1600 مودبل 2006 بتقطع من فتره و بتطفي لما بشغل التكيف وديتها الرواس قالولي عايزه تغير حساس اسمه ستيبر موتور و مش موجود الاقيه فين وهو ساعات بيسموه ايدين تشوك و ثمنه كام تقريبا لو سمحت

**مصراوي جدا** · 12-11-2009 01:55 PM

المشاركة الأصلية كتبت بواسطة ksa2011

ازيك يا باشمهندس عامل ايه يارب تكون تمام
كل سنه وحضرتك طيب
انا كنت عايز اسأل على عمود الكامة سعره كام دلوقتى ؟ للانسر 1300 موديل 2007

الحمد لله تمام .. وانت بالصحة والسلامة

سعر عمود الكامة في لانسر 1300 موديل 2007 هو 1650 ج + 10%

المشاركة الأصلية كتبت بواسطة mmoaty

السلام عليكم يا بشمهندس طارق
انا عندي لانسر 1600 مودبل 2006 بتقطع من فتره و بتطفي لما بشغل التكيف وديتها الرواس قالولي عايزه تغير حساس اسمه ستيبر موتور و مش موجود الاقيه فين وهو ساعات بيسموه ايدين تشوك و ثمنه كام تقريبا لو سمحت

انا سألت في قطع الغيار قال لي ان الستوبر موتور غير الايديال تشوك وكمان الستوبر موتور فيه نوعين الموجود فيهم سعره 1500 جنيه انما لازم العربية تيجي علشان نحدد المطلوب بالظبط

**مصراوي جدا** · 12-11-2009 11:52 PM

المفاجأة المتطورة كان المقصود بها فتيس اوتوماتيك مع السبورت مود للعربية الـ 1600 الأوتوماتيك فقط (والهاف سبورت والسبورت)
اما الـ 1300 مانوال اعتقد مفيش فيها تغيير - ربما فيها العدادات الجديدة
تفاصيل التطوير في الموضوع ده
http://www.nilemotors.net/Nile/105685-1600-2010-a.html

بخصوص الحجز مش عارف بيحجزوا ولا لأ ممكن حضرتك تكلم المبيعات ت 19830

**مصراوي جدا** · 13-11-2009 10:54 AM

للأسف موضوع الأسعار لازم اكون في التوكيل علشان ارد عليه وانا بكره السبت باذن الله اجازة فمفيش غير الأحد انما ممكن حضرتك تتصل بيهم السبت وتطلب الاستقبال وتسألهم
تليفون قليوب المركز الرئيسي 42157629

بخصوص الاكصدام والخامة فطبعا الموجود في التوكيل هو الأصلي وجاي من اليابان دي بديهية
واهلا بيك

**ahmed-moga** · 13-11-2009 11:33 PM

اذيك يااستاذ طارق وأذي صحتك كل عام وانت بخير كنت عايز اعرف من حضرتك هي التكنولوجيا بتاعة البومة من 2004 لحد 2009متغيرتش لحد دلوقتي وكنت عايز اعرف الماتور بتاع اللانسر 1300 اتوماتك نوعة اية وفية كامة علوية واحدة ولا اتنين لأن التيوتا الياريس 1300أتوماتك و16 صباب و2 كامة علوية و98 حصان وكمان ارخص في السعرمن اللانسر واللانسر اغلي في السعر اية السبب وهل الماتور اللانسر 1300 اتوماتك فية مميزات اعلي من الياريس ولك جزيل الشكر